Ravi Teja’s Khiladi Movie first look release: టాలీవుడ్ (Tollywood) మాస్ మహారాజా రవితేజ (Ravi Teja) ప్రస్తుతం చేతినిండా సినిమాలతో బిజీబిజీగా ఉన్నాడు. ప్రస్తుతం రవితేజ గోపిచంద్ మలినేని డైరెక్షన్‌లో 'క్రాక్' అనే చిత్రంలో ( Krack movie ) నటిస్తున్నాడు. ఈ సినిమాలో రవితేజ సరసన శృతి హాసన్ (Shruti Haasan) జంటగా నటిస్తుండగా వరలక్ష్మీ శరత్ కుమార్ మరో ముఖ్య పాత్రలో కనిపించనుంది. ప్రస్తుతం ఈ సినిమా షూటింగ్ చివరి దశలో ఉంది. అయితే సినిమా సెట్స్‌పై ఉండగానే మరో సినిమాకు రెడీ అయ్యాడు మాస్ మహారాజా రవితేజ. నిన్న ( శుక్రవారం ) వెల్లడించిన విధంగానే అనుకున్న సమయానికి శనివారం రవితేజ 67వ చిత్రం టైటిల్, పోస్టర్‌ను రిలిజ్ చేశారు మూవీ మేకర్స్. అందరూ అనుకున్నట్లుగానే ఈ చిత్రానికి ‘ఖిలాడీ’ (Khiladi) అనే టైటిల్‌ను ఫిక్స్ చేశారు. కాగా ఈ పోస్ట‌ర్‌లో రవితేజ లుక్ మాస్ అండ్ క్లాస్ అభిమానులను ఆక‌ట్టుకునేలా ఉంది. నవంబ‌ర్ 2 నుంచి మూవీ షూటింగ్ ప్రారంభం అవుతుందని పేర్కొంటున్నారు.
Unveiling the first look of #Khiladi😎
All set for another exciting journey!@DirRameshVarma #KoneruSatyanarayana #AStudiosLLP @PenMovies pic.twitter.com/PNoBgLkfhg— Ravi Teja (@RaviTeja_offl) October 18, 2020
అయితే.. రవితేజ 67వ సినిమా ఖిలాడీ చిత్రానికి వీర ద‌ర్శ‌కుడు ర‌మేష్ వ‌ర్మ (Ramesh Varma) దర్శకత్వం వహించనుండగా.. సత్యనారాయణ కోనేరు నిర్మాతగా వ్యవహరిస్తున్నారు. దీంతోపాటు ఈ సినిమాకు స్వరమాంత్రికుడు దేవి శ్రీ ప్ర‌సాద్ (DSP) సంగీతం సమకూర్చనున్నారు. ఖిలాడీ సినిమాలో రవితేజ సరసన మీనాక్షి చౌదరి (Meenakshi Choudhary) , డింపుల్ హయతి (Dimple Hayati ) ఈ చిత్రంలో హీరోయిన్స్‌గా నటిస్తున్నారు. అయితే ఈ సినిమాను ఒక రొమాంటిక్ ఎంటర్టైనర్‌గా రూపొందించనున్నట్లు తెలుస్తోంది. Also read: Ravi Teja’s Khiladi: రవితేజ కొత్త సినిమా డీటేల్స్ ఇవే
అయితే మూడు సంవత్సరాల క్రితం ఇదే రోజున ఎంటర్‌టైన్‌మెంట్ హిట్ మూవీ రాజా ది గ్రేట్ సినిమా రిలీజ్ అయింది. సరిగ్గా అదేరోజు ఖిలాడీ చిత్రం పోస్టర్‌ను రిలీజ్ చేయడం విశేషం. ఇదిలాఉంటే.. చాలాగ్యాప్ తర్వాత ఈ ఏడాది ప్రారభంలో విడుదలైన రవితేజ సినిమా 'డిస్కో రాజా' ( Disco Raja movie ) కూడా ప్రేక్షకులను అంతగా ఆకట్టుకోలేకపోయింది. సరైన హిట్లు లేక సతమతమవుతున్న రవితేజకు క్రాక్, ఖిలాడీ సినిమాలు మళ్లీ పునర్‌వైభవాన్ని తీసుకువస్తాయని అభిమానులు పేర్కొంటున్నారు. Also read : Tuck Jagadish shooting: ఆగిపోయిన టక్ జగదీష్ షూటింగ్
స్థానికం నుంచి అంతర్జాతీయం వరకు.. విద్య, వినోదం, రాజకీయాలు, క్రీడలు, హెల్త్, లైఫ్‌స్టైల్, సామాజికం, ఉపాధి.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
