Puri Jagannadh Jana Gana Mana Story: విజయ్ దేవరకొండ-పూరి జగన్నాథ్ కాంబినేషన్‌లో 'జన గణ మన' సినిమాను అనౌన్స్ చేయడమే ఆలస్యం.. ఈ సినిమాపై పెద్ద ఎత్తున బజ్ క్రియేట్ అయింది. ఇది పూరి జగన్నాథ్ డ్రీమ్ ప్రాజెక్ట్ కావడం... విజయ్ దేవరకొండ లాంటి పెర్ఫామర్‌ హీరోగా ఉండటంతో.. సినిమాపై అప్పుడే అంచనాలు ఓ రేంజ్‌కి చేరాయి. ఈ సినిమా కథకు సంబంధించి ముంబైలో ఏర్పాటు చేసిన ప్రెస్ మీట్‌లో పూరి జగన్నాథ్ క్లారిటీ ఇచ్చేశారు.
ఇదొక ఫిక్షన్ కథ అని చెప్పిన పూరి జగన్నాథ్... తన దేశం కోసం, తన దేశ పౌరుల కోసం ఒక సైనికుడు కనే కలనే ఈ సినిమా అని తెలిపారు. దేశభక్తి, యుద్ధం వంటి అంశాల మేళవింపుతో ఈ సినిమా ఉంటుందన్నారు. ఇందులో విజయ్ దేవరకొండ ఆర్మీ ఆఫీసర్ పాత్రలో కనిపించనున్నట్లు తెలిపారు. ఈ సినిమా చేయాలని చాలా ఏళ్ల నుంచి ఆత్రుతగా ఎదురుచూస్తున్నానని... విజయ్ దేవరకొండ వల్ల ఇన్నాళ్లకి ఆ కల నిజం కాబోతోందని చెప్పారు.
ఇదే ప్రెస్ మీట్‌లో నటి, నిర్మాత చార్మి మాట్లాడుతూ.. జన గణ మన సినిమాలో పూర్తి భిన్నమైన విజయ్ దేవరకొండను చూడబోతున్నారని పేర్కొన్నారు. ఇక విజయ్ దేవరకొండ మాట్లాడుతూ.. ఈ సినిమా స్క్రిప్ట్ విన్నప్పుడే చాలా ఎగ్జయిటింగ్ అనిపించిందని.. ఇందులో నటిస్తున్నందుకు చాలా గర్వంగా ఉందని అన్నారు. పూరి గురించి ఒక్క లైన్‌లో చెప్పాలని ఓ మీడియా ప్రతినిధి అడిగిన ప్రశ్నకు... 'ఒరిజినల్ గ్యాంగ్‌స్టర్' అని బదులిచ్చాడు విజయ్.
నిజానికి జన గణ మన సినిమాను మహేష్ బాబుతో తెరకెక్కించాలని పూరి గతంలో చాలానే ప్రయత్నించాడు. అయితే మహేష్ అవకాశం ఇవ్వకపోవడంతో ఆ ప్రాజెక్ట్‌ని పక్కనపెట్టేశాడు. విజయ్ ఆ సబ్జెక్ట్‌కి పర్ఫెక్ట్ అని భావించడంతో అతనితో ఈ సినిమా తెరకెక్కిస్తున్నాడు. వచ్చే ఏడాది ఆగస్టు 3న జన గణ మన సినిమా రిలీజ్ చేయబోతున్నట్లు పూరి ప్రకటించేశాడు. ఈ ఇద్దరి కాంబినేషన్‌లో తెరకెక్కిన లైగర్ సినిమా విడుదలకు ముందే.. మరో మూవీ అనౌన్స్ చేయడం హాట్ టాపిక్‌గా మారింది. లైగర్ ఈ ఏడాది ఆగస్టు 25న ప్రేక్షకుల ముందుకు రానుంది.
Here are group pics from today’s#JGM Mission Launch !
WW Release on AUG 3rd, 2023 🔥 @TheDeverakonda #PuriJagannadh @Charmmeofficial @PuriConnects @directorvamshi #SrikaraStudios pic.twitter.com/9LaVqd4eXb
— Puri Connects (@PuriConnects) March 29, 2022
Also read:Viral News: 74 ఏళ్ల ఈ ఆటో డ్రైవర్ ఇంగ్లీష్‌కి ఫిదా అవాల్సిందే... ఆ ఫ్లూయెన్సీ ఎలా వచ్చిందంటే.
Also read: Video: లాంగ్ గ్యాప్ తర్వాత షూటింగ్ సెట్‌లోకి సాయి ధరమ్ తేజ్... ఎమోషనల్ అయిన మెగా హీరో
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
