Mokshagna debut movie update: నటసింహ నందమూరి బాలకృష్ణ ప్రస్తుతం బాబీ డైరెక్షన్లో తన 109వ సినిమాని చేస్తున్నారు. ముఖ్యంగా అఖండ, వీర సింహారెడ్డి, భగవంత్ కేసరి వంటి చిత్రాలతో హ్యాట్రిక్ అందుకున్న ఈయన అటు రాజకీయ రంగంలో కూడా వరుసగా మూడుసార్లు హిందూపురం నియోజకవర్గం నుండి విజయం సాధించి, జోరు మీద ఉన్నారు. ఇటీవల అసెంబ్లీలోకి అడుగుపెట్టి.. అక్కడ కూడా తన మాటలతో అందరిని ఆకట్టుకుంటున్న విషయం తెలిసిందే.
దీనికి తోడు బాలయ్య క్రేజ్ మరో మెట్టు ఎక్కేలా చేసింది అన్ స్టాపబుల్ షో. త్వరలోనే నాలుగవ సీజన్ కూడా ప్రారంభం కాబోతోంది. ఈ షో కి ముఖ్య అతిథిగా అల్లు అర్జున్ మొదటి ఎపిసోడ్ కి రాబోతున్నట్లు సమాచారం. అంతేకాదు ఇందులో అనేక విషయాలను బహిరంగంగా చర్చించే అవకాశాలు కనిపిస్తున్నాయి.
ఇదిలా ఉండగా ప్రస్తుతం బాబీ డైరెక్షన్లో..రాబోతున్న చిత్రంలో బాలయ్య సూపర్ హీరోగా చేస్తున్నట్లు తెలుస్తోంది. ఇందుకు సంబంధించిన అధికారిక ప్రకటన ఇంకా వెలువడలేదు కానీ ఇదే గనుక..నిజమైతే తెలుగు సినీ పరిశ్రమలో బాలయ్య సంచలనం సృష్టించబోతున్నారని సినీ విశ్లేషకులు చెబుతున్నారు. దసరా పండుగ సందర్భంగా ఇందుకు సంబంధించిన అధికారిక ప్రకటన ఉంటుందని అభిమానులు ఆశాభావం వ్యక్తం చేస్తున్నారు.
ఇదిలా ఉండగా బాలకృష్ణ , బాబీ కాంబినేషన్లో వస్తున్న ఈ సినిమా నుంచి ఇప్పటి వరకు ఎటువంటి అప్డేట్ బయటకు రాకపోవడంతో అభిమానులు కూడా కాస్త ఆందోళన వ్యక్తం చేస్తున్నారని చెప్పాలి. ముఖ్యంగా ఈ సినిమా నుంచి వచ్చే అప్డేట్ కోసం అభిమానులు చాలా ఆత్రుతగా ఎదురుచూస్తున్నారు.
దీనికి తోడు తెలుగు సినీ పరిశ్రమలో ఇప్పటివరకు ఎవరు సూపర్ హీరో పాత్ర పోషించలేదు. పాటల్లోనూ, కొన్ని సన్నివేశాలలో ఒకటి రెండు నిమిషాలు మాత్రమే చేసి ప్రేక్షకులను అలరించారు. కానీ ఇప్పుడు బాలయ్య అందులోనూ 60 సంవత్సరాల వయసులో సూపర్ హీరో పాత్రతో ప్రేక్షకులను అలరించబోతున్నారని సమాచారం.
మరొకవైపు ఈయన కొడుకు మోక్షజ్ఞ కూడా పరిశ్రమకు పరిచయం కాబోతున్నారు. ఈ సినిమాకు ప్రశాంత్ వర్మ దర్శకత్వం వహిస్తూ ఉండగా.. దాదాపు రూ.100 కోట్ల బడ్జెట్ తో ఈ చిత్రాన్ని నిర్మిస్తున్నట్లు సమాచారం. మొదటి సినిమాతోనే పాన్ ఇండియా స్టార్ హీరోగా.. తన కొడుకుని మార్చాలని బాలయ్య ఆలోచిస్తున్నట్లు సమాచారం. మరి బాలయ్య ఆలోచనలు ఏ విధంగా వర్క్ అవుట్ అవుతాయో చూడాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
