ఇటీవలికాలంలో సినీ నటులు పొలిటికల్ ఎంట్రీ ఇవ్వడం సర్వసాధారణంగా మారింది. ఈ క్రమంలో నటుడు జగపతిపతిబాబు కూడా పొలిటికల్ ఎంట్రీ ఇస్తారని బలంగా ఊహాగానాలు వినిపిస్తున్నాయి. సోమవారం జగపతి బాబు తన స్టైల్ కు భిన్నంగా వైజాగ్ బీచ్ వద్ద పంచకట్టెతో హల్ చల్ చేశారు. ఈ సందర్భంగా విలేఖరులు తన కొత్త గెటప్ పై ప్రశలు సంధించగా ..ఈ గెటప్ గురించి రెండు రోజుల్లో సమాధానం చెబుతానని ఆయన సమాధానమిచ్చారు. అయితే అతని అభిమానులు మాత్రం ఆయన పొలిటికల్ ఎంట్రీ ఇస్తారని చెబుతున్నారు. ఈ నేపథ్యంలో తన కొత్త గెటప్ పై మాట్లాడుతూ రెండు రోజుల్లో చెబుతాననడం.పొలిటికల్ ఎంట్రీగురించేనని పలువురు విశ్లేషకులు అభిప్రాయపడుతున్నారు. ఈ నేపథ్యంలో జగపతి బాబు పొలిటికల్ ఎంట్రీపై ఉత్కంఠత నెలకొంది.. ఇదిలా ఉండగా ఆయన ఏ పార్టీ చేరుతారని విషయంపై జోరుగా చర్చలు జరుగుతున్నాయి. ఆయన టీడీపీలో చేరే అవకాశాలున్నాయని ఆయన అభిమానులు చెప్పుకొస్తున్నాయి.
