மதுரை News

மதுரை தமுக்கம் மைதானத்தில் அமைக்கப்பட்டுள்ள பிரமாண்ட பாகுபலி அரங்குகள் மக்களிடம் பெரும் வரவேற்பை பெற்று வருகிறது.

மதுரையில் குற்றங்களை குறைக்கும் வகையில் "மதுரை காவலன்" என்ற பெயரில் செல்போன் செயலி ஒன்றை மாவட்ட காவல்துறை அறிமுகப்படுத்தியுள்ளது.

வருமானவரி சோதனைக்கும் மத்திய அரசுக்கும் தொடர்பில்லை என்று பாரதிய ஜனதா கட்சி செயலாளர் ஹெச்.ராஜா செய்தியாளர்களை சந்தித்துப் பேசினார்.

ஜி.எஸ்.டி. உள்ளிட்ட வரிகளை செலுத்தி இறக்குமதி செய்த மணலுக்கு, விற்பனை செய்ய அனுமதி மறுப்பது ஏன் என்று மதுரை ஐகோர்ட்டு கேள்வி எழுப்பியுள்ளது.  மேலும், மணலை விற்க தடை விதிக்க முடியாது என்றும் உத்தரவிட்டுள்ளது.

டிடிவி தினகரன் மற்றும் நடிகர் செந்தில் அவர்களை கைது செய்ய வரும் அக்டோபர் 4-ஆம் தேதி வரை மதுரை உயர்நீதிமண்ற கிளை உத்தரவிட்டுள்ளது.

அரசு ஊழியர்கள் உடனடியாக போராட்டத்தை கைவிட்டு உடனடியாக பணிக்கு திரும்ப வேண்டும் என மதுரை ஐகோர்ட் கிளை இன்று உத்தரவிட்டுள்ளது.  பழைய பென்சன், 7-வது சம்பள கமிஷன் பரிந்துரை உள்ளிட்ட கோரிக்கைகளை வலியுறுத்தி ஜாக்டோ ஜியோ அமைப்பினர் வேலை நிறுத்தத்தில் ஈடுபட்டுள்ளனர். இந்த போராட்டத்திற்கு மதுரை ஐகோர்ட் கிளை தடை விதித்தும் அரசு ஊழியர்கள் மற்றும் பள்ளி ஆசிரியர்கள் போராட்டத்தில் ஈடுபட்டு வருகின்றனர். இதனையடுத்து அவர்கள் மீது கோர்ட் அவமதிப்பு வழக்கு தொடரப்பட்டுள்ளது.

மதுரை - சென்னை சிறியரக விமான சேவையை ஏர் இந்தியா நிறுவனம் இன்று தொடங்கியது. தென்மண்டல ஏர் இந்தியா நிறுவனம் சென்னையில் இருந்து திருச்சி, கோவை, மதுரை ஆகிய நகரங்களுக்கு தினசரி புதிய விமான சேவையை தொடங்கப்போவதாக அறிவிவித்திருந்தது. ஏர் இந்தியா நிறுவனத்தின் இந்த விமான சேவையில் 70 பயணிகள் பயணம் செய்யும் வகையில் சிறிய ரக விமானம் இயக்கப்பட உள்ளது. அதன்படி, ஏர் இந்தியாவின் துணை நிறுவனமான ‘அலையன்ஸ் ஏர்’ நிறுவனத்தின் சார்பில் மதுரையிலிருந்து சென்னைக்கு சிறியரக விமான சேவை தொடங்கப்பட்டது.   

கடந்த சில நாட்களாக பல உயிர்களை பறித்துள்ள மிகவும் ஆபத்தான 'ப்ளூ வேல் சேலஞ்ச்' என்ற 'ஆன்லைன்' விளையாட்டு பல்வேறு இணையத்தளத்தில் பரவி வருகிறது. கடந்த ஆகஸ்ட் 11-ம் தேதி அன்று இந்த விளையாடிற்கு முற்று உள்ளி வைக்க 'கூகுள், பேஸ்புக், வாட்ஸ் ஆப், இன்ஸ்ட்ராகிராம், மைக்ரோசாப்ட், யாகூ' போன்ற இணையதள மற்றும் சமூகவலைதள நிறுவனங்களுக்கு, மத்திய அரசு கடிதம் எழுதியுள்ளது.

அதிமுக (அம்மா) அணியின் துணை பொதுச் செயலர் டி.டி.வி.தினகரனுக்கு ஆதரவாகவும், மத்திய அரசுக்கு எதிராகவும் மதுரையில் இன்று அதிமுக தொண்டர் ஒழுங்கிணைப்பு குழு சார்பில் ஆர்ப்பாட்டம் நடத்தினர். அதிமுக துணைப் பொதுச் செயலாளர் டி.டி.வி. தினகரன் இரட்டை இலை சின்னம் பெற தேர்தல் ஆணையத்துக்கு லஞ்சம் கொடுக்க முயன்ற வழக்கில் டெல்லி போலீசாரால் கைது செய்யப்பட்டுள்ளார்.

சிவகங்கை மாவட்டம் எம்.புதூரில் ஜல்லிக்கட்டு போட்டி இன்று நடைபெற்று வருகிறது. பிரம்மாண்டமாக நடைபெற்று வரும் இந்த ஜல்லிக்கட்டுப் போட்டியில் 500-க்கும் மேற்பட்ட காளைகள் பங்கேற்றுள்ளன.  சிவகங்கை மாவட்ட ஜல்லிக்கட்டுக் குழுவினர் இந்தப் போட்டியை பிரம்மாண்டமாக ஏற்பாடு செய்துள்ளனர். ஜல்லிக்கட்டின் போது துரதிருஷ்ட வசமாக வாடிவாசலில் இருந்து ஓடி வந்த காளை பார்வையாளர் ஒருவரை முட்டியது. அதில் ஆலங்குடியைச் சேர்ந்த திருநாவுக்கரசு என்பவர் சம்பவ இடத்திலேயே உயிரிழந்தார்.

மதுரை மேலூரைச் சேர்ந்த கதிரேசன்- மீனாட்சி தம்பதியினர், நடிகர் தனுஷ் எங்களுடைய மகன், எங்களுக்கு வயதாகி விட்டதால் பராமரிப்பு தொகை வழங்க உத்தரவிட வேண்டும் என மேலூர் கோர்ட்டில் வழக்கு தொடர்ந்தனர். அந்த வழக்கு பொய்யானது. அதனை ரத்து செய்ய வேண்டும் என்று மதுரை ஐகோர்ட்டு கிளையில் நடிகர் தனுஷ் சார்பில் மனு தாக்கல் செய்யப்பட்டது. இந்த வழக்கின் விசாரணை நடைபெற்று வருகிறது.

சீமைக்கருவை மரங்களை அகற்ற சிறப்புச் சட்டம் இயற்ற வேண்டும் என்று தமிழக அரசுக்கு ஐகோர்ட் மதுரைக் கிளை உத்தரவிட்டுள்ளது. தமிழகத்தின் அனைத்து மாவட்டங்களிலும் உள்ள சீமைக்கருவை மரங்களை அகற்றுமாறு ஏற்கனவே உத்தரவு பிறப்பிக்கப்பட்டிருந்த நிலையில், தற்போது 2 மாதத்திற்குள் சிற்பபுச் சட்டம் இயற்ற வேண்டும் என்று தமிழக அரசுக்கு உத்தரவிடப்பட்டுள்ளது. இந்த உத்தரவு பிறப்பிக்கப்பட்ட 10% சீமை கருவேல மரங்கள் மட்டுமே அகற்றப்பட்டுள்ளதாகவும், ஒரு சில மாவட்ட ஆட்சியர்கள் கருவை மரங்களை அகற்ற முறையான நடவடிக்கைகளை எடுக்கவில்லை என்றும் நீதிபதிகள் அதிருப்தி தெரிவித்துள்ளனர்.

உலகபுகழ் பெற்ற மதுரை அலங்காநல்லூரில் நடக்கும் ஜல்லிக்கட்டை காண சினிமா மற்றும் அரசியல் துறையை சேர்ந்த பலரும் அலங்காநல்லூரில் குவிந்துள்ளனர்.

தமிழகத்தில் ஜல்லிக்கட்டுப் போட்டிகளை நடத்த சுப்ரீம் கோர்ட் தடைவிதித்திருந்தது. இந்நிலையில் தமிழகம் முழுவதும் நடைபெற்ற மாணவர்கள் புரட்சிக் காரணமாக தமிழக அரசு குடியரசு தலைவர் ஒப்புதலுடன் சட்டசபையில் சட்டம் இயற்றியது. 

பாலமேட்டில் ஜல்லிக்கட்டு விழா 850 காளைகளுடன் 1607 மாடுபிடி வீரர்களுடனும் இன்று தொடங்குகிறது. 

சுப்ரீம் கோர்ட்டு தடை காரணமாக, தமிழகத்தில் கடந்த 2 ஆண்டுகளாக நடைபெறாத ஜல்லிக்கட்டு, மாணவர்கள், இளைஞர்கள் போராட்டம் காரணமாக, தமிழக அரசு சட்டம் இயற்றியதால் இந்த ஆண்டு நடைபெறுகிறது. மதுரை மாவட்டம், அவனியாபுரத்தில் புகழ்பெற்ற ஜல்லிக்கட்டு ஆண்டுதோறும் பொங்கல் பண்டிகை நாளில் நடைபெறுவது வழக்கம். இந்நிலையில் தடை விலகிய பிறகு இந்த ஜல்லிக்கட்டை நடத்த தீவிர ஏற்பாடுகள் செய்யப்பட்டன. 

காஷ்மீரில் கடுமையான பனிப்பொழிவு காரணமாக பனிச்சரிவு ஏற்படுகிறது. இந்த பனிச்சரிவில் சிக்கி மற்றொரு தமிழக ராணுவ வீரர் உயிரிழந்துள்ளார்.

அலங்காநல்லூரில் பிப்ரவரி 1-ம் தேதியும், பாலமேட்டில் பிப்ரவரி 2-ம் தேதியும் நடைபெறவிருந்த ஜல்லிக்கட்டு ஒத்திவைக்கப்பட்டுள்ளது. முதல்வர் பன்னீர்செல்வத்தை சந்தித்த பின் ஜல்லிக்கட்டுக்கான புதிய தேதி பின்னர் அறிவிக்கப்படும் என விழாக் குழுவினர் தெரிவித்துள்ளனர்.

சுப்ரீம் கோர்ட் தடையால் 2 ஆண்டுகளாக ஜல்லிக்கட்டு போட்டி விளையாட்டு நடக்கவில்லை. இந்த ஆண்டும் சுப்ரீம் கோர்ட் தடையை நீக்க மறுத்ததால் ஜல்லிக்கட்டு நடத்த வலியுறுத்தி அவனியாபுரத்தில் போராட்டம் நடைபெற்றது. ஜனவரி 16-ம் தேதி அலங்காநல்லூரில் போராட்டம் நடைபெற்றது. விடிய விடிய போராட்டம் நடத்தியவர்கள் அதிகாலையில் கைது செய்யப்பட்டனர். இதனையடுத்து சென்னை மெரீனா தொடங்கி தமிழகம் முழுவதும் இந்த போராட்டம் வெடித்தது. மாணவர்கள், பொதுமக்கள் நடத்திய போராட்டம் ஒரு வாரமாக நடைபெற்றது. இதைத் தொடர்ந்து தமிழக அரசு அவசரச் சட்டம் நிறைவேற்றியது. 

மதுரை மாவட்டம் அவனியாபுரத்தில் பிப்ரவரி 5-ம் தேதி ஜல்லிக்கட்டு நடைபெறும் என்று விழாக்கமிட்டியினர் அறிவித்துள்ளனர். மாணவர்கள், இளைஞர்கள் மற்றும் மக்களின் போராட்டத்தை தொடர்ந்து ஜல்லிக்கட்டுக்கு தமிழக அரசு நிரந்தர சட்டம் கொண்டு வந்தது.  இதனை தொடர்ந்து தமிழகத்தில் ஜல்லிக்கட்டுக்கு விதிக்கப்பட்டிருந்த தடை நீங்கியது. இந்தநிலையில் மதுரை மாவட்டம் அவனியாபுரத்தில் பிப்பரவரி 5-ம் தேதி ஜல்லிக்கட்டு நடைபெறும் அறிவிக்கப்பட்டுள்ளது.