உயர் மதிப்பு ரூபாய் நோட்டுகள் வாபஸ் பெறப்பட்டதைத்தொடர்ந்து, நாட்டில் நிலவும் சூழல் குறித்து, பிரதமர் நரேந்திர மோடி, இன்று பொருளாதார வல்லுநர்களுடன் ஆலோசனை நடத்தவுள்ளார்.
கடந்த நவம்பர் 8-ம் தேதி பிரதமர் மோடி, கள்ள நோட்டுகளை ஒழிக்கவும் மற்றும் கறுப்பு பணத்தை வெளிக்கொண்டு வரவும் ரூ.500 மற்றும் ரூ.1000 நோட்டுகள் செல்லாது அறிவித்தார்.
இந்நிலையில், ரூபாய் நோட்டு விவகாரத்தால் நாட்டில் தற்போது நிலவும் சூழ்நிலை குறித்து பிரதமர் மோடி இன்று முக்கிய ஆலோசனை நடத்தவுள்ளார்.
டெல்லியில் பொருளாதார விவகாரத்துறை செயலாளர் சக்தி காந்ததாஸ் செய்தியாளர்களிடம் பேசினார். அப்போது ரூபாய் நோட்டு விவகாரத்தில் மத்திய அரசு தொடர்ந்து கவனம் செலுத்தி வருவதாக கூறினார்.
இன்று அதிகாலை முதலே பொதுமக்கள் வங்கிகள், ஏடிஎம் மையங்களின் வாசலில் நிற்கத் தொடங்கியுள்ளனர். இந்நிலையில் காங்கிரஸ் கட்சியின் துணைத்தலைவர் ராகுல்காந்தி, டெல்லியில் உள்ள பல்வேறு ஏடிஎம் மையங்களை பார்வையிட்டு அங்குள்ளவர்களின் குறைகளை கேட்டறிந்தார்.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
