தமிழக முன்னாள் முதல்வர் ஜெயலலிதா மறைவுக்கு பிறகு அதிமுக சசிகலா தலைமையில் ஒரு அணியாகவும் ஓ.பன்னீர்செல்வம் தலைமையில் ஒரு அணியாகவும் பிளவு பட்டது. இதனால் ஏற்பட்ட பிரச்சினை காரணமாக அதிமுக சின்னம் தற்காலிகமாக முடக்கப்பட்டுள்ளது.
இந்நிலையில், பிளவு பட்டுள்ள இரு அணிகளையும் மீண்டும் இணைப்பது குறித்து இறுதி கட்ட ஆலோசனை நடப்பதாக கூறப்படுகிறது.
இந்நிலையில் முதல்வர் எடப்பாடி பழனிச்சாமியுடன் மூத்த அமைச்சர் செங்கோட்டையன் ஆலோசனை நடத்தினார். கீரின்வேஸ் சாலையில் உள்ள இல்லத்தில் நடைபெற்ற ஆலோசனை கூட்டத்தில் இரு அணிகள் இணைப்பு குறித்து ஆலோசனை நடத்தப்பட்டதாக தகவல்கள் வெளியாகியுள்ளது.
