This Week OTT Releases : ஓடிடி தளங்களில் வெளியாகும் படங்கள் பல, சமீபத்தில் திரையரங்குகளில் வெளியான படங்களாக இருக்கின்றன. அதில் பல ஹிட் ஆனவையாகவும், சில சரியான பார்வையாளர்களை சென்று சேராதவையாகவும் இருக்கின்றன. அந்த வகையில், இந்த வார ஓடிடி ரிலீஸ் என்ன என்பதையும், அவற்றை எந்த தளத்தில் பார்க்கலாம் என்பதையும் இங்கு பார்ப்போம்.
ஸ்ட்ரீ 2:
பாலிவுட் மட்டுமன்றி, உலகளவில் பெரிய வெற்றியை பெற்ற படம் ஸ்ட்ரீ 2. ஷ்ரத்தா கபூர், ராஜ்குமார் ராவ், உள்ளிட்டோரின் நடிப்பில் வெளியான இந்த படம் சுமார் ரூ.840 கோடி வரை கலெக்ட் செய்திருக்கிறது. 40 நாட்களை கடந்து தியேட்டர்களில் திரையிடப்பட்டு வரும் இந்த படம், தற்போது ஓடிடியில் வெளியாக உள்ளது. இந்த படத்தை, இந்தி மொழியில் அமேசான் ப்ரைம் தளத்தில், நாளை முதல் (செப்டம்பர் 27) காணலாம்.
காஃபி:
இனியா நடிப்பில் உருவாகியிருக்கும் த்ரில்லர் திரைப்படம் காஃபி. இந்த படத்தை, ஆஹா தளத்தில், வரும் செப்டம்பர் 27ஆம் தேதி முதல் காணலாம்.
கொட்டுக்காளி:
சூரி, அன்னா பென் நடிப்பில் உருவாகி, பல விருதுகளை தட்டிச்சென்ற படம் கொட்டுக்காளி. இந்த படத்தை, பி.எஸ்.வினோத் ராஜ் இயக்கியிருந்தார். சுமார் 3 ஆண்டுகளுக்கு முன்பு எடுக்கப்பட்ட இந்த படம், கடந்த மாதம் திரையரங்குகளில் வெளியானது. இந்த படத்தை, நாளை முதல் அமேசான் ப்ரைம் தளத்தில் பார்க்கலாம்.
டிமான்டி காலனி 2:
அருள்நிதி நடிப்பில் உருவாகி, கடந்த மாதம் வெளியான படம், டிமான்டி காலனி 2. இதில், அருள்நிதியுடன் இணைந்து பிரியா பவானி சங்கர் நடித்திருக்கிறார். கூடவே பிக்பாஸ் அர்ச்சனா, அருண் பாண்டியன் உள்ளிட்டோர் முக்கிய கதாப்பாத்திரங்களில் வருகின்றனர். இந்த படத்தை, ஜீ 5 தளத்தில் நாளை முதல் காணலாம்.
மேலும் படிக்க | ஆஸ்கருக்கு பரிந்துரைக்கப்பட்டிருக்கும் 6 தமிழ் படங்கள்! எந்த ஓடிடியில் பார்க்கலாம்?
லவ் சித்தாரா:
சோபிதா துலிபலா நடிப்பில் உருவாகியிருக்கும் படம், லவ் சித்தாரா. இதில், அவருக்கு ஜோடியாக ராஜீவ் சித்தார்த்தா நடித்திருக்கிறார். படத்தை, வந்தனா கட்டாரியா இயக்கியிருக்கிறார். இந்த படத்தை, இந்தி மொழியில் நாளை ஜீ 5 தளத்தில் காணலாம்.
சரிபோதா சனிவாரம்:
எஸ்.ஜே.சூர்யா, நானி நடிப்பில் உருவான படம், சரிபோதா சனிவாரம். தமிழில் இப்படம் சூர்யாவின் சனிக்கிழமை எனும் பெயரில் உருவானது. இந்த படத்தை, தெலுங்கு மொழியில் நெட்ஃப்ளிக்ஸ் தளத்தில் நாளை முதல் பார்க்கலாம்.
பிரதிநிதி 2:
அரசியல் த்ரில்லர் படமாக உருவாகியிருக்கிறது, பிரதிநிதி 2 படம். இதில் நாரா ரோஹித் ஹீரோவாக நடித்திருக்கிறார். உடன், ஸ்ரீலீலாவும் வருகிறார். இந்த படத்தை, ஆஹா தளத்தில் நாளை முதல் பார்க்கலாம்.
பிற ஓடிடி படங்கள் மற்றும் தொடர்கள்:
மேற்கூறிய படங்கள் மட்டுமன்றி, இந்த படங்களும் தாெடர்களும் கூட ஓடிடியில் வரும் 27ஆம் தேதி வெளியாகின்றன.
- ப்ளிங்க் - தமிழ் டப்பிங் - ஆஹா
- ரெஸ் பால் - ஆங்கிலம் - நெட்ஃப்ளிக்ஸ்
- கில்லர் ஹீட் - ஆங்கிலம் - அமேசான் ப்ரைம்
- டிவோர்ஸ் - பாலிஷ் - நெட்ஃப்ளிக்ஸ்
- ஆர்டிஐ - தெலுங்கு - ஈடிவி வின்
- தி ஹீஸ்ட் - இந்தி - ஜியோ சினிமா
- பேங்காக் பிரேக்கிங் - தாய் மொழி - நெட்ஃப்ளிக்ஸ்
- டசார் கபார் - சீசன் 2 - இந்தி - டிஸ்னி ஹாட்ஸ்டார்
- நோபடி வாண்ட்ஸ் திஸ் - ஆங்கிலம் - நெட்ஃப்ளிக்ஸ்
- பரதநாட்டியம் - மலையாளம் - மனோரமா மேக்ஸ்
- வில் அண்ட் ஹார்பர் - ஆங்கிலம் - நெட்ஃப்ளிக்ஸ் டாக்குமெண்ட்ரி
- எமர்ஜன்சி லேண்டிங் - ரஷ்ய மொழி - அமேசான் ப்ரைம்
- மிஸ்டர் எம்.சி. மஹோன் - ஆங்கிலம் - நெட்ஃப்ளிக்ஸ் டாக்குமெண்ட்ரி
- சின்சோம்னியா சீசன் 1 - ஆங்கிலம் - சோனி லிவ்
- பிரபுத்வா ஜூனியர் கலாஷலா - தெலுங்கு - அமேசான் ப்ரைம்
- அய்லா லாஸ் மிரர் - ஸ்பேனிஷ் - ஹாஸ்டார் சீரிஸ்
மேலும் படிக்க | GOAT OTT : தி கோட் படம் எந்த ஓடிடியில் ரிலீஸ் ஆகும் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
