Union Budget 2025: பிப்ரவரி மாதம் 1 ம் தேதி தாக்கல் செய்யப்படவுள்ள பட்ஜெட்டில் நிதி அமைச்சர் நிர்மலா சீதாராமன் சாமானியர்களுக்கு நல்ல செய்தி அளிப்பாரா? எல்பிஜி சிலிண்டர்களின் விலை குறையுமா?
Budget 2025: இந்த பட்ஜெட்டில் எண்ணெய் அமைச்சகத்தின் தேவைகளை அரசாங்கம் நிவர்த்தி செய்யும் என்ற வலுவான எதிர்பார்ப்பு உள்ளது. பொதுவாக எல்பிஜி சிலிண்டர்களுக்கான மானியங்கள் அறிவிக்கப்படும்போது, அது எண்ணெய் நிறுவனங்களுக்கு நிதி நெருக்கடியை ஏற்படுத்துகிறது. எல்பிஜி சிலிண்டர்களை உற்பத்திச் செலவிற்குக் குறைவாக விற்பனை செய்ததால் இந்தியன் ஆயில் நிறுவனம் ரூ.9,000 கோடி அளவுக்கு மிகப்பெரிய இழப்பைச் சந்தித்துள்ளதாக எண்ணெய் அமைச்சகம் தெரிவித்துள்ளது. எண்ணெய் நிறுவனங்களின் கோரிக்கைகளை அரசாங்கம் ஏற்று, அவற்றுக்கு சாதகமான அறிவிப்புகளை பட்ஜெட்டில் வெளியிட்டால், அது வீட்டு உபயோக மற்றும் வணிக பயன்பாட்டு எல்பிஜி சிலிண்டர்களின் விலைகளில் பெரிய தாக்கத்தை ஏற்படுத்தும். சாதகமான அறிவிப்புகள் எல்பிஜி சிலிண்டர் விலை கணிசமாக குறைய வழி வகுக்கும்.
இன்னும் சில நாட்களில், நிதி அமைச்சர் நிர்மலா சீதாராமன் 2025-26 நிதியாண்டடுக்கான பட்ஜெட்டை தாக்கல் செய்வார். இந்த பட்ஜெட் குறித்து மக்களிடையே பல வித எதிர்பார்ப்புகள் உள்ளன. தங்களுக்கான பிரத்யேக அறிவிப்புகளுக்காக அனைத்து தரப்பு மக்களும் ஆவலுடன் காத்திருக்கிறார்கள்.
இந்த பட்ஜெட்டில் எண்ணெய் அமைச்சகத்தின் தேவைகளை அரசாங்கம் நிவர்த்தி செய்யும் என்ற வலுவான எதிர்பார்ப்பு உள்ளது. பொதுவாக எல்பிஜி சிலிண்டர்களுக்கான மானியங்கள் அறிவிக்கப்படும்போது, அது எண்ணெய் நிறுவனங்களுக்கு நிதி நெருக்கடியை ஏற்படுத்துகிறது. எல்பிஜி சிலிண்டர்களை உற்பத்திச் செலவிற்குக் குறைவாக விற்பனை செய்ததால் இந்தியன் ஆயில் நிறுவனம் ரூ.9,000 கோடி அளவுக்கு மிகப்பெரிய இழப்பைச் சந்தித்துள்ளதாக எண்ணெய் அமைச்சகம் தெரிவித்துள்ளது.
அரசாங்கம் வழங்கும் எல்பிஜி மானியத்தை ஈடுகட்ட இந்தியன் ஆயில் நிறுவனம் ரூ.40,000 கோடியைக் கோருகிறது. பொது மக்களுக்கு மானியமும் வழங்கி, எண்ணெய் நிறுவனங்களுக்கும் இழப்பும் இல்லாத வகையில் செயல்முறைகளை சீராக்க நடவடிக்கைகள் எடுக்கப்பட்டு வருகின்றன.
சர்வதேச மகளிர் தினமான மார்ச் 8, 2024 அன்று குறிப்பிடத்தக்க நடவடிக்கையாக, வீட்டு உபயோக எல்பிஜி சிலிண்டர்களின் விலை ரூ.100 குறைக்கப்பட்டது. அதை ஈடு செய்ய, இந்த பட்ஜெட்டில் நிதியமைச்சர் எண்ணெய் அமைச்சகத்திற்கு ரூ.40,000 கோடியை ஒதுக்கக்கூடும் என்று எதிர்பார்க்கப்படுகிறது.
அரசுக்குச் சொந்தமான எண்ணெய் நிறுவனங்கள் எல்பிஜி சிலிண்டர்களை நஷ்டத்தில் விற்கும்போது, அவை குறிப்பிடத்தக்க நிதி சவால்களை எதிர்கொள்கின்றன. அதை அரசாங்கம் ஈடுசெய்கிறது.
கடந்த ஆண்டு, 2022-23 நிதியாண்டிற்கான இழப்புகளை ஈடுகட்ட அரசாங்கம் ரூ.22,000 கோடியை ஒதுக்கியது. இந்திய எண்ணெய் நிறுவனம், பிபிசிஎல் (BPCL)மற்றும் ஹெச்பிசிஎல் (HPCL) ஆகியவை எல்பிஜி சிலிண்டர்களின் முதன்மை சப்ளையர்களாக உள்ளன. இந்த சிலிண்டர்களுக்கு அரசாங்கம் 5% ஜிஎஸ்டி விதிக்கிறது.
எண்ணெய் அமைச்சகத்தின் கோரிக்கைகள் ஏற்றுக்கொள்ளப்பட்டால், அது பொது மக்களுக்கு நன்மைகளை வழங்க வழிவகுக்கும். குறிப்பாக, இதன் மூலம் வீட்டு உபயோக எல்பிஜி சிலிண்டர் விலை குறைக்கப்படுவதற்கு வாய்ப்புள்ளது.
கூடுதலாக, இந்திய தொழில்துறை கூட்டமைப்பு (சிஐஐ) நுகர்வோர் மீதான சுமையைக் குறைக்க பெட்ரோல் மற்றும் டீசல் மீதான கலால் வரியைக் குறைக்கக் கோரியுள்ளது. இந்த கோரிக்கை ஏற்றுக்கொள்ளப்பட்டு, வரி குறைக்கப்பட்டால், இந்த எரிபொருட்களுக்கான விலைகள் குறையும். இதன் மூலம் பொதுமக்களுக்கு மேலும் நிவாரணம் கிடைக்கும்.
எண்ணெய் நிறுவனங்களின் கோரிக்கைகளை அரசாங்கம் ஏற்று, அவற்றுக்கு சாதகமான அறிவிப்புகளை பட்ஜெட்டில் வெளியிட்டால், அது வீட்டு உபயோக மற்றும் வணிக பயன்பாட்டு எல்பிஜி சிலிண்டர்களின் விலைகளில் பெரிய தாக்கத்தை ஏற்படுத்தும். சாதகமான அறிவிப்புகள் எல்பிஜி சிலிண்டர் விலை கணிசமாக குறைய வழி வகுக்கும்.
பிப்ரவரி மாதம் 1 ம் தேதி தாக்கல் செய்யப்படவுள்ள பட்ஜெட்டில் நிதி அமைச்சர் நிர்மலா சீதாராமன் சாமானியர்களுக்கு நல்ல செய்தி அளிப்பாரா? எல்பிஜி சிலிண்டர்களின் விலை குறையுமா? பொறுத்திருந்துதான் பார்க்க வேண்டும்!
