தமிழில் இப்போதுள்ள ரியாலிட்டி நிகழ்ச்சிகள் பல, மக்களை பெரிதும் மகிழ்விப்பதாக இல்லை. அதில், சற்று தேரியிருக்கும் ஒரே நிகழ்ச்சி, பிக்பாஸ். ஆங்கிலத்தில் பிக் பிரதர் என்ற பெயரில் ஆரம்பித்த நிகழ்ச்சியில் இந்தியாவில் பிக்பாஸ் என்ற பெயரில் ஆரம்பித்து, இப்போது தமிழ், தெலுங்கு, மலையாளம் உள்ளிட்ட மொழிகளில் நடைப்பெற்று வருகிறது.
டபுள் எவிக்ஷன்:
பிக்பாஸ் நிகழச்சி ஆரம்பித்த அடுத்த வாரத்தில் இருந்தே எவிக்ஷன் நடக்க ஆரம்பித்து விடும். ஆனால், பிக்பாஸ் 8 நிகழ்ச்சியில் அதற்கு மாறாக, அடுத்த நாளே ஒரு எவிக்ஷன் நடந்தது. அதில், சாச்சனாதான் எவிக்ட் ஆனார். ஆனால், அதற்கு இரண்டு நாட்களுக்கு பின்னரே அவரை மீண்டும் நிகழ்ச்சிக்குள் கொண்டு வந்தனர். இப்போது மீண்டும் சாச்சனா, குறைவான வாக்குகளை பெற்றிருப்பதால், இந்த நிகழ்ச்சியில் இருந்து இன்னொரு முறை எவிக்ட் செய்யப்பட்டிருக்கிறார். அதே போல ஆர்.ஜே.ஆனந்தியும் குறைவான வாக்குகளை பெற்றதால் இன்றைய எபிசோடில் இருந்து வெளியேற்றப்பட்டிருக்கிறார். இன்றைய எபிசோட் ஒளிபரப்பாகும் போது, இது குறித்த முழு தகவல் தெரிய வரலாம்.
வாங்கிய சம்பளம் எவ்வளவு?
பிக்பாஸ் 8 நிகழ்ச்சி, தற்போது 63 நாட்களை கடந்திருக்கிறது. சாச்சனா ஒரு நாளைக்கு ரூ.20,000 வரை சம்பளமாக வாங்கியதாக கூறப்படுகிறது. இதனால் இவருக்கு ரூ.12 லட்சத்திற்கு மேல் மொத்தமாக சம்பளம் வழங்கப்பட்டிருக்கலாம். அதே போல ஆனந்தியும், ஒரு நாளைக்கு ரூ.25,000 வரை சம்பளமாக பெற்றதாக கூறப்படுகிறது. இவருக்கு மொத்தமாக ரூ.15 லட்சம் வரை கொடுக்கப்பட்டிருக்கலாம். இது குறித்த அதிகாரப்பூர்வ தகவல்கள் எதுவும் வெளியாகவில்லை என்பது குறிப்பிடத்தக்கது.
ரசிகர்கள் அதிருப்தி:
பிக்பாஸ் நிகழ்ச்சியின் 8வது சீசன், சில வாரங்களுக்கு முன்பு தொடங்கப்பட்டது. இந்த நிகழ்ச்சியின் பிற சீசன்களில் டிஜிட்டல் உலகில் பிரபலமானவர்கள், சமூக வலைதளங்களில் பிரபலமானவர்கள், சீரியல்கள் மூலம் பிரபலமானவர்கள், சினிமாவில் துணை நட்சத்திரமாக நடித்தவர்கள், இப்போது சினிமா பட வாய்ப்புகள் இல்லாமல் இருப்பவர்கள் என பலர் கலந்து கொள்வர். ஆனால் இந்த சீசனில், பெரும்பாலானோர் விஜய் டிவி நட்சத்திரங்களாக இருந்தனர். இதுவே, மக்கள் மத்தியில் கடும் அதிருப்தியை ஏற்படுத்தியது.
வி.ஜே.விஷால், தீபக், தர்ஷா குப்தா, அன்ஷிதா என பலர் நிகழ்ச்சி ஒளிபரப்பாகும் அதே தொலைக்கட்சியை சேர்ந்தவர்களாக இருந்தனர். ஆர்.ஜே.ஆனந்தி, சாச்சனா, ரயான் உள்ளிட்ட சிலர்தான் வேறு தொலைக்காட்சி சீரியல்கள் மூலம் பிரபலமானவர்களாக இருக்கின்றனர். ஆனந்தி மற்றும் சாச்னா மீது பலவித நெகடிவிட்டி இருந்தாலும், அவர்கள் பல விளையாட்டுகளை நன்றாக கொண்டு சென்றிருக்கின்றனர். இதனால், இதனை Unfair Eviction என பலர் கூறி வருகின்றனர்.
பிக்பாஸ் 8:
பிக்பாஸ் நிகழ்ச்சி, தமிழில் வெற்றி பெற்றதற்கு முக்கிய காரணமாக இருந்தவர், அதன் தொகுப்பாளராக இருந்த நடிகர் கமல்ஹாசன். இவர், கடந்த 7வது சீசன் வரை இந்த நிகழ்ச்சியை தொகுத்து வழங்கினார். ஆனால், பல படங்களில் கமிட் ஆனதாலும், அமெரிக்காவிற்கு சென்று ஏஐ குறித்து படிக்க இருப்பதாலும், தான் இந்த நிகழ்ச்சியில் இருந்து விலகுவதாக கூறினார். இதையடுத்து புதிய தொகுப்பாளராக விஜய் சேதுபதி நியமிக்கப்பட்டார்.
ஆரம்பத்தில், விஜய் சேதுபதி எப்படி இந்த நிகழ்ச்சியை தொகுத்து வழங்க போகிறார் என்ற பயம் ரசிகர்களுக்கு இருந்தது. ஆனால், முதல் சில எபிசோடுகளில் அவர் போட்டியாளர்களை நன்றாக சமாளித்தால், பலருக்கு விஜய் சேதுபதி மீது நம்பிக்கை வந்தது. ஆனால், சமீப கால எபிசோடுகளில் இவர் போட்டியாளர்கள் குறித்து பேசும் கருத்து சர்ச்சையாகி வருகிறது. இதனால், கமல்ஹாசனே நல்ல தாெகுப்பாளராக இருந்ததாக பலர் கூறி வருகின்றனர்.
மேலும் படிக்க | பிக்பாஸ் வீட்டில் இருந்து இந்த வாரம் வெளியேறியது யார் தெரியுமா?
மேலும் படிக்க | பிக்பாஸ் 8: விஜய் சேதுபதிக்கு புதிதாக போடப்பட்ட விதிமுறை..என்ன தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
