காதலித்த பெண்ணை பல ஆண்டுகள் கழித்து பழி வாங்கிய விஜய் சேதுபதி! எப்படி தெரியுமா..?

விஜய் சேதுபதி: கோலிவுட்டில் கடின உழைப்பிற்கு பெயர் போன நடிகர் விஜய் சேதுபதி. ஆரம்ப கால சினிமா வாழ்க்கையில் சிறு சிறு வேடங்களில் அறிமுகமாகி தற்போது பாலிவுட் வரை சென்றுள்ளவர் இவர். மாஸ்டர் படம் மூலம் வில்லன் நடிகராக அறிமுகமானார். தொடர்ந்து அவருக்கு வில்லனாக நடிக்க வாய்ப்பு கிடைத்தது. இதையடுத்து விக்ரம் மற்றும் இந்தி தொடரான ஃபார்ஸி உள்ளிட்டவற்றில் மீண்டும் வில்லனாக நடிக்க வாய்ப்பு கிடைத்தது. இவர், விரைவில் வெளியாக உள்ள ஜவான் படத்திலும் வில்லனாக நடித்துள்ளார். 

ஜவான் திரைப்பட விழா..

ஷாருக்கான் ஹீரோவாக நடித்துள்ள படம் ஜவான். இந்த படத்தை அட்லி இயக்கியுள்ளார். இப்படத்தின் ப்ரீ-ரிலீஸ் விழா நேற்று நடைப்பெற்றது. தாம்பரத்தில் உள்ள சாய்ராம் இன்ஜினியரிங் கல்லூரியில் நடைப்பெற்ற இந்த விழாவில் படக்குழுவினர் அனைவரும் பங்கேற்றனர். இதில் வில்லனாக நடித்துள்ள விஜய் சேதுபதியும் பங்கேற்றார். அப்போது விழா மேடையில் பேசிய அவர், தான் காதலித்த பெண்ணை பல ஆண்டுகள் கழித்து பழி வாங்கியுள்ளதாக தெரிவித்தார். அவர் அப்படி கூறியதற்கு காரணம் என்ன..? 

மேலும் படிக்க | Love Failure ஆகிடுச்சா..? ‘இந்த’ யுவன் பாடல்களை கேட்டுப்பாருங்கள்..மனசு லேசாகும்..!

ஷாருக்கானின் ரசிகை..

நேற்றைய பட விழாவில் விஜய் சேதுபதி பேசுகையில், தன் சிறு வயதில் தான் ஒரு பெண்ணை காதலித்ததாகவும் ஆனால் அந்த பெண் ஷாருக்கானை காதலித்ததாகவும் கூறினார். “தற்போது, இத்தனை ஆண்டுகள் கழித்து அந்த பெண்ணை பழி வாங்க, ஷாருக்கானிற்கே வில்லனாக ஜவான் படத்தில் நடித்து இருக்கிறேன்” என்று கூறினார். இதை கேட்ட ஷாருக்கான், “நீங்கள் என்னை பழி வாங்கலாம், ஆனால் என்னுடைய ரசிகர்களை வாங்க முடியாது” என்றார். இதனால் விழாவில் சிரிப்பு சத்தம் அலை மோதியது. 

ஜவான் ட்ரைலர்..

ஜவான் படத்தின் ட்ரைலர் இன்று வெளியானது. இதில், விஜய் சேதுபதி வெள்ளை தாடியுடன் வில்லனாக வருகிறார். ஷாருக்கான் இந்த படத்தில் இரண்டு வேடங்களில் நடித்துள்ளார். இதுவரை நடிக்காத புது கெட்-அப்பில் ஜவான் படத்தில் நடித்துள்ளார் விஜய் சேதுபதி. படத்தில் இடம் பெற்றுள்ள கிராஃபிக்ஸ், சண்டை காட்சிகள் மாஸாக உள்ளதாக ரசிகர்கள் கருத்து தெரிவித்துள்ளனர். 

ரசிகர்கள் ஆர்வம்..

ஜவான் திரைப்படத்தை பார்க்க ஒட்டுமொத்த இந்திய திரையுலக ரசிகர்களும் ஆவலுடன் . காரணம், பாலிவுட் சூப்பர் ஸ்டார் ஷாருக்கானுடன் தமிழ் இயக்குநர் அட்லீ கைகோர்ப்பதுதான். ஷாருக்கானின் படங்கள் எதுவும் 5 வருடங்கள் வெளிவராமல் இருந்தன. இந்த வருடத்தின் தொடக்கத்தில் ‘பதான்’ படம் வெளியானது. இது, பான் இந்தியா அளவில் பலத்த வரவேற்பினை பெற்றது. இதையடுத்து வெளிவர இருக்கும் படம், ஜவான். ஷாருக்கான் இதுவரை எடுக்காத அவதாரத்தை இந்த படத்தில் எடுத்திருப்பதாக கூறப்படுகிறது. அது மட்டுமன்றி கடைசியாக 2019ஆம் ஆண்டு ‘பிகில்’ படத்தை இயக்கிய அட்லீ அதன் பிறகு தமிழில் வேறு எந்த படத்தையும் இயக்கவில்லை. முழுக்க முழுக்க ஜவான் படத்தின் மீதே இரண்டு ஆண்டுகளாக கவனம் செலுத்தி வருகிறார். இதனாலும் ரசிகர்கர்கள் இப்படத்தின் மீது அதீத எதிர்பார்ப்புகளை வைத்துள்ளனர். 

மேலும் படிக்க | Jawan: அனிருத்துடன் குத்தாட்டம் போட்ட ஷாருக்கான்! வைரலாகும் வீடியோ!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ