கத்தாரில் உள்ள சமூக செயற்பாட்டாளர் யூடியூபில் மனைவியை எப்படி அடிக்க வேண்டும் என வீடியோ பதிவிட்டவரை வசைபாடும் மக்கள்!!
கத்தார் நாட்டைச் சேர்ந்த அல் அஸீஸ் அல் - கஸ்ராய் என்பவர் சொந்தமாக யூ-டியூப் சேனல் நடத்தி வருகிறார். அந்த சேனலில் அவர் பலவிதமான வீடியோக்களையும் பதிவு செய்து வருகிறார். யூடியூபில் இவருக்கு பல சப்ஸ்கிரைபர்கள் இருக்கின்றனர்.
இந்நிலையில், சமீபத்தில் அவர் ஒரு வீடியோவை யூடியூபில் பதிவிட்டுள்ளார். அந்த வீடியோவில் முஸ்லிம் ஆண்கள் தங்களின் இல்லங்களில் எப்படி தலைவர்களாக இருக்க வேண்டும். மனைவி என்பவள் எப்படி ஒழுக்கக் கட்டுப்பாடுகளோடு செயல்பட வேண்டும் என அறிவுரை வழங்குகிறார்.
அந்த வீடியோ ஆரம்பிக்கும்போதே “பார்வையாளர்களுக்கு வணக்கம். நான் இன்று உங்கள் மனைவியை எப்படி அடிக்க வேண்டும் என்பதைக் கற்றுத் தரவுள்ளேன்” என்றே தொடங்குகிறார். பின் ‘உங்கள் மனைவியை அடிப்பது கட்டாயமா? கணவன், மனைவியைத் தினமும் அடிக்க வேண்டுமா? இல்லை’ எனக் கூறும் அவர் அடுத்ததாக, கணவன் எப்படி காதலை முற்றிலும் புறம் தள்ளிவிட்டு மனைவியை அடிக்க வேண்டும்? என தன் வீடியோவின் மையக்கருவிற்கு வருகிறார்.
அதில் “மனைவியை அடிக்கும் போது மென்மையாகக் கையாள வேண்டும். கணவன் தங்களுடைய மனைவியைத் தான் ஒரு பெண் என்பதையும் , அவளின் பெண்மைத் தன்மையையும் உணர்த்த வேண்டும். அதேசமயம் கணவன்மார்கள் தங்களுடைய ஆண்மையையும் உணர்த்த வேண்டும்“ எனக் குறிப்பிடுகிறார். அந்த வீடியோவில் ஒரு சிறுவனும் நிற்கிறார். அந்தச் சிறுவனை வைத்து எப்படி உங்கள் மனைவியை அடிக்க வேண்டும் என டெமோ காட்டுகிறார். அதில் அந்தச் சிறுவனையும் பொறுமையாக தோள்பட்டைகளில் அடிக்கிறார்.
அடித்துக் கொண்டே மனைவிக்கு உங்கள் பலம் மற்றும் உறுதித் தன்மையை உணர வைக்க வேண்டும். அதற்கு உங்கள் கைகளை எப்படி வைத்து அடிப்பது என அந்த வீடியோவில் சொல்கிறார். அந்த வீடியோ ஐந்து லட்சம் பார்வையாளர்களால் பார்க்கப்பட்டுள்ளது. சீற்றமான பார்வையில் மற்றவர்களுக்குச் ஷேர் செய்தும், கமெண்டுகளில் கெட்ட வார்த்தைகளால் கமெண்டுகள் குவிந்துள்ளன. பின் மற்றவர்கள் கமெண்ட் செய்ய முடியாதபடி (disable ) செட்டிங்சில் மாற்றியுள்ளார்.
