கடந்த சில மாதங்களின் போக்கைப் பார்த்தால், தற்போதைய நேரத்தில் FD விகிதங்கள் சிறந்தவை என்பதைக் காட்டுகிறது. அதே நேரத்தில், கடந்த சில வாரங்களில், ஒன்று முதல் இரண்டு வங்கிகள் தங்களின் FD விகிதங்களைக் குறைத்துள்ளன. இதற்கிடையில், பல நிபுணர்கள் FDக்கு சிறந்த நேரம் இது என்றும் நம்புகிறார்கள். மேலும் இதற்குப் பிறகு FD விகிதங்களில் சரிவு ஏற்படலாம் என்றும் கூறுகின்றனர். தற்போது பல வங்கிகள் மூத்த குடிமக்களுக்கு 8 சதவீதத்துக்கு மேல் வட்டி தருகின்றன. அந்த வகையில் 2 கோடிக்கும் குறைவான FD இல் மூத்த குடிமக்களுக்கு அதிக வட்டி அளிக்கும் 4 வங்கிகள் எவை என்பதை தெரிந்துக்கொள்வோம்.
1- DCB வங்கி
DCB வங்கி மூத்த குடிமக்களுக்கு FD மீது 8.50 சதவீதம் வரை வட்டி வழங்குகிறது DCB Bank Senior Citizen FD Rates). இந்த வட்டி 25 மாதங்கள் மற்றும் 37 மாதங்கள் FD க்கு வழங்கப்படுகிறது. நீங்கள் 12 மாதங்கள் மற்றும் 10 நாட்களுக்கு மட்டுமே FD செய்தாலும், உங்களுக்கு 7.75 சதவீதம் வட்டி வழங்கப்படும். 18 மாதங்கள் மற்றும் 6 நாட்கள் FDக்கு 8 சதவீத வட்டி கிடைக்கும். அதேசமயம் 61 மாத FDக்கு 8.15 சதவீதம் வட்டி வழங்கப்படுகிறது.
2- IndusInd வங்கி
ஒரு மூத்த குடிமகன் IndusInd வங்கியில் FD செய்தால் (IndusInd Bank Senior Citizen FD Rates), அவர் 8.25 சதவீதம் வரை வட்டி பெறலாம். இந்த வட்டி 1 ஆண்டு முதல் 2 ஆண்டுகள் வரையிலான FD க்கு வழங்கப்படுகிறது. 7 நாட்கள் முதல் 30 நாட்கள் வரையிலான எஃப்டிகளுக்கு வங்கி 4.25 சதவீத வட்டியும், 31 நாட்கள் முதல் 45 நாட்கள் வரையிலான எஃப்டிகளுக்கு 4.5 சதவீத வட்டியும் வழங்கப்படுகிறது. 46 நாட்கள் முதல் 60 நாட்கள் வரையிலான எஃப்டிக்கு 5 சதவீத வட்டியும், 61-90 நாட்கள் வரையிலான எஃப்டிக்கு 5.35 சதவீத வட்டியும் வழங்கப்படுகிறது. 91-120 நாட்களுக்கான எஃப்டியில் 5.50 சதவீதமும், 121-180 நாட்களின் எஃப்டியில் 5.75 சதவீதமும், 181-210 நாட்களுக்கான FDக்கு 6.60 சதவீதமும், 211-269 நாட்களுக்கான FDக்கு 6.85 சதவீதமும், 270-364 நாட்களுக்கான FDக்கு 7.10 சதவீதமும் வட்டி வழங்கப்படுகிறது. மூத்த குடிமக்களுக்கு 2 ஆண்டுகளுக்கு மேல் உள்ள FDக்கு 8 சதவீத வட்டியை வங்கி வழங்குகிறது.
3- Bandhan வங்கி
பந்தன் வங்கி மூத்த குடிமக்களுக்கு FD மீது 8.35 சதவீதம் (Bandhan Bank Senior Citizen FD Rates) வரை வட்டி அளிக்கிறது. 7 நாட்கள் முதல் 30 நாட்கள் வரை FDக்கு 3.75 சதவீதம் வட்டி வழங்கப்படுகிறது. அதேசமயம் 31 நாட்கள் முதல் 2 மாதங்களுக்கும் குறைவான காலத்திற்கு FD களுக்கு 4.25 சதவீதம் வட்டி வழங்கப்படுகிறது. இது தவிர, நீங்கள் 2 மாதங்கள் முதல் 1 வருடம் வரை FD செய்தால், உங்களுக்கு 5.25 சதவீத வட்டி கிடைக்கும். அதே நேரத்தில், பந்தன் வங்கி 1 வருடம் முதல் 499 நாட்கள் வரை FDக்கு 7.75 சதவீத வட்டியை வழங்குகிறது. நீங்கள் 501 நாட்கள் முதல் 5 ஆண்டுகள் வரை FD செய்தாலும், வங்கி உங்களுக்கு 7.75 சதவீத வட்டியை மட்டுமே தரும். இது தவிர, 5 ஆண்டுகள் முதல் 10 ஆண்டுகள் வரையிலான FDக்கு 6.60 சதவீதம் வட்டி வழங்கப்படுகிறது.
4- IDFC First பேங்க் (IDFC First Bank)
ஐடிஎஃப்சி ஃபர்ஸ்ட் பேங்கில் எஃப்டி செய்தால், 8 சதவீதம் வரை வட்டி (IDFC First Bank Senior Citizen FD Rates) பெறலாம். இந்த வட்டியானது 1 வருடம், 1 நாள் முதல் 550 நாட்கள் வரையிலான FDகளில் கிடைக்கும். இங்கு 7 நாட்கள் முதல் 29 நாட்கள் வரையிலான FDக்கு 4 சதவீத வட்டியும், 30 நாட்கள் முதல் 45 நாட்கள் வரையிலான FDக்கு 4.5 சதவீத வட்டியும் வழங்கப்படுகிறது. இது தவிர, 46 நாட்கள் முதல் 90 நாட்கள் வரையிலான எஃப்டிக்கு 5 சதவீத வட்டியும், 91-180 நாட்கள் வரையிலான எஃப்டிக்கு 5.5 சதவீதமும், 181 நாட்கள் முதல் 1 ஆண்டு வரையிலான எஃப்டிக்கு 7 சதவீத வட்டியும் வழங்கப்படுகிறது. நீங்கள் 551 நாட்கள் முதல் 3 ஆண்டுகள் வரை FD செய்தால், உங்களுக்கு 7.75 சதவீதம் வட்டி வழங்கப்படும். அதேசமயம் 3 ஆண்டுகள் முதல் 10 ஆண்டுகள் வரையிலான FD களுக்கு 7.5 சதவீதம் வட்டி வழங்கப்படுகிறது.
மேலும் படிக்க | தங்க நகைகளின் விலை எப்படி கணக்கிடப்படுகிறது என்று தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
