புதிய நிதியாண்டின் முதல் நாளிலிருந்து அதாவது ஏப்ரல் 1 முதல், பல மாற்றங்கள் நிகழப் போகின்றன. ஒருபுறம், பிஎஃப் கணக்கு மற்றும் கிரிப்டோகரன்சிக்கு வரி செலுத்த வேண்டும். மறுபுறம் எல்பிஜி விலை அதிகரிக்கலாம். அதே நேரத்தில், வீட்டுக் கடனில் கிடைக்கும் கூடுதல் தள்ளுபடியை இழக்க நேரிடலாம். இது தவிர, இன்னும் பல மாற்றங்களும் நடக்கப் போகிறது, இது உங்கள் பாக்கெட்டின் சுமையை அதிகரிக்கக்கூடும். உங்கள் பட்ஜெட்டில் தாக்கத்தை ஏற்படுத்தக்கூடிய அத்தகைய 10 மாற்றங்களைப் பற்றி இங்கே விரிவாக காண்போம்.
1-பிஎஃப் கணக்கின் மீதான வரி
ஏப்ரல் 1, 2022 முதல் நடக்கவிருக்கும் மிகப்பெரிய மாற்றங்கள், மிக முக்கியமான ஒன்று பிஎஃப் கணக்கின் மீதான வரி. 2.5 லட்சம் வரை இ.பி.எஃப் கணக்கில் வரியில்லா பங்களிப்பு வரம்பு விதிக்கப்படுகிறது. இதற்கு மேல் பங்களிப்பு செய்தால், வட்டி வருமானத்திற்கு வரி விதிக்கப்படும். அதே நேரத்தில், அரசு ஊழியர்களின் ஜிபிஎஃப்-க்கு வரியில்லா பங்களிப்பின் வரம்பு ஆண்டுக்கு ரூ.5 லட்சமாக இருக்கும்.
மேலும் படிக்க | பணவரவு, மகிழ்ச்சி பொங்க வீட்டில் எந்த சிலைகளை வைக்க வேண்டும்?
2-வீட்டுக் கடனில் கூடுதல் தள்ளுபடி முடிவடைகிறது
2021 மத்திய பட்ஜெட்டில் வருமான வரி சட்டம் 80EEA-இன் கீழ் வீடு வாங்குவோருக்கான வரிச் சலுகை நீட்டிக்கப்பட்டது. அதாவது, 2022 மார்ச் 31ஆம் தேதி வரையில் வீடு வாங்குவோர் தங்களது வீட்டுக் கடனில் ரூ.1.50 லட்சம் வரையில் வரிச் சலுகை பெறலாம். இந்தக் காலக்கெடு மார்ச் 31 முடியவிருக்கிறது. அதற்குள் வாடிக்கையாளர்கள் இச்சலுகையைப் பயன்படுத்திக் கொள்ளலாம்.
3-ஏப்ரல் 1 முதல் கிரிப்டோ வரி அமலுக்கு வரும்
இந்தியாவில் ஏப்ரல் முதல் நாளில் இருந்து கிரிப்டோகரன்சி சொத்துக்களில் இருந்து பெறப்படும் லாபத்தின் மீது 30% வரி விதிப்பு அமலுக்கு வருகிறது.
4-உயர்கிறது அத்தியாவசிய மருந்துகள் விலை
ஏப்ரல் 1ஆம் தேதி முதல் முதல் இந்தியாவில் அத்தியாவசிய மருந்துகளின் விலை 10.7 சதவீதம் வரை உயர்த்த அகில இந்திய தேசிய மருந்து விலை நிர்ணய ஆணையம் அனுமதித்துள்ளதால் பாரசிட்டமால், அசித்ரோமைசின் உள்ளிட்ட அத்யவசிய மருந்துகளின் விலை உயர்த்தப்படவுள்ளது.
5- தபால் அலுவலகத்தில் வட்டி பெறுவதற்கான முறையில் மாற்றம்
போஸ்ட் ஆபீஸில் சீனியர் சிட்டிசன் சேமிப்புத் திட்டம், தபால் அலுவலக டெபாசிட் திட்டம், மாத வருமானத் திட்டம் ஆகியவற்றுக்கு ஏப்ரல் 1 ஆம் தேதி முதல் வட்டி தொகை பணமாக வழங்கப்படாது என தெரிவிக்கப்பட்டுள்ளது. இந்த திட்டங்களில் வட்டி தொகையை பெற, வாடிக்கையாளர்கள் தங்கள் வங்கி கணக்கு, தபால் அலுவலக வங்கி கணக்கை, அத்துடன் சேர்த்தாக வேண்டும். அதன் மூலம், வட்டி தொகை நேரடியாக உங்கள் வங்கியில் செலுத்தப்படும்.
6-ஜிஎஸ்டி இ-இன்வாய்சிங் விதி மாறும்
ஏப்ரல் 1 முதல் முதல் ஜிஎஸ்டி விதிகளும் மாறுகின்றன. மத்திய மறைமுக வரிகள் மற்றும் சுங்க வாரியம் (சிபிஐசி) 20 கோடிக்கு மேல் விற்றுமுதல் கொண்ட வணிகங்கள் வணிகம் முதல் வணிகம் வரை பரிவர்த்தனைகளுக்கான மின்னணு விலைப்பட்டியல்களை ஏப்ரல் 1 முதல் கொடுக்க வேண்டும்.
7-ஆக்சிஸ் வங்கியின் வாடிக்கையாளர்களுக்கு அதிர்ச்சி
ஆக்சிஸ் வங்கியில் சம்பளம் அல்லது சேமிப்பு கணக்கு வைத்திருக்கும் வாடிக்கையாளர்களுக்கு புதிய விதிமுறைகள் அமல்படுத்தப்பட்டுள்ளன. சேமிப்புக் கணக்கில் குறைந்தபட்ச இருப்பு வரம்பை ரூ.10,000லிருந்து ரூ.12,000 ஆக வங்கி உயர்த்தியுள்ளது. ஆக்சிஸ் வங்கியின் இணையதளத்தில் கொடுக்கப்பட்டுள்ள தகவலின்படி, இலவச பணம் எடுப்பதற்கான நிர்ணயிக்கப்பட்ட வரம்பை ரூ.4 லட்சம் அல்லது ரூ.1.5 லட்சமாக மாற்றியுள்ளது.
8-மியூச்சுவல் ஃபண்டுகளில் டிஜிட்டல் பேமெண்ட்கள் மட்டுமே
ஏப்ரல் 1 முதல், மியூச்சுவல் ஃபண்டுகளில் முதலீடு செய்வதற்கான பணம், காசோலை, வங்கி வரைவோலை அல்லது எந்த வகையிலும் முதலீடு செய்ய முடியாது. மியூச்சுவல் ஃபண்ட் பரிவர்த்தனை ஒருங்கிணைப்பு போர்டல் மியூச்சுவல் ஃபண்ட் யூட்டிலிட்டிஸ் மார்ச் 31, 2022 முதல் காசோலை-தேவை வரைவோலை மூலம் பணம் செலுத்தும் வசதியை நிறுத்தப் போகிறது. ஏப்ரல் 1, 2022 முதல் மியூச்சுவல் ஃபண்டுகளில் முதலீடு செய்ய, யுபிஐ அல்லது நெட்பேங்கிங் மூலம் மட்டுமே பணம் செலுத்த வேண்டும்.
9- வாகன நிறுவனங்கள் விலையை உயர்த்தும்
சில பெரிய நிறுவனங்கள் தங்களது வாகனங்களின் விலையை உயர்த்தி அறிவித்துள்ளன. வர்த்தக வாகனங்களின் விலையை 2.5 சதவீதம் உயர்த்த உள்ளதாக டாடா மோட்டார்ஸ் தெரிவித்துள்ளது. மெர்சிடிஸ் பென்ஸ் இந்தியாவும் வாகனங்களின் விலையை மூன்று சதவீதம் வரை உயர்த்தப் போவதாக கூறியுள்ளது. டொயோட்டா நிறுவனம் நான்கு சதவீதம் வரை விலையை உயர்த்துவதாக அறிவித்துள்ளது. மறுபுறம், பிஎம்டபிள்யூ விலையை 3.5 சதவீதம் உயர்த்துவதாக அறிவித்துள்ளது.
10- எல்பிஜி விலைகள் அதிகரிக்கலாம்
தேர்தல் முடிந்து 12 நாட்கள் கழித்து மார்ச் 22 எல்பிஜி விலை உயர்த்தப்பட்டது. மீண்டும் ஏப்ரல் 1-ம் தேதி புதிய விலைகள் வெளியிடப்படும், மேலும் எல்பிஜி சிலிண்டரின் விலை ரூ.50 முதல் 100 வரை அதிகரிக்க வாய்ப்புகள் உள்ளன.
மேலும் படிக்க | ரேஷன் கார்டில் புதிய உறுப்பினர் பெயரை சேர்ப்பது எப்படி?
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
