நாடு முழுவதும் மருத்துவ கல்லூரிகளில் சேர்க்கைக்காக நீட் தேர்வு நடத்தப்பட்டு வருகிறது. 2018-19-ம் ஆண்டு மாணவர் சேர்க்கைக்கான தேசிய தகுதி மற்றும் நுழைவுத்தேர்வை (நீட்) CBSE நடத்தியது.
தமிழ் நாட்டு மாணவர்களுக்கு தமிழ்நாட்டை தவிர வெளி மாநிலங்களிலும் தேர்வு மையம் ஒதுக்கப்பட்டு இருந்தது. இதனால் மாணவ-மாணவிகளும், பெற்றோரும் கடும் அதிருப்தி அடைந்தனர். பல்வேறு சர்ச்சைகளுக்கு மத்தியில் நீட் தேர்வுகள் கடந்த மே 6-ம் தேதி நடந்து முடிந்தது.
இந்நிலையில் மே 6-ம் தேதி நடைபெற்ற நீட் தேர்வுக்கான விடைத்தாள் இன்று இணையதளத்தில் வெளியிடப்பட்டது. இதனை இன்று முதல் 27-ம் தேதி மாலை 5 மணி வரை இணையதளத்தில் பார்க்கலாம் என தெரிவிக்கப்பட்டுள்ளது.
