உணவே நமது ஆரோக்கியத்திற்கு அடிப்படை. அதில் உடலுக்கு தேவையான ஊட்டச்சத்துக்களும் தாதுக்களும் அவசியமானவை. அதில் பொட்டாசியம் அளவு உடலில் நீர் சமநிலை மற்றும் இரத்த அழுத்தத்தை கட்டுப்படுத்த உதவுகிறது. உடலில் பொட்டாசியம் குறைபாட்டிற்கு என்ன காரணம், அதன் அறிகுறிகள் என்ன, என்ன உணவு மீட்புக்கு உதவுகிறது என்பதை தெரிந்து கொள்வோம்.
உடலை ஆரோக்கியமாக வைத்திருக்க பல வைட்டமின்கள் மற்றும் தாதுக்கள் தேவைப்படுகின்றன. இவற்றில் ஒன்று பொட்டாசியம். இது உடலுக்கு மிக முக்கியமான கனிமமாகும். பொட்டாசியம் அளவு உடலில் நீர் சமநிலை மற்றும் இரத்த அழுத்தத்தை கட்டுப்படுத்த உதவுகிறது.
பெட்டாசியம் சத்து குறைந்தால் ஏற்படும் சிக்கல்கள்
மன அழுத்தம்
நரம்புகளின் செயல்பாட்டில் பிரச்சனை
தசை பலவீனம்
உடல் சோர்வு
இதய பிரச்சனைகள்
பொட்டாசியம் குறைவது ஏன் ?
பொட்டாசியம் அளவு குறைவதற்கு பல காரணங்கள் இருக்கலாம். நுண்ணுயிர் எதிர்ப்பிகளின் நுகர்வு, வயிற்றுப்போக்கு, வாந்தி, குறைந்த மெக்னீசியம் அளவு, அதிகப்படியான வியர்த்தல் மற்றும் உடலில் ஃபோலிக் அமிலம் இல்லாதது ஆகியவை முக்கிய காரணங்கள். இந்த காரணங்களில் ஏதேனும் ஒரு காரணத்தால் உங்கள் உடலில் பொட்டாசியம் குறைபாடு ஏற்படலாம்.
உடலில் எப்பொழுதும் சோம்பல், சோர்வு உணர்வு, மன உளைச்சல் போன்றவை இருந்தால், உடலில் பொட்டாசியம் குறைபாடு இருப்பதாக புரிந்துக் கொள்ளுங்கள். அதேபோல, இந்த தாதுப் பற்றாக்குறையின் மற்ற முக்கிய அறிகுறிகள் என்னவென்று தெரிந்து கொள்வோம்.
மேலும் படிக்க | வயிறு தொடர்பான அனைத்துக் கோளாறுகளையும் போக்கும் மணத்தக்காளிக் கீரையின் அற்புதம்
பொட்டாசியம் குறைவதற்கான அறிகுறிகள்
அடிக்கடி சிறுநீர் கழித்தல்
அடிக்கடி சிறுநீர் கழிப்பது பொட்டாசியம் குறைபாட்டின் அறிகுறியாக இருக்கலாம். இதனுடன், எப்போதும் சிறுநீர் கழிக்க வேண்டும் என்ற உந்துதல் இருந்தாலும், உடலில் பொட்டாசியம் குறைந்திருக்கிறது என்று புரிந்துக் கொள்ளலாம்.
செரிமான பிரச்சனை
செரிமான செயல்முறை சரியாக இல்லை என்றால், அதற்கு பல காரணங்கள் இருக்கலாம். பல சமயங்களில் இது உணவுப் பழக்கவழக்கங்களால் ஏற்படுகிறது. நீண்ட காலமாக செரிமானப் பிரச்சனைகள் இருந்தால், அது உடலில் பொட்டாசியம் குறைந்ததற்கான அறிகுறியாக இருக்கலாம்.
தசை பிடிப்பு
தசைப்பிடிப்பு என்பது தசைகளின் திடீர் மற்றும் கட்டுப்பாடற்ற சுருக்கம். இரத்தத்தில் பொட்டாசியம் அளவு குறைவாக இருக்கும்போது இது நிகழ்கிறது.
மரத்துப்போகும் உணர்வு
பொதுவாக, சில பகுதிகளில் இரத்த ஓட்டம் தடைபடுவதால், உடல் மரத்துப் போகிறது. காரணமே இல்லாமல் கை, கால்களில் மரத்துப் போன உணர்வு ஏற்பட்டால், அது உடலில் பொட்டாசியம் குறைபாட்டின் அறிகுறியாகும்.
மேலும் படிக்க | சோம்பல் முதல் புற்றுநோய் வரை.... அலற வைக்கும் வைட்டமின் டி குறைபாடு!!
மன அழுத்தம்
மூளையை ஆரோக்கியமாக வைத்திருப்பதில் பொட்டாசியம் மிக முக்கிய பங்கு வகிக்கிறது. குழப்பம், திடீர் மனச்சோர்வு, மனநிலை மாற்றங்கள் தினமும் நடந்தால், உடலில் பொட்டாசியம் குறைபாடு உள்ளது என்பதற்கு இது போதுமான அறிகுறியாகும்.
ஆனால் பொட்டாசியம் குறைபாட்டை அன்றாட வாழ்வில் இந்த ஐந்து விஷயங்களைச் சேர்ப்பதன் மூலம் மீட்டெடுக்க முடியும். அவற்றில் கீரை, அவகேடோ பழம், இளநீர், வாழைப்பழம், பூசணி விதைகள் ஆகியவை முக்கியமானவைகள் ஆகும்.
கீரைகள்
கீரைகளில் பொட்டாசியம் அதிகமாக உள்ளது. கீரையை சாலடுகள், ஆம்லெட்கள் அல்லது வதக்கிய உணவுகளில் சேர்ப்பது உங்கள் பொட்டாசியம் உட்கொள்ளலை அதிகரிக்க ஒரு வசதியான வழியாகும். அதேபோல கீரையை சூப் வைத்தும் குடிக்கலாம்.
இந்த பொருட்களில் ஏராளமான பொட்டாசியம் உள்ளது. அன்றாட வாழ்வில் சேர்த்துக் கொள்வதன் மூலம் பொட்டாசியம் குறைபாட்டைப் போக்கலாம். இது தவிர உருளைக்கிழங்கை உணவில் சேர்த்துக்கொள்ளலாம். தினமும் காலையில் பாதாம் சாப்பிடுவதன் மூலமும் உடலில் பொட்டாசியம் அளவை பராமரிக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
