சளி, இருமலை சட்டுனு குணப்படுத்த உதவும் ஆயுர்வேத தீர்வுகள்

Ayurvedic Home Remedies For Cough and Cold: வெயில், குளிர், மழை என வானிலை மாறிக்கொண்டே இருக்கின்றது. வானிலை மாறும்போது, ​​மக்கள் சளி மற்றும் இருமலுக்கு ஆளாகின்றனர். இப்போதும் பருவநிலை மாறும் நேரம். பகலில் வெயிலும், இரவில் குளிரும் இருப்பதால் பலருக்கு உடல்நிலையில் பாதிப்புகள் ஏற்படுகின்றன.

இந்த காலத்தில் பலர் சளி, இருமல், காய்ச்சல் வைரஸ் தொற்றுகள் ஆகிய காரணங்களால் சிரமத்தில் உள்ளனர். மாறிவரும் வானிலை காரணமாக நோய் எதிர்ப்பு சக்தி குறையும். இப்படிப்பட்ட சளி, இருமலை குணப்படுத்த ஆயுர்வேதத்தில் பல பயனுள்ள வைத்தியங்கள் பரிந்துரைக்கப்பட்டுள்ளன. இவை உங்களுக்கு நிவாரணம் தரும். 

சளி மற்றும் இருமல் ஏன் ஏற்படுகிறது?

மாறிவரும் வானிலை காரணமாக, வெப்பநிலை குறைந்து ஈரப்பதம் வருகிறது. இதன் காரணமாக வைரஸ்கள் மற்றும் பாக்டீரியாக்கள் வளரத் தொடங்குகின்றன. இந்த காரணத்தினால், ரினோவைரஸ் (இது ஜலதோஷத்தை ஏற்படுத்துகிறது) வேகமாக பரவுகிறது. குளிர்காலத்தில், உடலின் உட்புற வெப்பநிலை குறைகிறது. மேலும் இது நமது நோயெதிர்ப்பு மண்டலத்தையும் பலவீனப்படுத்தும். இதனால் சளி, இருமல் போன்றவை ஏற்படுகின்றன.

குளிர்காலத்தில் நோய் எதிர்ப்பு சக்தி ஏன் குறைகிறது?

குளிர்காலத்தில் மக்களுக்கு சூரிய ஒளி குறைவாகவே கிடைக்கும். இதனால், உடலில் வைட்டமின் டி அளவு குறைய வாய்ப்பு உள்ளது. நோயெதிர்ப்பு மண்டலத்திற்கு வைட்டமின் டி போதுமான அளவு இருப்பது அவசியமாகும். அதே நேரத்தில், குளிர்காலத்தில் காற்று வறண்டு இருப்பதால், உடலின் ஈரப்பதமும் குறைகிறது. வறண்ட காற்று மூக்கு மற்றும் தொண்டையின் மியூகோசல் திசுக்களை உலர வைக்கும். இது உடலின் பாதுகாப்பு அமைப்பை பலவீனப்படுத்துகிறது. 

சளி மற்றும் இருமலை குணப்படுத்தும் ஆயுர்வேத வைத்தியம் பற்றி இங்கே காணலாம்.

துளசி மற்றும் கருப்பு மிளகு

சளி மற்றும் இருமல் குணமாக துளசி மற்றும் கருப்பு மிளகு சாப்பிடலாம். இதற்கு ஒரு கப் வெந்நீரில் 5-6 துளசி இலைகள் மற்றும் 1/4 தேக்கரண்டி கருப்பு மிளகு சேர்த்து கொதிக்க வைத்து குடிக்கவும். இந்த கலவையால் நோய் எதிர்ப்பு சக்தி பலப்படுவதுடன் குளிர்கால வைரஸ்களை எதிர்த்துப் போராட தெம்பு கிடைக்கிறது.

மேலும் படிக்க | மூளை முதல் இதயம் வரை... வேர்க்கடலை என்னும் ஏழைகளின் பாதாம் தினமும் சாப்பிடுங்க

இஞ்சி மற்றும் தேன்

சளி மற்றும் இருமலை குணப்படுத்தவும் இஞ்சி பயனுள்ளதாக இருக்கும். இதில் இயற்கையான பாக்டீரியா எதிர்ப்பு மற்றும் அழற்சி எதிர்ப்பு பண்புகள் உள்ளன. இது சளி மற்றும் இருமலை விரைவாக குணப்படுத்த உதவுகிறது. இதை செய்ய, 1-2 அங்குல இஞ்சியை நன்றாக நறுக்கி அல்லது நசுக்கி, அதனுடன் 1 தேக்கரண்டி தேன் சேர்த்து ஒரு நாளைக்கு 2-3 முறை சாப்பிடவும். இந்த கலவை தொண்டை வீக்கத்தை குறைக்கவும் நாசி நெரிசலைத் திறக்கவும் உதவுகிறது.

மஞ்சள் மற்றும் பால்

சளி மற்றும் இருமல் தொல்லை இருந்தால் மஞ்சள் பால் குடிக்கலாம். மஞ்சளில் அழற்சி எதிர்ப்பு பண்புகள் இருப்பதால் இது சளியை விரைவில் குணப்படுத்த உதவுகிறது. வெதுவெதுப்பான பாலில் 1/2 டீஸ்பூன் மஞ்சள் கலந்து இரவில் குடிக்கவும். இது தொண்டை வீக்கத்தைக் குறைத்து, தொற்றுநோயிலிருந்து நிவாரணம் அளிக்கிறது.

வேம்பு கஷாயம்
சளி, இருமல், அவற்றால் ஏற்படும் காய்ச்சல் ஆகியவை குணமாக வேப்பிலை கஷாயம் அருந்தலாம். வேப்ப இலைகளில் பாக்டீரியா எதிர்ப்பு மற்றும் ஆன்டிவைரல் பண்புகள் இருக்கின்றன. இதனால்ல், இவை சளி, இருமல் ஆகியவற்றை குறைக்க உதவுகின்றன. 10-15 வேப்ப இலைகளை 1 கப் தண்ணீரில் கொதிக்க வைத்து ஒரு நாளைக்கு இரண்டு முறை குடிக்கவும்.

கல் உப்பு மற்றும் வெதுவெதுப்பான நீர்

சளி மற்றும் இருமல் இருந்தால், கல் உப்பு மற்றும் வெதுவெதுப்பான நீரை உட்கொள்ளலாம். இதனைக் கொண்டு வாய் கொப்பளித்தால், தொண்டை வீக்கத்தைக் குறைத்து, சளி பிரச்சனையில் இருந்து நிவாரணம் கிடைக்கும். ஒரு கப் வெதுவெதுப்பான நீரில் 1/2 தேக்கரண்டி கல் உப்பைக் கரைத்து, ஒரு நாளைக்கு 2-3 முறை கொப்பளிக்கவும்.

ஆவி பிடித்தல்

இஞ்சி, துளசி, எலுமிச்சை ஆகியவற்றை வெந்நீரில் போட்டு கொதிக்க வைத்து, அதன் ஆவி பிடித்தால், மூக்கடைப்பு சரியாகி, சள்ளித்தொல்லையும் குறையும். 

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | யூரிக் அமில பிரச்சனையா? இந்த உணவுகளை நம்பி சாப்பிடுங்க, கட்டுக்குள் வைக்கலாம்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ