உடல் எடையை வேகமா குறைக்க ஒரு சுவையான வழி: சோயா சங்ஸை இப்படி சாப்பிடுங்க

Weight Loss Tips: இந்நாட்களில் தவறான உணவுப் பழக்கவழக்கங்கள் மற்றும் மோசமான வாழ்க்கை முறை காரணமாக, பெரும்பாலான மக்கள் உடல் பருமன் பிரச்சனையால் சிரமப்படுகிறார்கள். தினம் தினம் அதிகரிக்கும் எடையைக் குறைக்க, மக்கள் பல்வேறு உணவுத் திட்டங்களைப் பின்பற்றுகிறார்கள். சிலர் பல மணிநேரம் ஜிம்மில் உடற்பயிற்சி செய்கிறார்கள். உடல் எடையை குறைக்க பலர் ஒன்றும் சாப்பிடாமல் பட்டினி கூட கிடக்கிறார்கள். ஆனால் பட்டினி கிடப்பது சரியான பழக்கம் அல்ல. இது உடல் எடையை குறைக்காது, மாறாக உடலில் சோர்வை ஏற்படுத்தி எடையை மேலும் அதிகரிக்கக்கூடும். உடல் எடையை குறைக்க, குறைவாக சாப்பிட வேண்டிய அவசியமில்லை, சரியாக சாப்பிடுவதுதான் அவசியம். சில எளிய, ஆரோக்கியமான, இயற்கையான வழிகளிலும் உடல் எடையை குறைக்கலாம். அப்படி ஒரு வழியை பற்றி இந்த பதிவில் காணலாம்.

உடல் எடையை குறைக்கும் சோயா சங்க்ஸ் (Soya Chunks For Weight Loss):
 
எடை இழப்புக்கு, குறைந்த கலோரி மற்றும் அதிக புரத உணவுகளை உட்கொள்ள அறிவுறுத்தப்படுகிறது. இதற்கு சோயா சங்க்ஸை உணவில் சேர்த்துக்கொள்ளலாம். புரதங்கள் தவிர, வைட்டமின்கள், தாதுக்கள் மற்றும் ஒமேகா-3 கொழுப்பு அமிலங்களும் இதில் ஏராளமாக உள்ளன. சோயாபீனில் நார்ச்சத்து அதிகம் இருப்பதால் இது வயிற்றை நீண்ட நேரம் நிறைவாக வைத்திருக்கும். இது வளர்சிதை மாற்றத்தை அதிகரிக்கிறது. மேலும் உடலில் சேரும் அதிகப்படியான கொழுப்பைக் குறைக்க உதவுகிறது. இதை உட்கொள்வது தசை வளர்ச்சிக்கும் உதவும். எடை இழப்புக்கு சோயாபீனை எப்படி உட்கொள்வது என்பதை தெரிந்து கொள்ளலாம். 

1. சோயா அவல் 

உடல் எடையை குறைக்க (Weight Loss), காலை உணவில் சோயா அவல் சாப்பிடலாம். இது சாப்பிடுவதற்கு சுவையாக இருப்பதோடு மட்டுமல்லாமல், ஆரோக்கியத்திற்கும் மிகவும் பயனுள்ளதாக இருக்கும். இதைச் செய்ய, சோயா துண்டுகளை வேகவைத்து, தண்ணீரைப் பிழியவும். பிறகு மிக்ஸியில் நைசாக அரைக்கவும். இப்போது கடாயில் எண்ணெயை சூடாக்கவும். அதில் கடுகு, கறிவேப்பிலை சேர்க்கவும். பிறகு பொடியாக நறுக்கிய வெங்காயம், பச்சை மிளகாய் சேர்த்து வதக்கவும். பிறகு அதில் வேர்க்கடலை சேர்த்து 2 நிமிடம் வதக்கவும். பின்னர் மஞ்சள் தூள் சேர்த்து ஒரு நிமிடம் வதக்கவும். பிறகு சோயா சங்க்ஸ் மற்றும் உப்பு சேர்த்து நன்கு கலக்கவும். இறுதியாக எலுமிச்சை சாறு மற்றும் பொடியாக நறுக்கிய கொத்தமல்லி சேர்க்கவும். உங்கள் சோயா அவல் தயார்!! காலை உணவில் சோயா அவல் சாப்பிடுவதால், வயிறு நிரம்பிய உணர்வுடன் இருக்கும், மீண்டும் மீண்டும் பசி ஏற்படாது, இது எடை இழப்புக்கும் பயனுள்ளதாக இருக்கும்.

மேலும் படிக்க | சிறுநீரக பாதிப்பு குறித்து எச்சரிக்கும் ‘சில’ ஆபத்தான அறிகுறிகள்!

2. சோயா சங்க்ஸ் கறி

உடல் எடையை குறைக்க, சோயா சங்க்ஸில் செய்யப்பட்ட கறியையும் தயாரித்து சாப்பிடலாம். இதில் நார்ச்சத்து அதிகம் இருப்பதால் வயிற்றை நீண்ட நேரம் நிறைவாக வைத்திருக்கும். இதை சாப்பிடுவதால் உடலுக்கு சக்தி கிடைப்பதுடன் தசை வளர்ச்சிக்கும் உதவும். மதிய உணவு அல்லது இரவு உணவில் சோயா சங்க்ஸ் கறிகளை சாப்பிடலாம். இதை தயாரிக்க ஆலிவ் எண்ணெய் அல்லது நெய் பயன்படுத்தலாம். நீங்கள் விரும்பினால், அதில் உங்களுக்கு விருப்பமான காய்கறிகளையும் சேர்க்கலாம்.

3. வறுத்த சோயா துண்டுகள்

பெரும்பாலான மக்கள் மாலையில் பசி எடுக்கும் போது ஆரோக்கியமற்ற ஜங்க் உணவுகளை உட்கொள்கிறார்கள். நீங்கள் உடல் எடையை குறைக்கும் முயற்சியில் இருந்தால், வறுத்த சோயா துண்டுகளை (Soya Chunks) சிற்றுண்டியாக சாப்பிடலாம். இதன் மூலம் குறைந்த கலோரிகளில் அதிக புரதம் கிடைக்கும். இது தவிர, இது பசியைக் கட்டுப்படுத்தவும் உதவும். இதற்கு கடாயில் சிறிது நெய்யை சூடாக்கவும். அதனுடன் சோயா சங்க்ஸ் சேர்த்து வதக்கவும். இப்போது சாட் மசாலா மற்றும் உப்பு சேர்த்து நன்கு கலக்கவும். குறைந்த தீயில் 5 நிமிடங்கள் வறுக்கவும். உங்கள் சுவையான மற்றும் ஆரோக்கியமான சிற்றுண்டி தயாராகிவிடும்.

மேலும் படிக்க | முட்டையை ‘இப்படி’ சாப்பிட்டால் போதும்... உடல் எடை மளமள என குறையும்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ