உங்களுக்கு டஸ்ட் அலர்ஜி இருக்கா? இந்த வீட்டு வைத்தியங்கள் கை கொடுக்கும்

Home Remedies For Dust Allergy: டஸ்ட் அலர்ஜி அதாவது தூசிக்கான ஒவ்வாமை என்பது ஒரு பொதுவான பிரச்சனையாகும். இது குறிப்பாக ஆஸ்துமா அல்லது சுவாச பிரச்சனைகளால் பாதிக்கப்படுபவர்களுக்கு அதிகமாக ஏற்படுகிறது. மூக்கு ஒழுகுதல், தும்மல், கண்களில் எரிச்சல் மற்றும் தொண்டையில் சிரமம் போன்ற பிரச்சனைகள் இந்த அலர்ஜியின் அறிகுறிகளாக உள்ளன.

துசி மற்றும் மாசுபாட்டால் ஏற்படும் ஒவ்வாமையிலிருந்து நிவாரணம் பெற மருந்துகள் இருந்தாலும், இந்த பிரச்சனையை கட்டுப்படுத்த சில இயற்கையான வீட்டு வைத்தியங்களும் உள்ளன. இந்த வைத்தியங்கள் ஒவ்வாமை அறிகுறிகளிலிருந்து நிவாரணம் அளிப்பது மட்டுமல்லாமல், உடல் அமைப்பையும் பலப்படுத்துகின்றன. தூசி ஒவ்வாமைக்கு நிவாரணம் அளிக்கும் சில வீட்டு வைத்தியங்கள் பற்றி இந்த பதிவில் காணலாம். 

வெந்நீரில் கல் உப்பு போட்டு வேவு பிடித்தல்

கல் உப்பை வெதுவெதுப்பான நீரில் கரைத்து மூக்கின் அருகில் வைத்து சுவாசித்தால் ஒவ்வாமையிலிருந்து நிவாரணம் கிடைக்கும். இது மூக்கை சுத்தம் செய்வது மட்டுமின்றி தொண்டையில் இருக்கும் வீக்கத்தையும் குறைக்கிறது. இது உங்கள் நாசிப் பாதையில் உள்ள தூசி மற்றும் பாக்டீரியாக்களை நீக்கி, ஒவ்வாமை அறிகுறிகளில் இருந்து நிவாரணம் அளிக்கிறது. இது தவிர வெந்நீரில் கல் உப்பு போட்டு கொப்பளிப்பதும், தொண்டையில் சேர்ந்துள்ள சளியை கரைக்க உதவும். 

தேன் மற்றும் இஞ்சி கலவை

இஞ்சி மற்றும் தேன் இரண்டிலும் இயற்கையான ஆண்டி-ஆக்சிடெண்டுகள் மற்றும் அழற்சி எதிர்ப்பு கூறுகள் நிறைந்துள்ளன. தூசி ஒவ்வாமை இருந்தால், ஒரு ஸ்பூன் தேனில் இஞ்சி சாற்றை கலந்து, தினமும் காலையில் வெறும் வயிற்றில் உட்கொள்ளலாம். இந்த கலவை தொண்டை வீக்கத்தை குறைக்கிறது. இது உடலின் நோய் எதிர்ப்பு சக்தியை அதிகரித்து ஒவ்வாமை அறிகுறிகளை கட்டுப்படுத்துகிறது. தேனில் பாக்டீரியா எதிர்ப்பு பண்புகள் உள்ளன. இந்த பண்புகள் ஒவ்வாமையால் ஏற்படும் தொற்றுநோய்களைத் தடுக்கவும் உதவுகின்றன. 

மேலும் படிக்க | எச்சரிக்கை... இந்த உணவுகளுடன் லெமன் டீ எடுத்துக்காதீங்க.. ஆரோக்கியத்திற்கு கேடு

துளசி மற்றும் மஞ்சள் கஷாயம்

துளசி மற்றும் மஞ்சள் இரண்டும் ஆயுர்வேத மருந்துகள். அவை உடல் மாசு மற்றும் ஒவ்வாமைக்கு எதிராக திறம்பட செயல்படுகின்றன. துளசி இலையை தண்ணீரில் போட்டு கொதிக்க வைத்து அதனுடன் மஞ்சள் சேர்த்து கஷாயம் செய்து குடிக்கலாம். இந்த கலவை உடலில் இருந்து நச்சுகளை அகற்றவும், வீக்கத்தை குறைக்கவும், ஒவ்வாமையால் ஏற்படும் பிரச்சனைகளை நீக்கவும் உதவுகிறது.

தேங்காய் எண்ணெய் மசாஜ்

தேங்காய் எண்ணெய் சருமத்திற்கு மட்டுமல்ல, சுவாச பிரச்சனைகளுக்கும் நன்மை பயக்கும். தூசி ஒவ்வாமையால் மூக்கடைப்பு பிரச்சனையை எதிர்கொண்டால், இரவில் தூங்கும் முன் தேங்காய் எண்ணெயை மூக்கின் அருகிலும் தொண்டையிலும் லேசாக மசாஜ் செய்யலாம். இது சுவாசத்தில் நிவாரணம் அளிக்கிறது மற்றும் உடலில் ஏற்படும் வீக்கத்தைக் குறைக்கிறது.

சோம்பு மற்றும் சீரக தண்ணீர்

சோம்பு மற்றும் சீரக நீர் செரிமான அமைப்பு மற்றும் சுவாச அமைப்புக்கு நன்மை பயக்கும். சீரகத்தையும் சோம்பையும் கொதிக்க வைத்து அந்த தண்ணீரை ஒரு நாளைக்கு ஒரு முறை அல்லது இரண்டு முறை குடித்து வந்தால், டஸ்ட் அலர்ஜியின் அறிகுறிகளைக் குறைக்கலாம். இந்த கலவையானது உடலில் சேர்ந்துள்ள அதிகப்படியான மாசை வெளியேற்ற உதவுகிறது, இதனால் ஒவ்வாமையிலிருந்து நிவாரணம் கிடைக்கின்றது.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | உங்கள் குடல் மோசமாக உள்ளது என்பதை காட்டும் முக்கியமான 7 அறிகுறிகள்..!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ