இந்தியாவில் ஆன்லைன் டெலிவரி சேவை நாளுக்கு நாள் அதிகரித்து வரும் நிலையில் Dunzo ஆன்லைன் டெலிவரி சேவையில் மிக முக்கிய நிறுவனமாக உள்ளது. சிறப்பான ஒரு யோசனைக்கு வாழ்க்கையை மாற்றும் ஆற்றல் உண்டு. டன்சோவின் தலைவரான கபீர் பிஸ்வாஸ், ஒரு சாதாரண வாட்ஸ்அப் குழுவில் இருந்து தனது உள்ளூர் விநியோக வணிகத்தைத் தொடங்கினார், அது இப்போது மிகப்பெரிய அளவில் வளர்ந்துள்ளது. 1984 இல் பிறந்த கபீர், 19 வயதில் தந்தையை இழந்தார், அதன் பிறகு குடும்ப பொறுப்பு அவரது தாயார் மீது விழுந்தது. இந்நிலையில், கடுமையாக படித்து முன்னேறி, மும்பை பல்கலைக்கழகத்தில் (2000-2004) கம்ப்யூட்டர் எலக்ட்ரானிக்ஸில் பட்டம் பெற்றார், பின்னர் நர்சி மோஞ்சி இன்ஸ்டிடியூட் ஆப் மேனேஜ்மென்ட் ஸ்டடீஸில் எம்பிஏ பட்டம் பெற்றார்.
ஏர்டெல் நிறுவனத்தில் தொழில் தொடங்கிய கபீர்
எம்பிஏ பட்டம் பெற்ற பிறகு கபீர் 2007 இல் பார்தி ஏர்டெல் லிமிடெட் நிறுவனத்தில் கிராமப்புற NPD ஆக பணியாற்றத் தொடங்கினார். 2 ஆண்டுகளில், சமூகம் மற்றும் இருப்பிட அடிப்படையிலான சேவையாக பதவி உயர்வு பெற்றார். பின்னர் அவர் வீடியோகான் டெலிகம்யூனிகேஷன்ஸ் லிமிடெட் நிறுவனத்திற்கு மாறினார். அதில் அவர் அக்டோபர் 2010 முதல் சுமார் மூன்று மாதங்கள் தயாரிப்பு மேம்பாட்டில் பணியாற்றினார். இந்த வேலைக்குப் பிறகு, கபீர் Y2CF டிஜிட்டல் மீடியா பிரைவேட் லிமிடெட் தயாரிப்புப் பிரிவில் பணியாற்றினார். அங்கு, அவர் ஹாப்பரைத் தொடங்கினார், அது பின்னர் 2014 இல் ஹைக் கையகப்படுத்தப்பட்டது. இந்த அனுபவங்களுக்குப் பிறகு, கபீர் தனது உள்ளூர் டெலிவரி சேவையான டன்சோ என்னும் சேவையை ஜனவரி 2015 இல் தொடங்கினார். இது ஒரு சிறிய வாட்ஸ்அப் குழுவுடன் தொடங்கப்பட்டது.
சிறந்த சேவைக்கு முக்கியத்துவம்
தொழில்நுட்பத்தை அடிப்படையாகக் கொண்ட வணிகத்தில் சிறந்த சேவையைப் கொடுப்பது முக்கியம் என்று கபீர் நம்பினார். குறிப்பாக டெலிவரி மற்றும் தளவாடங்கள் சம்பந்தப்பட்டவை. அவர் தனது புரிதலுடனும் பார்வையுடனும் இந்த பிராண்டை உருவாக்கினார். பெங்களூர், டெல்லி, குருகிராம், புனே, சென்னை, ஜெய்ப்பூர், மும்பை மற்றும் ஹைதராபாத் போன்ற முக்கிய நகரங்களில் Dunzo இன் டெலிவரி சேவை இப்போது கிடைக்கிறது. இந்த சேவை ஆரம்பத்தில் இந்திராநகர், கோரமங்களா மற்றும் மத்திய வணிக மாவட்டத்தில் இருந்து தொடங்கப்பட்டது. டன்சோ என்னும் ஆன்லைன் கொரொயர சேவை மூலம், நீங்கள் ஆவணங்கள் முதல், சாப்பாடு வரை எந்த விதமான பொருளையும் கொரியர் செய்யலாம்.
மேலும் படிக்க | உச்ச நீதிமன்றத்தின் தீர்ப்பை செயல்படுத்தும் EPFO! ஆன்லைனில் விண்ணப்பிக்கலாம்
தற்போதைய சொத்து மதிப்பு
கூகுளிடம் இருந்து நிதியுதவி பெறும் முதல் இந்திய தொழில்நுட்ப நிறுவனமாக 2017 இல் Dunzo வரலாறு படைத்தது. ஜனவரி 2022 இல் திரட்டப்பட்ட மொத்த நிதி $700 மில்லியன் ஆகும். ரிலையன்ஸ் ரீடெய்ல் ஜனவரி 2022 இல் $240 மில்லியன் முதலீடு செய்தது. இந்நிறுவனம் ஒரு ஹைப்பர்லோகல் டெலிவரி ஸ்டார்ட்அப் ஆகும். இது நகரத்தின் ஒவ்வொரு மூலைக்கும் ஒரே கிளிக்கில், பொருட்களை டெலிவரி செய்யும் சேவையை வழங்குகிறது. டன்சோவின் நிகர மதிப்பு 775 மில்லியன் டாலர்கள் (சுமார் ரூ. 6,400 கோடி) என்று அறிக்கைகள் தெரிவிக்கின்றன.
மேலும் படிக்க | ஓய்வுக்குப் பிறகு டென்ஷன் இல்லாம இருக்கணுமா... ‘இவற்றில்’ முதலீடு செய்யுங்க!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
