Banana Farming: மத்திய, மாநில அரசுகள் விவசாயிகளை பொருளாதார ரீதியாக பலப்படுத்த தோட்டக்கலையை ஊக்குவித்து வருகின்றன. இந்நிலையில், பழ மரங்களை நடுவதற்கு விவசாயிகளுக்கு அரசு மானியம் வழங்கி வருகிறது. அதோடு, வேளாண்மைத் துறை, தோட்டக்கலை இயக்குநரகம் ஆகியவையும் விவசாயிகளுக்கு பலன் தரும் செடிகளை நடவு செய்யும் நுணுக்கங்களை கற்றுத் தருகின்றன.
தோட்டக்கலை மற்றும் மலைப்பயிர்கள் துறை சார்பில், மாநில அரசின் மாநில தோட்டக்கலை அபிவிருத்தி திட்டம் செயல்படுத்தப்படுகிறது. இத்திட்டமானது மாநில அரசின் 100 சதவீத நிதி உதவியுடன் தோட்டக்கலைத் துறையின் மூலமாக தமிழ்நாட்டை முழுமையான வளர்ச்சி அடைய செய்வதே நோக்கமாக கொண்டுள்ளது.
40 சதவீத மானியம்
மாநில தோட்டக்கலை அபிவிருத்தித் திட்டத்தின் மூலம் தென்னையில் வாழையை ஊடுபயிராக சாகுபடி செய்ய ஹெக்டேர் ஒன்றுக்கு10 ஆயிரம் ரூபாய் கொடுக்கப்படுகிறது. 40 சதவீதம் மானியமும் உண்டு. மானிய விலையில் நடவுபொருட்கள் மற்றும் வேளாண் இடுபொருட்கள் வழங்கப்படுகிறது.
வாழையில் ஊடுபயிர்
வாழையில் ஊடுபயிராக காய்கறி சாகுபடி செய்ய ஹெக்டேருக்கு பத்தாயிரம் ரூபாய் வீதம் 40 சதவீத மானியத்தில் இடுபொருட்கள் வழங்கப்படுகிறது. அரசு கல்வி நிலையங்கள் மற்றும் ஆதரவற்றோர் காப்பகங்களில் தோட்டம் அமைப்பதற்கு அதிக மகசூல் தரும் விதைகளும் மற்றும் மூலிகை செடிகள் இத்திட்டத்தின் கீழ் ரூ.8000 வீதம் 100 சதவீத மானியத்தில் செடிகள் மற்றும் இடுபொருட்கள் வழங்கப்படுகிறது.
வீட்டுத்தோட்டத்திற்கு 50 சதவீத மானியம்
வீடுகளில் தோட்டம் அமைப்பதை ஊக்குவிக்க மாடித் தோட்ட தளைகள் 50 சதவீதம் மானியத்தில் வழங்கப்படுகிறது. அதிக மகசூல் தரும் வீரிய ஒட்டு காய்கறி இரக விதைகளும் உயிர் உரங்களும் தென்னை நார் கழிவும் வழங்கப்படுகிறது. அதோடு, பழப் பயிர்களின் பரப்பை விரிவு செய்ய கொய்யா, நெல்லி, சீத்தா, எலுமிச்சை மற்றும் மா போன்ற 5 வகை பழச்செடிகள் அடங்கிய தொகுப்பு 75 சதவிகிதம் மானியத்தில் வழங்கப்படுகிறது.
தோட்டக்கலை விவசாயிகளுக்கு விளை பொருட்களை பாதுகாப்பாக கையாள நெகிழிக் கூடைகள் 40 சதவீதம் மானியத்தில் வழங்கப்படுகிறது. ஒரு பயனாளிக்கு அதிக பட்சமாக ஒரு அலகு மட்டுமே வழங்கப்படும். (ஒரு அலகிற்கு 10 எண்கள்). கூடுதல் வருமானம் ஈட்டும் சிறு தொழிலான காளான் வளர்ப்புக் கூடம் 50 சதவீதம் மானியத்தில வழங்கப்படுகிறது.
தோட்டக்கலை மூலம் விவசாயிகளின் வருமானம் அதிகரிக்கும்
மா, வாழை, கொய்யா மற்றும் பப்பாளி தோட்டக்கலை செய்ய விவசாயிகள் அறிவுறுத்தப்படுகிறார்கள். பாரம்பரிய விவசாயம் தவிர்த்து ஒருங்கிணைந்த தோட்டக்கலை மேம்பாட்டு இயக்கத்தில் சேர விவசாயிகளுக்கு தொடர்ந்து விழிப்புணர்வு ஏற்படுத்தப்பட்டு வருகிறது.
மேலும் படிக்க | நீரிழிவை ஒழித்துக் கட்டும் நார் சத்து நிறைந்த ‘சில’ உணவுகள்!
வாழை விவசாயத்தின் நன்மைகள்
இதற்கு தோட்டக்கலைத்துறை விவசாயிகளுக்கு உதவி வருகிறது. இந்நிலையில், தோட்டக்கலைத் துறை விவசாயிகளுக்கு வாழை சாகுபடிக்கு உதவி வருகிறது. இத்தகைய சூழ்நிலையில், விவசாயிகள் இதில் இணைந்தால், பாரம்பரிய நெல் மற்றும் கோதுமை சாகுபடிக்கு கூடுதலாக வாழை சாகுபடியில் பயனடைவார்கள்.
திசு வளர்ப்பு
மாவட்டம் முழுவதும் 25 ஹெக்டேரில் வாழை சாகுபடி செய்ய தோட்டக்கலைத்துறை இலக்கு நிர்ணயித்துள்ளது. இதன் கீழ் திசு வளர்ப்பு வாழைகளை நடவு செய்ய இலக்கு நிர்ணயிக்கப்பட்டுள்ளது.
2 ஆண்டுகளில் மானியம் கிடைக்கும்
ஒரு ஹெக்டேரில் வாழை சாகுபடிக்கு தோட்டக்கலைத்துறை ரூ.1 லட்சத்துக்கும் மேல் செலவிட்டுள்ளது. இதுபோன்ற சூழ்நிலையில் விவசாயிகளுக்கு 50 சதவீத மானியம் வழங்கப்படுகிறது. இந்த மானியம் 2 ஆண்டுகளில் விவசாயிகளுக்கு வழங்கப்படும். ,
மேலும் படிக்க | Dates Farming: தண்ணியே வேண்டாம்! மரம் வச்சா போதும், வருசத்துக்கு ரூ 20 லட்ச லாபம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
