ശരീരത്തിൽ അമിതമായ പഞ്ചസാര ഉണ്ടാകുമ്പോഴാണ് ഹൈപ്പർ ഗ്ലൈസീമിയ ഉണ്ടാകുന്നത്. നിങ്ങളുടെ ശരീരത്തിന് ഇൻസുലിൻ ശരിയായി ആഗിരണം ചെയ്യാൻ കഴിയാതെ വരികയോ അല്ലെങ്കിൽ ശരീരത്തിൽ ആവശ്യത്തിന് ഇൻസുലിൻ ഇല്ലാതിരിക്കുകയോ ചെയ്യുമ്പോഴാണ് ഈ അവസ്ഥ ഉണ്ടാകുന്നത്. ഇത് പ്രമേഹത്തിലേക്കാണ് നയിക്കുന്നത്.
പ്രമേഹം നിയന്ത്രിക്കുന്നതിന് നിങ്ങളുടെ രക്തത്തിലെ പഞ്ചസാരയുടെ അളവ് കഴിയുന്നത്ര നിയന്ത്രണത്തിലാക്കേണ്ടത് പ്രധാനമാണ്. പ്രമേഹരോഗികൾ അവരുടെ രക്തത്തിലെ പഞ്ചസാരയുടെ അളവ് എത്ര നന്നായി നിയന്ത്രണത്തിലാക്കിയാലും അവർക്ക് ഹൈപ്പർ ഗ്ലൈസീമിയ ഉണ്ടാകാറുണ്ട്. ഒരു പക്ഷെ നിങ്ങളുടെ ഫാസ്റ്റിംഗ് ബ്ലഡ് ഷുഗർ 125 mg/dL (ഒരു ഡെസിലിറ്ററിന് മില്ലിഗ്രാം) മുകളിലാണെങ്കിൽ, നിങ്ങൾക്കും ഹൈപ്പർ ഗ്ലൈസീമിയ ഉണ്ടെന്നാണ് അർഥം
ഹൈപ്പർ ഗ്ലൈസീമിയയുടെ ലക്ഷണങ്ങൾ
1) അമിതമായ ദാഹം, വരണ്ട വായ.
2) ഇടയ്ക്കിടെ മൂത്രമൊഴിക്കൽ.
3) ശാരീരിക ക്ഷീണം.
4) മങ്ങിയ കാഴ്ച.
5) പെട്ടെന്നുള്ള ശരീരഭാരം കുറയുന്നു.
6) മൂത്രാശയ അണുബാധയും ചർമ്മത്തിലെ അണുബാധയും.
രക്തത്തിലെ പഞ്ചസാര ഉയരുന്നതിൻറെ കാരണങ്ങൾ
1) സമ്മർദ്ദം
2) ജലദോഷം പോലെയുള്ള മറ്റേതെങ്കിലും രോഗം
3) ഭക്ഷണത്തിനിടയിൽ ധാരാളം ലഘുഭക്ഷണങ്ങൾ കഴിക്കുക.
4) വ്യായാമം അല്ലെങ്കിൽ ശാരീരിക പ്രവർത്തനങ്ങളുടെ അഭാവം.
5) നിർജലീകരണം
6) പ്രമേഹ മരുന്ന് തെറ്റായ അളവിൽ കഴിക്കുന്നത്
7) അമിത ചികിത്സ
8) ധാരാളം സ്റ്റിറോയിഡ് മരുന്നുകൾ മറ്റ് മരുന്നുകളുമായി കലർത്തുന്നത്.
ഇടക്കിടക്ക് ശരീരത്തിലെ പഞ്ചസാര പരിശോധിക്കുക. രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്ന കേക്കുകളും മധുരമുള്ള പാനീയങ്ങളും നിങ്ങൾ ഒഴിവാക്കണം. നിർജലീകരണം അനുഭവപ്പെടുന്നുണ്ടെങ്കിൽ പഞ്ചസാര രഹിത പാനീയങ്ങൾ കുടിക്കാം. ദിവസവും വ്യായാമം ചെയ്യുന്നത് ശീലമാക്കുക. ദീർഘനേരം ഇരിക്കാതെ നടക്കുകയോ ശാരീരിക പ്രവർത്തനങ്ങളിൽ ഏർപ്പെടുകയോ പോലുള്ള ലളിതമായ വ്യായാമങ്ങൾ നിങ്ങൾക്ക് ചെയ്യാം.
ഇത് ചെയ്യുന്നത് രക്തത്തിലെ പഞ്ചസാരയുടെ അളവ് കുറയ്ക്കാൻ മാത്രമല്ല, ശരീരഭാരം കുറയ്ക്കാനും സഹായിക്കും. നിങ്ങൾ ഇൻസുലിൻ മരുന്നുകൾ ഉപയോഗിക്കുന്ന ആളാണെങ്കിൽ, അത് ശരിയായ അളവിൽ ഉപയോഗിക്കാൻ വിദഗ്ധർ നിങ്ങളെ ഉപദേശിക്കുന്നു. പുകവലി, മദ്യപാനം തുടങ്ങിയ മോശം ശീലങ്ങൾ തടയാൻ ഡോക്ടർമാർ ശുപാർശ ചെയ്യുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
