న్యూయార్క్: భారత ప్రధాని నరేంద్ర మోడీ అమెరికా షెడ్యూల్ ఫిక్స్ అయింది. ఈ నెల 21 నుంచి 27 వరకు అమెరికాలో ప్రధాని మోడీ పర్యటన ఉంటుందని భారత విదేశాంగ శాఖ ప్రకటించింది. షెడ్యూల్ ప్రకారం ప్రధాని మోడీ ఈ నెల 21న శనివారం ఢిల్లీ నుంచి నేరుగా హ్యూస్టన్ చేరుకుంటారు.
ఈ పర్యటనలో భాగంగా ఐక్యరాజ్య సమితి జనరల్ అసెంబ్లీలో మోడీ ప్రసంగిస్తారు. ఈ సందర్భంగా ఆరోగ్యం, ఉగ్రవాద నిర్మూలన తదితర అంశాలపై మోడీ ప్రసంగిస్తారు. ఇదే సమయంలో అమెరికా అధ్యక్షుడు ట్రంప్ తో ప్రత్యేక భేటీ ఉంటుందని భారత విదేశాంగ శాఖ కార్యదర్శి విజయ్ గోఖలే తెలిపారు.
ఈ సందర్భంగా న్యూయార్క్ నగరంలో మోడీ పర్యటన ఉంటుంది. అక్కడ అమెరికాలో నివానముంటున్న భారతీయుల భారీ సభలో మోడీ ప్రసంగిస్తారు. ఈ సభలో అమెరికా అధ్యక్షుడు డోనాల్డ్ ట్రంప్ తో పాటు డెమెక్రటిక్ నేతలు కూడా పాల్గొంటారు. ఈ నెల 24న ఐక్యరాజ్యసమితి జనరల్ సెక్రటరీ ఇచ్చే విందుకు మోడీ హాజరౌతారు.
