Modi Questions: ప్రధాని నరేంద్రమోదీకు హైదరాబాద్ యువత 17 ప్రశ్నలు సంధించింది. మోదీ రాక సందర్భంగా హైదరాబాద్ నగరంలో ఓ వైపు స్వాగత తోరణాలు, మరోవైపు ప్రశ్నల బాణాలు కన్పిస్తున్నాయి. ఆ వివరాలు ఇలా ఉన్నాయి..
తెలంగాణ రాజధాని హైదరాబాద్‌లో మరి కాస్సేపట్లో ప్రధాని నరేంద్ర మోదీ పర్యటించనున్నారు. ఇండియన్ స్కూల్ ఆఫ్ బిజినెస్ వార్షికోత్సవం, స్నాతకోత్సవంలో పాల్గొనేందుకు ప్రధాని మోదీ హైదరాబాద పర్యటించనున్నారు. ప్రధాని మోదీ రాక సందర్భంగా హైదరాబాద్ నగరంలో బీజేపీ శ్రేణులు స్వాగత తోరణాలు, ఫ్లెక్సీలు కట్టి సందడి చేస్తున్నారు. ముఖ్యంగా బేగంపేట ఎయిర్‌పోర్ట్ పరిసరాల్లో పెద్ద ఎత్తున బ్యానర్లు ఏర్పాటు చేశారు.
మరోవైపు హైదరాబాద్ నగర యువత ప్రధాని మోదీకు 17 ప్రశ్నలు సంధించింది. ఆ ప్రశ్నల్ని మోదీ పయనించే మార్గంలో ఫ్లెక్సీల రూపంలో ప్రదర్శించింది. ఆ ప్రశ్నలకు సమాధానం చెప్పాలని డిమాండ్ చేసింది. నగరంలోని వేర్వేరు ప్రాంతాల్లో ఈ 17 బ్యానర్లు ఏర్పాటయ్యాయి. ఒక్కొక్క బ్యానర్‌లో ఒక్కొక్క ప్రశ్న ఉంది. మోదీజీ..మెడికల్ కళాశాల ఎందుకు శాంక్షన్ చేయలేదు అనేది ఇందులో ఓ ప్రశ్న.
మద్యాహ్నం 1 గంటకు బేగంపేటకు చేరుకునే ప్రధాని మోదీ అక్కడి నుంచి హెలీకాప్టర్ ద్వారా హైదరాబాద్ సెంట్రల్ యూనివర్శిటీకు చేరుకుంటారు. అక్కడి నుంచి రోడ్డు మార్గంలో 2 గంటలకు గచ్చిబౌలి ఇండియన్ స్కూల్ ఆఫ్ బిజినెస్‌లో హాజరవుతారు. సాయంత్రం 4.15 నిమిషాలకు తిరిగి బేగంపేట నుంచి చెన్నైకు బయలుదేరి వెళ్తారు. అటు తెలంగాణ ముఖ్యమంత్రి కేసీఆర్ బెంగళూరు పర్యటనకు వెళ్తున్నారు. అక్కడ మాడీ ప్రధాని దేవెగౌడ, మాజీ ముఖ్యమంత్రి కుమారస్వామిలతో సమావేశం కానున్నారు.
Also read: Hyderabad Traffic Diversion: ప్రధాని మోదీ హైదరాబాద్ పర్యటన నేపధ్యంలో..ట్రాఫిక్ మళ్లింపు, ఆంక్షలు ఇలా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
