AP: తెలుగు రాష్ట్రాలకు వర్ష సూచన.. ముఖ్యంగా ఆ 4 జిల్లాల్లో వర్షాలు కురిసే అవకాశం.. ఐఎండి హెచ్చరిక
180901 హైదరాబాద్‌: తెలంగాణలోని సాంఘిక, గిరిజన సంక్షేమ గురుకుల కళాశాలలో డిగ్రీ మొదటి సంవత్సరం ప్రవేశాలకు నోటిఫికేషన్‌ వెలువడింది. ఆయా కళాశాలల్లో డిగ్రీ మొదటి సంవత్సరంలో అడ్మిషన్ పొందాలనుకునే అభ్యర్థులు tgugcet.cgg.gov.in వెబ్‌సైట్లో ఆన్‌లైన్‌ ద్వారా టీజీయూజీ సెట్‌-2019 దరఖాస్తు చేసుకోవాల్సిందిగా గురుకులాల కార్యదర్శి ప్రవీణ్ కుమార్ తెలిపారు. ఈనెల 22 దరఖాస్తుకు చివరితేదీ కాగా జూన్‌ 8న ప్రవేశ పరీక్ష నిర్వహించనున్నారు. ఇంటర్మీడియెట్‌లో 40% మార్కులతో ఉత్తీర్ణత సాధించిన విద్యార్థులు ఈ ప్రవేశ పరీక్షకు అర్హులు.
రాష్ట్రంలో 30 సాంఘిక సంక్షేమ డిగ్రీ కళాశాలు, 22 ఎస్టీ గురుకుల డిగ్రీ కళాశాలల్లో వున్న సీట్లను ఈ ప్రవేశ పరీక్ష ద్వారా భర్తీ చేస్తామని ప్రవీణ్ కుమార్ తెలిపారు. ఇక్కడి కళాశాలల్లో చదువుకునే ప్రతీ విద్యార్థి చదువు కోసం ప్రభుత్వం రూ.75 వేలు ఖర్చు చేసి మరీ నాణ్యమైన విద్యను అందిస్తోందని ప్రవీణ్ కుమార్ పేర్కొన్నారు.
గురుకుల కళాశాలలో డిగ్రీ ప్రవేశాలకు నోటిఫికేషన్‌
