Weight Loss Tips: ఆనపకాయ ఆరోగ్యానికి అత్యంత అద్భుతమైనది. ఒంటికి చలవ చేయడమే కాకుండా వివిధ రకాల ఆహార పదార్ధాల్లో రుచి కోసం అద్భుతంగా పనిచేస్తుంది. ఆనపకాయను కూర, పులుసు, పాయసం, జ్యూస్ ఇలా రకరకాలుగా ఉపయోగిస్తుంటారు.
ఆనపకాయ కేవలం ఆరోగ్యపరంగానే కాదు..స్థూలకాయం సమస్యకు కూడా అద్భుతంగా పనిచేస్తుంది. ముఖ్యంగా బరువు తగ్గించుకునేందుకు ఆనపకాయను ఏ రూపంలో తీసుకున్నా మంచి ఫలితాలుంటాయి. ఆనపకాయతో వివిధ రకాల వ్యాధులు దూరమౌతాయి. రోజూ క్రమం తప్పకుండా ఆనపకాయ తీసుకుంటే కేవలం వారాల వ్యవధిలో బరువు తగ్గించుకోవచ్చు. ఎలాగో చూద్దాం..
ఆనపకాయ నీళ్లు బరువు తగ్గించేందుకు దోహదపడతాయి. ఆనపకాయ నీళ్లు శరీరాన్ని డీటాక్స్ చేస్తాయి. అందుకే ఆనపకాయ నీళ్లను రోజూ తాగితే మంచి ఫలితాలుంటాయి
ఆనపకాయ కూర ఆరోగ్యానికి చాలా మంచిది. బరువు తగ్గించేందుకు ఆనపకాయ కూర తప్పకుండా తినాలి. ఇందులో ఉండే ఫైబర్ కారణంగా ఆకలి తగ్గుతుంది. ఫలితంగా ఓవర్ ఈటింగ్ సమస్య పోతుంది.
ఆనపకాయ సూప్ అనేది మరో అద్భుతమైన ఔషధం. బరువు తగ్గించేందుకు ఓ ఔషధంలా ఉపయోగపడుతుంది. ఆనపకాయ ముక్కల్ని నీళ్లలో ఉడకబెట్టితే చాలు..సూప్ తయారైనట్టే. దీంతో బెల్లీ ఫ్యాట్ సైతం నిర్మూలించబడుతుంది.
ఆనపకాయ జ్యూస్ శరీరానికి చాలా మంచిది. వేసవిలో చలవ చేస్తుంది. ఆనపకాయ జ్యూస్ రోజూ సేవిస్తే కొలెస్ట్రాల్ తగ్గుతుంది. అదేవిధంగా బరువు తగ్గేందుకు ఉపయోగపడుతుంది.
ఆనపకాయ తొక్కల్ని పాడేయకూడదు. ఆనపకాయ తొక్కలు బరువు తగ్గించేందుకు ఉపయోగపడతాయి. ఇందులో ఉండే ఫైబర్ బాగా ఉపయోగపడుతుంది.
