Huge Response From Tamil Nadu For Pushpa WILDFIRE Event: సినిమా ప్రచారం కోసం దేశవ్యాప్తంగా పర్యటిస్తున్న పుష్ప 2 ది రూల్‌ చిత్రబృందం తమిళనాడులో పర్యటించింది. వైల్డ్‌ఫైర్‌ ఈవెంట్‌లో కిస్సిక్‌ పాట విడుదల చేశారు. ఈ వేడుకలో అల్లు అర్జున్, రష్మిక, శ్రీలీల ప్రత్యేక ఆకర్షణగా నిలిచారు.
Allu Arjun: తమిళ గడ్డపై చిందేసిన ఐకాన్ స్టార్ అల్లు అర్జున్.. మురిసిన శ్రీవల్లీ.. శ్రీలీల
హిట్ కాంబినేషన్‌: సుకుమార్‌ దర్శకత్వంలో అల్లు అర్జున్, రష్మిక మందన్నా నటిస్తున్న సినిమా 'పుష్ప 2: ది రూల్‌'.
భారీ అంచనాలు: పుష్ప తొలి సినిమా సంచలన విజయంతో రెండో భాగంపై ప్రేక్షకుల్లో భారీ అంచనాలు నెలకొని ఉన్నాయి.
వైల్డ్‌ఫైర్‌: చెన్నైలో ఆదివారం వైల్డ్‌ఫైర్‌ పేరిట ఈవెంట్‌ నిర్వహించగా 'కిస్సిక్‌' లిరికల్‌ పాటను విడుదల చేశారు.
భారీ స్పందన: దేవిశ్రీ ప్రసాద్‌ సంగీత దర్శకత్వంలో రూపుదిద్దుకున్న కిస్సిక్‌ పాటకు యువ హీరోయిన్‌ శ్రీలీల డ్యాన్స్‌ చేసింది. అల్లు అర్జున్‌తో కలిసి శ్రీలీల నర్తించిన 'కిస్సిక్‌' పాటకు ఊహించని స్పందన లభిస్తోంది.
ఇప్పటికే విడుదలైన టీజర్‌, ట్రైలర్‌తో ప్రేక్షకుల్లో భారీ అంచనాలు పెంచేసింది. తొలి భాగం మాదిరి రెండో భాగం ప్రపంచ రికార్డును సృష్టిస్తుందని చిత్రబృందం భావిస్తోంది.
విడుదలకు ముందు భారీ స్థాయిలో ప్రి రిలీజ్‌ వేడుక హైదరాబాద్‌లో నిర్వహించే అవకాశాలు ఉన్నాయి. చెన్నై వేడుకలో తమిళ సినీ ప్రముఖులు కూడా హాజరవడం విశేషం.
భారీ అంచనాలతో డిసెంబర్‌ 5వ తేదీన ప్రపంచవ్యాప్తంగా పుష్ప 2 విడుదల కాబోతున్నది.
