Virat Kohli and Anushka Sharma: టీమిండియా స్టార్ బ్యాట్స్‌మెన్ విరాట్ కోహ్లీ త్వరలోనే బ్రిటిష్ పౌరసత్వం తీసుకుంటారని జోరుగా చర్చ జరుగుతోంది. ప్రస్తుతం ఫ్యామిలీతో కలిసి లండన్ ట్రిప్‌లో ఉన్నాడు. శ్రీలంక టూర్ తరువాత కోహ్లీ ప్రస్తుతం వెకేషన్‌లో ఎంజాయ్ చేస్తున్నాడు. దాదాపు 40 రోజులుగా లండన్‌లో ఉంటున్నాడు. కోహ్లీ లండన్ ట్రిప్ పిక్స్ వైరల్ అవుతున్నాయి. ఈ నేపథ్యంలోనే బ్రిటిష్ పౌరసత్వం తీసుకుంటారని ప్రచారం మొదలైంది.
విరాట్ కోహ్లీ లండన్‌లో ఇల్లు కొన్నాడని సమాచారం. కాస్త ఖాళీ సమయం దొరికినా లండన్‌కు వెళుతుంటాడు.
క్రికెట్‌కు వీడ్కోలు పలికిన తరువాత మైదానానికి దూరంగా ఉంటానని.. ఎవరినీ చూడనంటూ కోహ్లీ ఓ ఇంటర్వ్యూలో చెప్పాడు. దీంతో రిటైర్మ్‌మెంట్ తరువాత లండన ఉంటారని నెటిజన్లు అంటున్నారు.
తాజాగా లండన్ వీధుల్లో కోహ్లీ సాధారణ వ్యక్తిలా తిరుగుతున్న పిక్స్ వైరల్ అవుతున్నాయి. రోడ్డు దాటుతున్న దృశ్యాలు, రైల్వే స్టేషన్లలో తిరుగుతున్న వీడియోలను నెటిజన్లు పోస్ట్ చేస్తున్నారు.
విరాట్ కోహ్లీ బ్రిటీష్ పౌరసత్వం పొంది చాలా రోజులైందంటూ కొందరు వాదిస్తున్నారు. అయితే ఈ విషయంపై ఎలాంటి అధికారిక సమాచారం లేదు. బ్రిటన్ పౌరసత్వం ఉంటే.. భారత్ తరఫున ఆడడం సాధ్యమవుతుందా..? అని చర్చించుకుంటున్నారు.
ఐసీసీ రూల్స్ ప్రకారం.. జాతీయ జట్టు తరుఫున ఆడాలంటే కచ్చితంగా ఆ దేశ పౌరసత్వం ఉండాలి. లేదా ఆ దేశంలో పుట్టి ఉండాలి. అలా కాకుంటే.. సంబంధిత దేశానికి పాస్‌పోర్ట్ ఉండాలి.
మన దేశ పౌరసత్వ చట్టాల ప్రకారం.. ఒక వ్యక్తి రెండు లేదా అంతకంటే ఎక్కువ దేశాల పౌరసత్వాన్ని కలిగి ఉండొచ్చు. భారతీయ సంతతికి చెందినవారైతే.. ఓవర్సీస్ ఇండియన్ (OCI) కార్డును పొందవచ్చు. ఈ కార్డుతో మీరు మన దేశంలో స్వేచ్ఛగా జీవించవచ్చు. కోహ్లీ లండన్‌లో స్థిరపడితే.. ఓసీఐ కార్డు తీసుకోవాల్సి ఉంటుంది.
చాలా మంది క్రికెటర్లు ఇతర దేశాల పౌరసత్వం తీసుకుని.. ఆ దేశ జాతీయ జట్ల తరుఫున ఆడారు. ఐర్లాండ్ నుంచి ఇయాన్ మోర్గాన్ ఇంగ్లండ్ తరుఫున ఆడగా.. దక్షిణాఫ్రికా నుంచి కెవిన్ పీటర్సన్ ఇంగ్లండ్‌కు ఆడాడు. ఇలాంటి ఆటగాళ్లు చాలామందే ఉన్నారు.
