SBI Account: SBI అకౌంట్ ఉన్నవారికి గుడ్ న్యూస్.. ఈ రెండు కొత్త డిపాజిట్ స్కీములలో అధిక వడ్డీ పొందవచ్చు.. పూర్తి వివరాలివే.

1 /8

 SBI Account: స్టేట్ బ్యాంక్ ఆఫ్ ఇండియాలో మీకు అకౌంట్ ఉంటే..మీకో గుడ్ న్యూస్. రెండు కొత్త స్కీములను ప్రారంభించినట్లు స్టేట్ బ్యాంక్ఆఫ్ ఇండియా తెలిపింది. వీటిని పేర్లు హర్ ఘర్ లఖ్ పతి, ఎస్బీఐ పాట్రన్స్. ఈ రెండు పథకాల ఫీచర్లు గురించి ఇప్పుడు తెలుసుకుందాం.   

2 /8

దేశంలోని అతిపెద్ద బ్యాంక్ అయిన స్టేట్ బ్యాంక్ ఆఫ్ ఇండియా .. కొత్తగా  రెండు డిపాజిట్ పథకాలను ప్రవేశపెట్టింది. ఈ రెండు కొత్త డిపాజిట్ పథకాల పేర్లు  హర్ ఘర్ లఖపతి , SBI పాట్రన్స్. కస్టమర్లకు మరింత ఆర్థిక సౌలభ్యం,  మెరుగైన విలువను అందించడానికి ఈ ప్లాన్‌లను రూపొందించినట్లు బ్యాంక్ తెలిపింది.  

3 /8

ఆర్థిక భద్రత ను దృష్టిలో ఉంచుకుని, హర్ ఘర్ లఖ్‌పతి అనే స్కీము కస్టమర్‌లు రూ. 1,00,000 డిపాజిట్ చేయడంలో సహాయపడేందుకు రూపొందించిన రికరింగ్ డిపాజిట్ పథకం అని ఒక ప్రకటనలో తెలిపింది.

4 /8

ఈ ఉత్పత్తి ఆర్థిక లక్ష్యాలను సాధించే ప్రక్రియను సులభతరం చేస్తుందని, కస్టమర్‌లు సమర్థవంతంగా ప్లాన్ చేసుకోవడానికి, పొదుపు చేయడానికి వీలు కల్పిస్తుందని బ్యాంక్ తెలిపింది.   

5 /8

80 ఏళ్లు, అంతకంటే ఎక్కువ వయస్సు ఉన్న సీనియర్ సిటిజన్ల కోసం ప్రత్యేక ఫిక్స్‌డ్ డిపాజిట్ స్కీమ్ అయిన SBI ప్యాట్రన్స్‌ను కూడా బ్యాంక్ ప్రవేశపెట్టింది. చాలా మంది సీనియర్ కస్టమర్‌లు బ్యాంక్‌తో ఉన్న దీర్ఘకాల సంబంధాన్ని దృష్టిలో ఉంచుకుని ఈ ఉత్పత్తి మెరుగైన వడ్డీ రేట్లను అందిస్తుంది. ఇప్పటికే ఉన్న,  కొత్త ఫిక్స్‌డ్ డిపాజిట్ కస్టమర్లకు SBI పాట్రన్ అందుబాటులో ఉంది.

6 /8

SBI పాట్రన్స్ డిపాజిటర్లు సీనియర్ సిటిజన్లకు అందించే వడ్డీ రేటు కంటే 0.1 శాతం అధిక వడ్డీని పొందుతారు. అయితే రికరింగ్ డిపాజిట్ పథకం ఫిక్స్‌డ్ డిపాజిట్లపై అందించే రేట్ల మాదిరిగానే ఉంటుంది.   

7 /8

ప్రస్తుతం, ఒక సంవత్సరం కంటే ఎక్కువ కాలవ్యవధి కోసం ఫిక్స్‌డ్ డిపాజిట్ రేటు 6.80 శాతం, రెండేళ్ల కంటే ఎక్కువ కాలం ఉంటే 7 శాతం, 3 సంవత్సరాల కంటే ఎక్కువ, 5 సంవత్సరాల కంటే తక్కువ కాలవ్యవధికి 6.75 శాతం,  5-10 సంవత్సరాల కంటే ఎక్కువ 6.5 శాతం.  

8 /8

 రికరింగ్ డిపాజిట్  కనీస వ్యవధి 12 నెలలు (ఒక సంవత్సరం) గరిష్ట కాలం 120 నెలలు (10 సంవత్సరాలు) ఉంటుంది.ఈ పథకం మార్చి 31, 2025 వరకు మాత్రమే అందుబాటులో ఉంటుంది.