Nayanthara Family Tour: తమిళంలోనే కాదు తెలుగులో కూడా లేడీ సూపర్ స్టార్ గా పేరు తెచ్చుకుంది నయనతార. ఇక పెళ్లయిన తర్వాత కూడా ఈ హీరోయిన్.. తన ఫ్యామిలీ ఫోటోల ద్వారా ఇంస్టాగ్రామ్ లో తెగ ఆకట్టుకుంటోంది. ఈ క్రమంలో నయనతార తన ఫ్యామిలీ టూర్ ఫోటోలు షేర్ చేసి మరోసారి అభిమానులను ఫిదా చేసింది.
సౌత్ ఇండియా లేడీ సూపర్ స్టార్ నయనతార గురించి.. సినీ ప్రేక్షకులకు సరికొత్తగా చెప్పగలిగేది ఏమీ లేదు. తన నటనతో.. తనకంటూ ప్రత్యేక గుర్తింపు తెచ్చుకుంది ఈ హీరోయిన్. ముఖ్యంగా తమిళంలో ఈమెకు విపరీతమైన అభిమానులు ఉన్నారు.
కాగా గజినీ, చంద్రముఖి లాంటి సినిమాలతో తెలుగు ప్రేక్షకులను సైతం పలకరించింది ఈ హీరోయిన్. ఇక ఆ తర్వాత వరసగా తెలుగులోనే అందరూ స్టార్ హీరోలతోనూ నటించింది. ముఖ్యంగా బాలకృష్ణతో నయనతార చేసిన సింహా సినిమా సెన్సేషనల్ విజయం సాధించింది.
ఈ మధ్యనే బాలీవుడ్ కి సైతం తన ఎంట్రీ ఇచ్చింది. ఏకంగా షారుక్ ఖాన్ తో నటించి.. హిందీలో మొదటి చిత్రం జవాన్ తోనే మంచి విజయం అందుకుంది. ఈ క్రమంలో నయనతార కి సౌత్ ఇండియా నుంచే కాకుండా నార్త్ ఇండియా నుంచి కూడా ఎన్నో అవకాశాలు వస్తున్నాయని వినికిడి.
ఒకప్పుడు వరుసగా సినిమాలు చేసి బిజీగా ఉన్న నయనతార.. ఇప్పుడు మాత్రం కొంచెం గ్యాప్ తీసుకుంటూ సినిమాలు చేస్తోంది. ఇందుకు ముఖ్య కారణం ఈ భామ ఎక్కువగా తన ఫ్యామిలీతో టైం స్పెండ్ చేయడం.
నయనతార కి సరోగసి ద్వారా ఇద్దరు మగ పిల్లలు పుట్టిన సంగతి తెలిసిందే. ఇక వీరిద్దరితో క్వాలిటీ టైం స్పెండ్ చేయాలని.. మధ్య మధ్యలో విరామం తీసుకుంటుంది ఈ హీరోయిన్. ఈ క్రమంలో తన భర్త విగ్నేష్ శివన్‌.. అలానే తన ఇద్దరు పిల్లలతో పారిస్ టూర్ కి వెళ్ళింది నయనతార.
ఈ టూర్ కి సంబంధించిన ఫోటోలు ప్రస్తుతం తెగ వైరల్ అవుతున్నాయి. ఈ ఫోటోలులో ముఖ్యంగా నయనతార తన పిల్లల్ని ఎత్తుకొని తీసుకున్న ఫోటోలు హైలెట్గా నిలుస్తున్నాయి.
