Mohammed Shami And Sania Mirza Wedding News: మాజీ టెన్నిస్ స్టార్, పాకిస్థాన్ క్రికెటర్ షోయబ్ మాలిక్ ఇటీవల విడాకులు తీసుకున్న విషయం తెలిసిందే. మాలిక్ ఇప్పటికే పాకిస్థానీ నటి సనా జావేద్‌ మరో వివాహం చేసుకోగా.. తాజాగా సానియా మీర్జా కూడా మరో వివాహానికి సిద్ధమయ్యారని ప్రచారం జరుగుతోంది.
ఏడాది కాలంగా సానియా, మాలిక్ వీడిపోతున్నారని రూమర్లు వచ్చాయి. సోషల్ మీడియా ఖాతాల్లో ఇద్దరు కలిసి ఉన్న ఫొటోలను డీలిట్ చేసి.. ఆ తరువాత అధికారికంగా ప్రకటన ఇచ్చేశారు.
మాలిక్‌తో విడాకులు తీసుకున్న సానియా మీర్జా.. టీమిండియా స్టార్ బౌలర్ మహ్మద్ షమీతో పెళ్లికి సిద్ధమయ్యారని నెట్టింట వార్తలు హల్‌చల్ చేస్తున్నాయి.
ఈ నేపథ్యంలోనే గత కొంతకాలంగా ఓ పిక్ సోషల్ మీడియాలో తెగ వైరల్ అవుతోంది. సానియా మీర్జా, మహమ్మద్ షమీ పెళ్లి దుస్తులలో ఉన్నారు.
ఈ ఫోటోను ఎడిట్ చేసి కొందరూ వైరల్ చేశారు. సానియా-మాలిక్ పెళ్లి ఫొటోను మార్ఫింగ్ చేసి తప్పుడు ప్రచారం చేస్తున్నారు.
మరో పిక్‌ను కూడా ఎడిట్ చేసి.. అందులో ఏకంగా పెళ్లి చేసేశారు. ఈ పిక్స్‌పై ఫ్యాన్స్ తీవ్ర ఆగ్రహం వ్యక్తం చేస్తున్నారు.
