Ruturaj Gaikwad Utkarsha Pawar Wedding Pics: చెన్నై సూపర్ కింగ్స్ ఓపెనర్ రుతురాజ్ గైక్వాడ్ ఓ ఇంటివాడయ్యాడు. తన ప్రేయసి ఉత్కర్ష పవార్‌ను శనివారం వివాహం చేసుకున్నాడు. వీరి పెళ్లి వేడుకగా ఎంతో గ్రాండ్‌ జరిగింది. తన వివాహ వేడుకకు సంబంధించిన ఫొటోలను తన సోషల్ మీడియాలో పోస్ట్ చేశాడు రుతురాజ్. ఆ ఫొటోలపై మీరు ఓ లుక్కేయండి.
ఈ ఏడాది సీఎస్‌కే టైటిల్ గెలవడంలో రుతురాజ్ గైక్వాడ్ కీ రోల్ ప్లే చేశాడు. ట్రోఫీని గెలుచుకున్న వారం రోజుల వ్యవధిలోనే తన స్నేహితురాలు ఉత్కర్ష పవార్‌ను వివాహం చేసుకున్నాడు.
రుతురాజ్, ఉత్కర్ష పెళ్లి ఫొటోలు నెట్టింట వైరల్ అవుతున్నాయి. మేడ్ ఫర్ ఈచ్ ఆదర్, క్యూట్ కపుల్ అంటూ క్రికెట్ అభిమానులు కామెంట్స్ చేస్తున్నారు. చిరకాలం సంతోషంగా ఉండాలి కోరుకుంటున్నారు.
ఉత్కర్ష, రుతురాజ్ ఒకరినొకరు చూసుకుని నవ్వుతున్నప్పుడు క్యూట్‌నెస్ ఓవర్‌లోడ్ అయింది. వీరి మధ్య ప్రేమ ఎంత అందమైనదో ఫొటోలను చూస్తుంటే అర్థమవుతోంది.
రుతురాజ్ మనీష్ మల్హోత్రా రూపొందించిన డ్రెస్ ధరించగా.. ఉత్కర్ష పల్లోడ్ క్రియేషన్స్ లెహంగాలో అద్భుతంగా రెడీ అయింది
ఉత్కర్ష కూడా క్రికెటర్. ఆమె మహారాష్ట్ర తరపున దేశవాళీ క్రికెట్ ఆడింది. అయితే ఆమె రెండేళ్లుగా ఒక్క క్రికెట్ మ్యాచ్ కూడా ఆడలేదు. 2021 నవంబర్ 15న ఉత్కర్ష చివరి ప్రొఫెషనల్ క్రికెట్ మ్యాచ్ ఆడింది.
రుతురాజ్ ఈ ఐపీఎల్‌ సీజన్‌లో దుమ్ములేపాడు. 16 మ్యాచ్‌ల్లో 147.50 స్ట్రైక్ రేట్‌తో 590 పరుగులు చేశాడు. ఇందులో 4 అర్ధసెంచరీలు ఉన్నాయి.
