Alia Bhatt Photos: బాలీవుడ్ హీరోయిన్ ఆలియా భట్ ప్రధానపాత్రలో నటించిన 'గంగూబాయ్ కతియవాడి' ఇటీవలే థియేటర్లలో విడుదలైంది. ఆ సినిమాకు మిశ్రమ స్పందన వచ్చింది. అయితే ఆలియా నటనకు మంచి మార్కులే పడ్డాయి. ఇప్పుడు మరో పాన్ ఇండియా మూవీ 'ఆర్ఆర్ఆర్' తో ప్రేక్షకులను అలరించేందుకు సిద్ధమైంది.
ఆలియా భట్.. 1993 మార్చి 15న ముంబయిలో జన్మించింది. 'స్టూడెంట్ ఆఫ్ ది ఇయర్' అనే హిందీ చిత్రంతో వెండితెరకు పరిచయమైంది.
ఈ ఏడాది వరుస సినిమాలతో బాలీవుడ్ బ్యూటీ ఆలియా భట్ థియేటర్లలో సందడి చేయనుంది. 'గంగూబాయ్ కతియావాడి' సినిమాతో ఇప్పటికే థియేటర్లలో సందడి చేయగా.. ఇప్పుడు మరో సినిమాతో మెప్పించేందుకు సిద్ధమైంది.
'గంగూబాయ్ కతియవాడి' సినిమాలో ఆలియా.. వేశ్య, లేడీ డాన్ వంటి రెండు విభిన్న పాత్రలను పోషించింది.
ఆలియా భట్ నటించిన 'ఆర్ఆర్ఆర్' సినిమా కూడా మార్చి 25న ప్రేక్షకుల ముందుకు రానుంది.
