Bandi Movie Latest Updates: మరో డిఫరెంట్ కాన్సెప్ట్‌ మూవీతో ఆడియన్స్‌ను అలరించేందుకు వస్తున్నాడు బిగ్‌బాస్‌ ఫేమ్, హీరో ఆదిత్య ఓం. సింగిల్‌ క్యారెక్టర్‌తో బంధీ అనే మూవీలో నటిస్తున్న విషయం తెలిసిందే. తిరుమల రఘు దర్శకత్వంలో రూపొందిన ఈ చిత్రాన్ని గల్లీ సినిమా బ్యానర్‌పై వెంకటేశ్వర రావు దగ్గు, తిరుమల రఘు నిర్మించారు. త్వరలోనే ఈ సినిమా ఆడియన్స్ ముందుకు తీసుకువచ్చేందుకు మేకర్స్ ప్లాన్ చేస్తున్నారు.
విడుదలకు ముందే ఈ సినిమాను జాతీయ, అంతర్జాతీయ వేదికల్లో ప్రదర్శించగా.. ఎన్నో అవార్డులను సొంతం చేసుకుంది.
పర్యావరణ సంరక్షణ, ప్రకృతి గొప్పదనం చాటి చెప్పేలా ఈ సినిమాను డిజైన్ చేశారు. ఇప్పటికే రిలీజ్ చేసిన గ్లింప్స్, టీజర్, పోస్టర్లు, ట్రైలర్ సినిమాపై మంచి అంచనాలను క్రియేట్ చేశాయి.
షూటింగ్ పార్ట్ కంప్లీట్ చేసుకున్న ఈ చిత్రం విడుదలకు సిద్ధంగా ఉంది. ఈ సినిమా చిత్రీకరణ నేచురల్ లోకేషన్స్‌లో జరిగింది.
దేశంలోని వివిద అటవీ ప్రాంతాల్లో కష్టాలు పడుతూ.. డూప్స్ లేకుండా ఆదిత్య ఓం యాక్షన్ సీక్వెన్స్‌లో యాక్ట్ చేశాడు.
ప్రకృతిని నాశనం చేస్తున్న మానవాళికి కనువిప్పు కలిగించేలా బంధీ చిత్రాన్ని తీర్చిదిద్దారు. అన్ని కార్యక్రమాలను పూర్తి చేసి.. త్వరలోనే ఆడియన్స్ ముందుకు తీసుకురానున్నారు.
