Best Tourist Places In India: మీరు ఎన్నో లోయలను చూసుంటారు గానీ.. ఎప్పుడైనా పూల లోయను చూశారా..? ఇప్పటికి వరకు చూడకపోతే ఒక్కసారైనా ఈ అద్భుత అందాలను చూసి మైమరచిపోవాల్సిందే. ఈ పూల లోయ అనేక రకాల పుష్ఫాలకు నిలయం. ఎక్కడ ఉందంటే..
ఉత్తరాఖండ్‌లోని చమోలి జిల్లాలో పూల లోయ ఉంది. ఇక్క 500 కంటే ఎక్కువ రకాల పుష్పాలను చూడవచ్చు. పూల లోయ 87.50 కిమీ చదరపు విస్తీర్ణంలో విస్తరించి ఉంది.
ఇది ప్రసిద్ధి పర్యాటక కేంద్రంగా పేరుగాంచింది. దేశ విదేశాల నుంచి నిత్యం పర్యాటకులు వస్తుంటారు.
బ్రిటిష్ పర్వతారోహకుడు ఫ్రాంక్ స్మిత్ 1931లో వ్యాలీ ఆఫ్ ఫ్లవర్స్‌ని కనుగొన్నాడు. స్మిత్ ఈ లోయ గురించి "వ్యాలీ ఆఫ్ ఫ్లవర్స్" అనే పుస్తకాన్ని కూడా రాశారు.
యునెస్కో ప్రపంచ వారసత్వ సంపదగా ఈ పూల లోయను గుర్తించింది. ఈ ప్రాంతం ట్రెక్కింగ్‌కు ప్రసిద్ధి చెందింది.
వ్యాలీ ఆఫ్ ఫ్లవర్స్ ప్రతి సంవత్సరం జూన్ 1న ఓపెన్ అవుతుంది. అక్టోబర్‌ నెలలో క్లోజ్ చేస్తారు. ఈ లోయ నార్, గంధమాధన్ పర్వతాల మధ్య ఉంది. లోయకు సమీపంలో పుష్పవతి నది ప్రవహిస్తుంది.
