Jaya Janaki Nayaka Movie Gets 700 Mn View: ఒక తెలుగు సినిమాకు హిందీలో ఊహించని స్పందన కనిపిస్తోంది. బెల్లంకొండ శ్రీనివాస్, రకుల్ ప్రీత్ సింగ్ జంటగా నటించిన జయ జానకి నాయక మూవీ హిందీ డబ్బింగ్ వెర్షన్ కి యూట్యూబ్ లో ఒకటి కాదు.. రెండు కాదు.. ఏకంగా 700 మిలియన్స్ కి పైగా వ్యూస్ వచ్చాయి. అదేంటి ఈ చిత్రం అప్పుడెప్పుడో 2017 లో రిలీజ్ అయింది కదా.. మరి ఇప్పుడెప్పుడలా ఈ సినిమాకు ఇంత ప్లస్ పాయింట్ అయింది అని అనుకోకండి. ఎందుకంటే జయ జానకి నాయక మూవీ హిందీ డబ్బింగ్ వెర్షన్ ఈ రెంజులో సక్సెస్ కావడానికి బోలెడు కారణాలు ఉండొచ్చు. ఏదేమైనా ఈ విజయాన్ని చూసి జయ జానకి నాయక మూవీ యూనిట్ సైతం ఆశ్చర్యపోతోంది.
బోయపాటి శ్రీను డైరెక్ట్ చేసిన జయ జానకి నాయక మూవీ తెలుగులో నిర్మాతలకి నిరుత్సాహాన్నే మిగిల్చినప్పటికీ.. ఈ సినిమా హిందీ వెర్షన్‌కి మాత్రం హిందీ ఆడియెన్స్ నుంచి భారీ స్పందన లభిస్తోంది. ఫలితంగా జయ జానకి నాయక హిందీ డబ్బింగ్ వెర్షన్‌కి 700 మిలియన్స్ కి పైగా వ్యూస్ లభించాయి.
ఒకరకంగా హిందీ డబ్బింగ్ చిత్రాల్లో బెల్లంకొండ శ్రీనివాస్ కి భారీగా మార్కెట్ ఉంది. ఈ సినిమాకు వస్తున్న ఆధరణే అందుకు నిలువెత్తు సాక్ష్యం. దీంతో ఇకపై బెల్లంకొండ శ్రీనివాస్ చేయబోయే తెలుగు చిత్రాలకు కూడా హిందీ డబ్బింగ్ రైట్స్ భారీ మొత్తంలో పలికేందుకు మార్గం సుగుమమైంది. అంతేకాదు.. ఒకవేళ భవిష్యత్ లో బెల్లంకొండ శ్రీనివాస్ పాన్ ఇండియా సినిమాల్లో నటించినట్టయితే.. ఇతర భాషల్లో మార్కెట్.. మరీ ముఖ్యంగా హిందీ మార్కెట్లో ఎక్కువ ఆధరణ లభించేందుకు జయ జానకి నాయక హిందీ డబ్బింగ్ వెర్షన్ సక్సెస్ బాటలు వేసినట్టయింది. పెన్ మూవీస్ అనే చిత్ర నిర్మాణ సంస్థ ఈ సినిమా హిందీ వెర్షన్‌ని నాలుగేళ్ల క్రితం యూట్యూబ్‌లో అప్‌లోడ్ చేయగా.. ఈ సినిమాకు 710 మిలియన్ వ్యూస్ వచ్చాయి. పరిస్థితి చూస్తుంటే ఈ కౌంట్ ఇలాగే పెరిగేలా కనిపిస్తోంది.
బెల్లంకొండ శ్రీనివాస్, రకుల్ ప్రీత్ సింగ్ జంటగా నటించిన ఈ సినిమాలో జగపతి బాబు మరో ప్రధాన పాత్రలో నటించాడు. ద్వారకా క్రియేషన్స్ బ్యానర్‌పై మిర్యాల రవీందర్ రెడ్డి ఈ చిత్రాన్ని నిర్మించారు. ప్రస్తుతం బెల్లంకొండ సాయి శ్రీనివాస్, రకుల్ ప్రీత్ సింగ్ జయ జానకి నాయక మూవీ హిందీ డబ్బింగ్ వెర్షన్‌కి వస్తున్న భారీ రెస్పాన్స్‌ని ఎంజాయ్ చేస్తున్నారు.
ఇది కూడా చదవండి : Bholaa Movie Leaked Online: విడుదలకు ఒక రోజు ముందే లీకైన భోళా.. నెట్లో HD ప్రింట్
ఇది కూడా చదవండి : Shreya Dhanwanthary: అన్ని హద్దులు చెరిపేసిన శ్రేయ ధన్వంతరి.. తెలుగమ్మాయి హాట్ షో!
ఇది కూడా చదవండి : Samantha Marriage Life: మ్యారేజ్ లైఫ్లో 100% ఇచ్చా..ఆ సీన్ చేయమన్న వారే సాంగ్ వద్దన్నారు..సమంత సంచలనం!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , FacebooK
