చర్మ సంరక్షణ చాలా అవసరం. దీనికి సీజన్ తో సంబంధం లేదు. సీజన్ ఏదైనా సరే చర్మాన్ని పరి రక్షించుకోవాలి. చర్మం విషయంలో ఎంత జాగ్రత్తగా ఉంటే అంత మంచిదని చర్మ నిపుణులు చెబుతున్నారు. చర్మ సంరక్షణకు ఏం చేయాలి, ఏం చేయకూడదో చూద్దాం.
ఎండాకాలమనే కాదు..చలికాలంలో కూడా చర్మాన్ని సంరక్షించుకోవల్సిన అవసరం ఉంటుంది. వేసవిలో ఇంకాస్త ఎక్కువగా ఉంటుంది. ఎండల తీవ్రత దృష్ట్యా అదనపు జాగ్రత్తలు అవసరమౌతాయి. చర్మాన్ని సంరక్షించుకోవడమనేది పూర్తిగా మీ చేతుల్లోనే ఉంటుంది. అందుకే చర్మం విషయంలో ఎంత జాగ్రత్తగా ఉంటే అంత మంచిదని చర్మ వైద్య నిపుణులు సూచిస్తున్నారు.
వేసవిలో ఎదురయ్యే చర్మ సమస్యలు
వేసవిలో ఎండల తీవ్రత నుంచి మీ చర్మాన్ని కాపాడుకోవల్సిన అవసరముంది. ఎందుకంటే సూర్యుని నుంచి నేరుగా వచ్చే అతి నీలలోహిత కిరణాలు కల్గించే హాని నుంచి చర్మాన్ని రక్షించుకోవాలి. అందుకే వేసవి వచ్చిందంటే చాలా సన్‌స్క్రీన్ లోషన్స్ ఎక్కువగా వాడుకలో వస్తుంటాయి. సన్‌స్క్రీన్ లోషన్స్ ద్వారా స్కిన్‌కేర్ తప్పనిసరి. ఇక వేసవిలో చాలామందికి చెమట కారణంగా వివిధ రకాల అనారోగ్య సమస్యలు తలెత్తుతాయి. ఈ సమస్య నుంచి బయటపడేందుకు క్లెన్సర్ వాడటం మంచిది. అయితే రసాయనాలు లేని క్లెన్సర్ వాడటం మంచిది.
ఇక వేసవి వేడిలో ముఖానికి నూనె లేదా సీరమ్ ఉపయోగించడం ఎంతమాత్రం మంచిది కాదు. వేసవి కారణంగా చెమట, జిడ్డు ఎక్కువగా ఉంటుంది. నూనె వంటివి రాస్తే..చర్మం మరింత జిడ్డుగా మారుతుంది.
డీ హైడ్రేషన్ సమస్య
ప్రధానంగా వేసవి కాలంలో సాధ్యమైనంత వరకూ చర్మాన్ని హైడ్రేట్‌గా ఉంచాలి. చర్మానికి తగిన తేమ లేకపోతే..అనారోగ్యం కారణంగా చర్మ సమస్యలు వెంటాడుతాయి. బ్లాక్‌హెడ్స్, డ్రై స్కిన్ వంటివి సమస్యలెదురవుతాయి. చర్మం తేమగా ఉండేందుకు వీలుగా మాయిశ్చరైజర్ తప్పకుండా ఉపయోగించాలి. మృదువైన, ఆరోగ్యకరమైన చర్మం కోసం మాయిశ్చరైజర్ వాడాలని సౌందర్య నిపుణులు సూచిస్తున్నారు. చర్మాన్ని హైడ్రేట్‌గా ఉంచేందుకు వీలుగా వేసవిలో ఎక్కువ నీళ్లు తీసుకోవాలి. ఇతర సీజన్‌లతో పోలిస్తే వేసవిలో నీళ్లు అధికంగా తీసుకోవాలి.
ఎండకు ఎక్స్‌పోజ్ అయినప్పుడు అంటే బయటకు వెళ్లినప్పుడు ముఖంపై అలసట, చికాకు లేకుండా ఉండాలంటే టోనర్ తప్పకుండా వాడమంటున్నారు. టోనర్ అనేది చర్మంలో పీహెచ్ స్థాయిని స్థిరంగా ఉంచుతుంది. ఫలితంగా చర్మం కాంతివంతంగా ఉంటుంది. ఎండలోంచి వచ్చిన వెంటనే..చల్లని నీటితో ముఖాన్ని కడుక్కోవడమనేది ఓ అలవాటుగా చేసుకోవాలి. రోజుకు 3-4 సార్లు నీళ్లతో శుభ్రం చేసుకుంటే ట్యానింగ్ సమస్య దాదాపుగా పోతుంది.
Also read: Uric Acid Control Tips: యూరిక్‌ యాసిడ్‌ తగ్గడానికి చేయాల్సిన పనులు, తీసుకోవాల్సిన జాగ్రత్తలు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
