Important Clues Related To Shraddha Murder Case May Found: దేశవ్యాప్తంగా కలకలం సృష్టించిన శ్రద్ధా వాకర్ హత్య కేసులో నిందితుడు అఫ్తాబ్ అమీన్ పూనావాలా నార్కో రిపోర్టు ఢిల్లీ పోలీసులకు శుక్రవారం మధ్యాహ్నం అందింది. అయితే ఢిల్లీ పోలీసులకు ఈ నివేదిక నుంచి కేసులో కీలకమైన క్లూ రావచ్చని చెబుతున్నారు. ఇక ఈ నివేదిక సీల్డ్ కవర్‌లో ఉందని, సాయంత్రం వరకు దానిని తెరవలేదని ఢిల్లీ పోలీసు అధికారులు చెబుతున్నారు.
పాలీగ్రఫీ పరీక్షలో నిందితుడు సరిగ్గానే మాట్లాడాడని చెబుతున్నారు, ఈ క్రమంలోనే రోహిణికి చెందిన ఫోరెన్సిక్ సైన్స్ లేబొరేటరీ (ఎఫ్ఎస్ఎల్) శుక్రవారం ఉదయం నిందితుడు అఫ్తాబ్ నార్కో నివేదికను సిద్ధం చేసినట్టు తెలుస్తోంది. ఎఫ్ఎస్ఎల్ ద్వారా నివేదిక తయారీపై దక్షిణ జిల్లా పోలీసులకు శుక్రవారం ఉదయం సమాచారం అందింది ఆ తర్వాత, మెహ్రౌలీ పోలీస్ స్టేషన్‌లో పోస్ట్ చేయబడిన హత్య కేసు దర్యాప్తు అధికారి రాంసింగ్ శుక్రవారం మధ్యాహ్నం 3.30 గంటలకు ఎస్‌ఎఫ్‌ఎల్‌కి వెళ్లి నివేదిక తీసుకున్నారు.
కానీ శుక్రవారం అర్ధరాత్రి వరకు నివేదిక తెరవలేదని పోలీసులు చెబుతున్నారు. నార్కో టెస్టులో నిందితుడు అఫ్తాబ్‌ను 50కి పైగా ప్రశ్నలు అడిగారని వాటికి అతను కరెక్ట్ గానే సమాధానం చెప్పాడని అంటున్నారు. ఇక నిందితుడు అఫ్తాబ్ పాలిగ్రఫీ టెస్ట్, డీఎన్‌ఏ రిపోర్టు పోలీసులకు ఇప్పటికే అందాయి, అదే విధంగా ఛతర్‌పూర్ అడవుల్లో లభించిన శరీర భాగాల డీఎన్‌ఏ, శ్రద్ధా తండ్రి డీఎన్‌ఏతో సరిపోలింది.
మరోవైపు, మెహ్రౌలీ పోలీస్ స్టేషన్‌లో విచారణ సందర్భంగా నిందితుడు అఫ్తాబ్ పాలిగ్రఫీ పరీక్షలో అడిగిన ప్రశ్నలకు కూడా అదే సమాధానాలు చెప్పాడని పాలిగ్రఫీ నివేదిక నుండి కనుగొనబడిందని సమాచారం. ఇక పాలీగ్రఫీ పరీక్షలో నిందితుడు అఫ్తాబ్ నిజమే మాట్లాడినట్లు దక్షిణ జిల్లా పోలీసులు అంచనా వేస్తున్నారు.
ఇలాంటి పరిస్థితుల్లో నార్కో టెస్టులోనైనా పోలీసులకు కీలకమైన ఆధారాలు లభిస్తాయని పోలీసులు అయితే అంచనా వేస్తున్నారు. ఇక శ్రద్ధా వాకర్ హత్య కేసులో నిందితుడు అఫ్తాబ్ అమీన్ పూనావాలా వాయిస్ శాంపిల్స్ తీసుకునేందుకు పోలీసులకు శుక్రవారం కోర్టు అనుమతి ఇచ్చింది. సోమవారం ఉదయం సీబీఐ ప్రధాన కార్యాలయంలో వాయిస్ శాంపిల్‌ పరీక్ష నిర్వహిస్తామని కోర్టు ఈ సంధర్భంగా తెలిపింది.
Also Read: Dhamaka Collectons: దుమ్మురేపుతున్న ధమాకా.. రవితేజ కెరీర్లోనే టాప్ ఓపెనింగ్ కలెక్షన్స్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook.
