Elon Musk New Girlfriend: ప్రపంచ కుబేరుడు, టెస్లా, స్పేస్ ఎక్స్ కంపెనీల సీఈవో ఎలన్ మస్క్ కొత్త గర్ల్‌ఫ్రెండ్ మిస్టరీ వీడింది. ఇటీవల ఓ ప్రైవేట్ జెట్‌లో అమెరికాలోని లాస్ ఏంజిల్స్‌కు వెళ్లిన మస్క్ వెంట ఓ అమ్మాయి కనిపించడంతో.. ఆమె ఎవరై ఉంటుందా అన్న చర్చ మొదలైంది. లాంగ్ బ్లాక్ ట్రెంచ్ కోట్, సన్ గ్లాసెస్‌లో ఉన్న ఆ అమ్మాయిని మీడియా గుర్తించలేకపోయింది. ఎట్టకేలకు ఇప్పుడా అమ్మాయి ఎవరనే మిస్టరీ వీడిపోయింది. ఆ యువతి ఆస్ట్రేలియా నటి నటాషా బాసెట్‌గా చెబుతున్నారు.
ఎవరీ నటాషా బాసెట్ :
27 ఏళ్ల నటాషా బాసెట్ సిడ్నీలో పుట్టి పెరిగారు. 2019లో న్యూయార్క్‌కి మారిన నటాషా.. అక్కడ ఓ డ్రామా స్కూల్లో చేరారు. 14 ఏళ్ల వయసు నుంచే ఆమె నటనా రంగంలో ఉన్నారు. కెరీర్ తొలినాళ్లలో ఆస్ట్రేలియన్ థియేటర్‌తో కలిసి పనిచేశారు. అప్పట్లో రోమియో-జూలియెట్ డ్రామాలో లీడ్ రోల్‌లో నటించారు. గత దశాబ్ద కాలంగా ఆస్ట్రేలియన్ సినీ ఇండస్ట్రీలో నటిగా కొనసాగుతున్నారు. 2017లో వచ్చిన బ్రిట్నీ స్పియర్స్ బయోపిక్‌లో బ్రిట్నీ పాత్రను పోషించారు.
ప్రస్తుతం ప్రముఖ గాయకుడు ఎల్విస్ ప్రెస్లీ బయోపిక్‌లో నటాషా నటిస్తున్నారు. ఇందులో ఎల్విస్ గర్ల్‌ఫ్రెండ్‌గా ఆమె కనిపించబోతున్నారు. ప్రస్తుతం నటాషా లాస్ ఏంజిల్స్‌లో నివసిస్తున్నారు. కేవలం సినిమాలే కాదు సామాజిక అంశాలపై కూడా నటాషా స్పందిస్తుంటారు. గతంలో క్లైమేట్ చేంజ్, జంతు హక్కులు తదితర అంశాలపై ఆమె స్పందించారు.
50 ఏళ్ల మస్క్-27 ఏళ్ల నటాషా ప్రస్తుతం డేటింగ్‌లో ఉన్నారు. ఇద్దరి మధ్య 23 ఏళ్ల తేడా ఉన్నప్పటికీ ఇద్దరూ డేటింగ్‌లో మునిగితేలుతుండటం హాట్ టాపిక్‌గా మారింది. మొదట్లో ఇద్దరూ చాలాకాలం పాటు స్నేహితులు గానే ఉన్నారు. ఎలన్ మస్క్ తన గర్ల్‌ఫ్రెండ్ గ్రిమ్స్‌తో విడిపోయాక నటాషాకు దగ్గరయ్యాడు. అప్పటినుంచి ఇద్దరూ చెట్టాపట్టాలేసుకుని తిరుగుతున్నట్లు చెబుతున్నారు. అంతకుముందు, ఎలన్ మస్క్ 'తలులాహ్ రిలే', 'జస్టిన్ మస్క్'లతో కొంతకాలం వైవాహిక బంధంలో ఉన్న సంగతి తెలిసిందే.
Also Read: WhatsApp Tricks: మిమ్మల్ని బ్లాక్ చేసిన వారికి మెసేజ్ చేయాలా? ఈ ట్రిక్ ఫాలో అవ్వండి!
Also Read: BSNL Cheapest Plan: BSNL బంపర్ ఆఫర్.. రూ.49 లకే వాయిస్ కాలింగ్, హైస్పీడ్ డేటా!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
