Kothi Kommachi Movie Shooting in Amalapuram: కరోనా లాక్‌డౌన్ అనంతరం సినిమాల షూటింగ్‌లు వేగంగా జరుగుతున్నాయి. ఈ క్రమంలో టాలీవుడ్ (Tollywood) సినిమా ‘కోతికొమ్మచ్చి’ (Kothi Kommachi) సినిమా షూటింగ్ కూడా వేగంగా జరుగుతోంది. తాజాగా ఈ సినిమా షూటింగ్ ఉత్తరాంధ్రాలో కొనసాగుతోంది. ప్రస్తుతం అమలాపురంలో ఈ చిత్ర యూనిట్ సభ్యులు సందడి చేస్తున్నారు.
అమ‌లాపురంలోని కొబ్బ‌రితోట‌ల్లో రాజేంద్ర ప్రసాద్, నరేశ్, హీరో హీరోయిన్ల‌పై వ‌చ్చే సన్నివేశాల‌ను చిత్రీక‌రిస్తున్నారు. ప్రస్తుతం కోతికొమ్మచ్చి మూవీ షూట్ ఫొటోలు ఇపుడు సోషల్ మీడియాలో హల్ చల్ చేస్తున్నాయి.
కోతికొమ్మచ్చి సినిమాలో శ్రీహిరి తనయుడు మేఘాంశ్ శ్రీహ‌రి, శ్యామ్ వేగేశ్న, రిద్ది కుమార్, మేఘా చౌద‌రి హీరో హీరోయిన్లుగా న‌టిస్తున్నారు. రాజేంద్ర ప్రసాద్, నరేశ్ కీల‌క పాత్ర‌ల్లో న‌టిస్తున్నారు. ఈ సినిమాకు స‌తీశ్ వేగేశ్న ద‌ర్శ‌క‌త్వం వ‌హిస్తుండగా.. ల‌క్ష్య ప్రొడక్ష‌న్స్ బ్యాన‌ర్ పై ఎంఎల్‌వీ స‌త్య‌నారాయ‌ణ నిర్మిస్తున్నారు. ఈ చిత్రానికి అనూప్ రూబెన్స్ సంగీతం అందిస్తున్నారు.
