Telangana Medical College Jobs Recruitment 2025: తెలంగాణలోని మెడికల్ కాలేజ్‌ల్లో ఖాళీ ఉన్న పోస్టులను భర్తీ చేయబోతున్నట్లు ప్రకటించింది. దీనికి సంబంధించిన నోటిఫికేషన్‌ విడుదలయ్యింది. దీని పూర్తి వివరాలు ఇప్పుడు తెలుసుకోండి.
Telangana Medical College Jobs 2025 Recruitment: తెలంగాణ నిరుద్యోగ యువతకు రాష్ట్ర సర్కార్‌ సంక్రాంతికి ముందే గుడ్‌ న్యూస్‌ తెలిపింది. తెలంగాణాలో ఉన్న వివిధ జిల్లాలో మెడికల్ కాలేజ్‌ల్లో ఉన్న కొన్ని ఖాళీలను భర్తీ చేయబోతున్నట్లు తెలుస్తోంది. ఈ ఖాళీలను మొదటగా కాంట్రాక్టుతో పాటు అవుట్సోర్సింగ్ విధానంలో తీసుకోబోతున్నట్లు తెలుస్తోంది. అంతేకాకుండా ఇప్పటికే తెలంగాణ మెడికల్ కాలేజ్‌లకు సంబంధించిన సంస్థ నుంచి నోటిఫికేషన్‌ విడుదలైంది. అయితే దీనికి సంబంధించిన పూర్తి వివరాలు ఇప్పుడు తెలుసుకుందాం.
ఈ నోటిఫికేషన్‌లో భాగంగా జోనల్‌తో పాటు జిల్లా కేడర్‌కి సంబంధించిన పోస్టులను చేర్చింది. అయితే ఇప్పటికే ఈ తెలంగాణ మెడికల్ కాలేజ్ రిక్రూట్మెంట్‌లో భాగంగా అన్ని వివరాలను క్లుప్తంగా పేర్కొంది. ఇక దీనికి సంబంధించిన అప్లై తేది వివరాల్లోకి వెళితే.. ఈ ప్రక్రియ జనవరి 17వ తేది నుంచి ప్రారంభమవుతుంది.
ప్రత్యేకమైన నోటిఫికేషన్‌ కొమురం భీం ఆసిఫాబాద్ జిల్లాకు సంబంధించిన గవర్నమెంట్ మెడికల్ కాలేజ్ నుంచి విడుదలైంది. ఇందులో భాగంగా వివిధ రకాల ఖాళీలను ఫిల్ చేయబోతున్నట్లు తెలిపింది. ముఖ్యంగా వార్డ్ బాయ్స్‌ నుంచి థియేటర్ అసిస్టెంట్ , గ్యాస్ ఆపరేటర్‌తో పాటు ల్యాబ్ అటెండెన్ట్స్, డేటా ఎంట్రీ ఆపరేటర్ ఇలా చాలా ఖాళీకు దరఖాస్తులను కోరినట్లు నోటిఫికేషన్‌లో తెలుస్తోంది.
అలాగే ఈ నోటిఫికేషన్‌లో భాగంగా రేడియో గ్రాఫిక్ టెక్నీషియన్‌తో పాటు CT టెక్నీషియన్, అనస్తీసియా టెక్నీషియన్, ECG టెక్నీషియన్ ఖాళీలకు కూడా దరఖాస్తు కోరినట్లు తెలుస్తోంది. ఈ నోటిఫికేషన్‌లో మొత్తం పోస్టుల సంఖ్య 52గా ఉన్నట్లు తెలుస్తోంది.
ఈ నోటిఫికేషన్‌లో భాగంగా అన్ని ఉద్యోగాలకు సంబంధించిన సంఖ్యను క్లుప్తంగా పేర్కొంది. ఇక విద్యార్హతల వివరాలు చూస్తే.. ఈ జాబ్స్‌కి అప్లై చేసుకునేవారు తప్పకుండా పోస్టును బట్టి 10th, ఇంటర్, డిగ్రీ పాస్‌ అవ్వాల్సి ఉంటుంది. అలాగే ఈ ఉద్యోగాలకు సంబంధించిన జీతాలను కూడా నోటిఫికేషన్‌లో పేర్కొంది.
ఈ జాబ్స్‌కు సంబంధించిన జీతాలు రూ.15 వేల నుంచి ప్రారంభమవుతుంది. ఇక ఇందులో వయస్సు పరిమితిని కూడా పేర్కొంది. ఈ జాబ్స్‌కి అప్లై చేసుకునేవారి వయస్సు తప్పకుండా 18 నుంచి 46 సంవత్సరాల మధ్య ఉండాల్సి ఉంటుంది. ఈ ఉద్యోగాల ఎంపిక పరీక్షలో వచ్చిన మార్కుల మెరిట్‌ను బట్టి అధారపడి ఉంటుంది.
