Black Cars: సాధారణంగా ప్రపంచంలో ఏ దేశంలో అయినా అగ్రనేతల కార్ల రంగు నలుపే ఉంటుంది. జీ20 శిఖరాగ్ర సమావేశానికి విచ్చేసిన ప్రపంచ దేశాధినేతల కార్లు కూడా ఇండియా చేరుకున్నాయి. ఇవన్నీ నలుపు రంగులోనే ఉన్నాయి.
Black Cars: ప్రపంచంలో అగ్రనేతల కార్లన్నీ దాదాపుగా నలుపు రంగులోనే ఉంటాయని అందరికీ తెలిసిందే. కానీ ఎందుకనేది కారణం తెలుసా..బహుశా చాలామందికి తెలియకపోవచ్చు. ఆ కారణాలేంటో మనం తెలుసుకుందాం..
అమెరికాలో అయితే నలుపు రంగును సీక్రెట్ సర్వీస్ కూడా ఉపయోగిస్తుంటుంది. అధ్యక్షుడి వాహనం రంగు అనాదిగా నలుపే ఉంటోంది. ఈ సాంప్రదాయం అలా కొనసాగుతూ వస్తోంది.
ఇండియాలో కూడా కార్ల రంగు నలుపు చాలాకాలంగా వస్తున్నదే. నలుపు అనేది శక్తి, బలం, అధికారం, హోదాకు ప్రతీకగా కూడా భావించవచ్చు.
రంగుల వాడకం ప్రారంభమైనప్పుడు నలుపు రంగు అనేది సాంప్రదాయ రంగుగా ఉండేది. ఈ రంగును చిత్రలేఖన, పాండులిపి, వాహనాలకు వినియోగించేవారు. ఆ సమయంలో వాహనాలు నలుపు రంగులోనే ఉండేవి.
దేశ రాజధాని ఢిల్లీలో జీ20 శిఖరాగ్ర సమావేశం జరుగుతోంది. ప్రపంచవ్యాప్తంగా వివిధ దేశాధినేతలు ఇండియాకు వచ్చారు. వాళ్లతో పాటు వారి కార్లు కూడా చేరుకున్నాయి. అన్నింటి రంగు నలుపే ఉంది. అన్నింటీ రంగు నలుపే ఎందుకుందనే విషయాన్ని ఓ మీడియా నివేదిక వెల్లడించింది. వాస్తవానికి దీనివెనుక పెద్ద రహస్యం లేదా నిబంధన ఏదీ లేదట. కేవలం సాంప్రదాయంగా వస్తున్న ఆనవాయితీ అట.
ప్రపంచాధినేతల కార్లు కూడా ఆకర్షిస్తుంటాయి. దేశంలోని టాప్ సెక్యూరిటీ ఫోర్స్ తమ తమ ప్రధాని లేదా అధ్యక్షుల భద్రతకు పెద్దపీట వేస్తుంటారు. 24 గంటల నిఘా ఉంటుంది. దాంతోపాటే ఈ నేతల కార్ల రంగు నలుపే ఎందుకుంటుందనేది ఎప్పుడైనా ఆలోచించారా..
