Bhola Shankar Songs: మెగాస్టార్ చిరంజీవి నటిస్తున్న లేటెస్ట్ చిత్రం భోళా శంకర్ (Bhola Shankar). మెహర్ రమేశ్ దర్శకత్వం వహిస్తోన్న ఈసినిమాలో మిల్క్ బ్యూటీ తమన్నా హీరోయిన్ గా నటిస్తోంది. ఈ చిత్రంలో చిరంజీవి చెల్లిగా కీర్తి సురేష్ నటిస్తుండగా.. కీలకపాత్రలో సుశాంత్ కనిపించనున్నారు. ఈ మూవీ నుంచి ఇప్పటికే విడుదలైన పోస్టర్స్, సాంగ్స్ ఆకట్టుకున్నాయి. రీసెంట్ గా రిలీజైన జామ్‌ జామ్‌ జజ్జనక సాంగ్ అయితే ఓ రేంజ్ లో అలరించింది. ఈ క్రమంలో ఇవాళ మరో సాంగ్ ను రిలీజ్ చేసింది చిత్రబృందం. 'మిల్కీ బ్యూటీ.. నువ్వే నా స్వీటీ' అంటూ సాగే ఈ పాట ఇప్పుడు సోషల్ మీడియాలో విపరీతంగా ట్రెండ్ అవుతోంది.
దాదాపు దశాబ్దం తర్వాత దర్శకత్వం వహిస్తోన్న మెహర్ రమేశ్ ఈ సినిమాతో ఎలాగైనా హిట్ కొట్టాలని కృతనిశ్చయంతో ఉన్నారు. ఇందులో చిరు టాక్సీ డ్రైవర్ పాత్రలో కనిపించనున్నారు. అన్నా, చెల్లి మధ్య ఉండే సెంటిమెంట్ ఆధారంగా ఈ చిత్రాన్ని తెరకెక్కించనున్నారు. ఈ చిత్రంలో తులసి, రఘు బాబు, రావు రమేష్, ఉత్తేజ్, వెన్నెల కిశోర్, మురళీ శర్మ తదితరులు కీలకపాత్రల్లో నటిస్తున్నారు. ఈ సినిమాను ఏకే ఎంటర్‌టైన్‌మెంట్స్‌ బ్యానర్ పై రామబ్రహ్మం సుంకర నిర్మిస్తున్నారు. ఈ చిత్రానికి మణిశర్మ తనయుడు మహతి స్వరసాగర్ సంగీతం సమకూరుస్తున్నారు. ప్రపంచవ్యాప్తంగా ఈ మూవీని ఆగస్టు 11న రిలీజ్ చేయడానికి మేకర్స్ సన్నాహాలు చేస్తున్నారు.
Also Read: Prabhas Comments: 'రామ్‌ చరణ్‌తో కలిసి త్వరలోనే సినిమా చేస్తా..': ప్రభాస్
Also Read: Baby Collections: 'బేబీ' కలెక్షన్స్ దూకుడు.. 50 కోట్ల మార్క్ దిశగా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
