Vitamin B12 Deficiency: మీలో విటమిన్ బీ12 లోపం ఉంటే ఇబ్బందులు తప్పవు.. చెక్ చేసుకోండిలా!

Vitamin B12 Deficiency Symptoms: మన శరీరాన్ని ఫిట్‌గా , ఆరోగ్యవంతంగా ఉంచాలంటే మనకు చాలా విటమిన్లు కావాలి. అలా ఇతర విటమిన్ల మాదిరిగానే, విటమిన్ B12 కూడా మన శరీరాన్ని ఫిట్‌గా ఉంచడానికి చాలా ముఖ్యమైనదని చెబుతూ ఉంటారు డాక్టర్లు. మన శరీరంలో విటమిన్ బి 12 లోపం ఉంటే, దాని నుండి అనేక రకాల సమస్యలు తలెత్తుతాయని అనడంలో ఎలాంటి సందేహం లేదు. విటమిన్ B12 శరీరంలో చాలా తక్కువగా ఉంటే, అది కూడా తీవ్రమైన పరిస్థితికి కూడా దారి తీస్తుంది.

పడుతూ లేస్తూ పరుగులు పెట్టాల్సిన నేటి జీవితంలో,  వేగంగా మారుతున్న జీవనశైలి కారణంగా, ఇప్పుడు చిన్న వయస్సులో కూడా చాలా మంది ఈ విటమిన్ల లోపాన్ని ఎదుర్కోవలసి వస్తుంది. విటమిన్ బి 12 లోపం ఉంటే, మలబద్ధకం, విరేచనాలు, చిరాకు, జ్ఞాపకశక్తి కోల్పోవడం, నిరాశ వంటి లక్షణాలు ఎక్కువగా కనిపిస్తాయి.

అంతే కాదు అండి ఈ విటమిన్ B12 లోపం లక్షణాలు కూడా అనేక విధాలుగా కనిపిస్తాయి. ఇక ఆ లోపాన్ని పలు సంకేతాల ద్వారా గుర్తించడం చాలా ముఖ్యం. వెబ్‌ఎమ్‌డి పరిశోధన ప్రకారం, పెరిగే వయస్సుతో పాటు విటమిన్ B12ను తీసుకోవడం కూడా బాడీకి కష్టమవుతుంది. అదొక్కటే కాదు అనేక కారణాల వల్ల శరీరంలో విటమిన్ B12 లోపం ఉండవచ్చు. విటమిన్ బి12 లోపం వల్ల శరీరంలో ఎలాంటి లక్షణాలు కనిపిస్తాయో ముందుగా తెలుసుకుందాం.

విటమిన్ బి 12 లోపం యొక్క లక్షణాలు
- బలహీనత
- అలసట
- తరచుగా తల తిరగడం
- క్రమం తప్పకుండా గుండె కొట్టుకోకపోవడం 
-శ్వాస ఆడకపోవడం
- చర్మం పసుపుగా మారడం 
- జిడ్డు నాలుక
- మలబద్ధకం, విరేచనాలు, గ్యాస్ సమస్య
- ఆకలి తగ్గుదల దృష్టి
- నరాల సమస్యలు
- నడవడం కష్టం అవడం 
- దృష్టి మందగించడం
- జ్ఞాపకశక్తి కోల్పోవడం, 
- ప్రవర్తనలో మార్పులు

మన శరీరంలో విటమిన్ B12 తక్కువగా ఉన్నప్పుడు, శరీరంలో అనేక రకాల సమస్యలు మొదలవుతాయి. అటువంటి పరిస్థితిలో, మన శరీరంలో ఈ విటమిన్ సమతుల్యతను కాపాడుకోవడం చాలా అవసరం. ఒకవేళ కనుక మీరు మాంసాహారులైతే గుడ్లు, మాంసం, చికెన్, చేపలు మొదలైన వాటిని ఆహారంగా తీసుకోవాల్సి ఉంటుంది. కాదు మీరు శాఖాహారులైతే, విటమిన్ బి12 బలవర్థకమైన తృణధాన్యాలను ఉపయోగించాలి. ఇవే కాకుండా విటమిన్ బి 12 స్థాయిని పెంచుకోవడానికి వైద్య సలహాపై ఇంజెక్షన్లు కూడా తీసుకోవచ్చు. 

Also Read: Allu Arjun Trolled: ఎన్టీఆర్ తెలుగు ప్రైడ్.. చరణ్ లవ్లీ బ్రదరేనా? ఇదేం తేడా బన్నీ?

Also Read: Rangamarthanda Release: రంగమార్తాండ హక్కులు కొనేసిన మైత్రీ మూవీ మేకర్స్.. తెలుగు రాష్ట్రాల్లో రిలీజ్!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U 

ఆపిల్ లింక్ -  https://apple.co/3loQYe 

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి  Twitter, Facebook