Green Tea: గ్రీన్ టీ. యాంటీ ఆక్సిడెంట్లు పుష్కలంగా లభించే ఈ టీతో లాభాలు అనేకం. మీ శరీరంలోని విష పదార్ధాల్ని గ్రీన్ టీ దూరం చేసినట్టుగా మరేదీ చేయలేదు. విష పదార్ధాల్ని దూరం చేయడంలో దివ్యౌషధంలా పనిచేస్తుంది.
గ్రీన్ టీను సాధారణంగా అందరూ డయాబెటిస్ సమస్యకో లేదా రక్తపోటు సమస్యను దూరం చేసుకోవడానికి లేదా డైటింగ్ కోసం వినియోగిస్తుంటారు. అంతకంటే ముఖ్యంగా శరీరంలోని విషపదార్ధాల్ని దూరం చేస్తుందని మీకు తెలుసా. అవును నిజమే. ప్రతిరోజూ క్రమం తప్పకుండా ఒకసారి గ్రీన్ టీ సేవిస్తే..మీ శరీరంలోని విష పదార్ధాలు ( Toxins )క్రమంగా దూరమవుతాయి. ఆరోగ్యం మెరుగుపడుతుంది. యాక్టివ్‌గా ఉంటారు.
గ్రీన్ టీ ( Green Tea ) ఆరోగ్యానికి మంచిదని అందరికీ తెలుసు. సన్నబడటానికి ఎక్కువగా గ్రీన్ టీ వాడుతుంటారు. అయితే గ్రీన్ టీ కేవలం డైటింగ్ కోసమే కాదు..ఆరోగ్యపరంగా చాలా ప్రయోజనకరమని తెలుసా మీకు. గ్రీన్ టీ రోజూ సేవిస్తే..గుండె పదికాలాలపాటు పదిలంగా ఉంటుందని వైద్యులు చెబుతున్నారు. శరీరంలో రోగ నిరోధక శక్తి ( Immunity power ) పెరుగుతుంది. బ్లడ్ ప్రెషర్ ఉన్నవారు క్రమం తప్పకుండా తీసుకుంటే..రక్తపోటు అదుపులో ఉంటుంది. క్యాన్సర్ కణాలు వృద్ధి చెందకుండా ఉంటాయి.
టైప్ 2 డయాబెటిస్‌కు అద్భుత పరిష్కారం
టైప్ 2 డయాబెటిస్ ( Type 2 Diabetes ) ఉన్నవారు ప్రతిరోజూ గ్రీన్ టీని సేవిస్తే..మీ శరీరంలో షుగర్ లెవెల్స్ అదుపులో ఉంటాయి. ఎందుకంటే గ్రీన్ టీలో కొటేకిన్ ( kotekin ) అనే యాంటీ ఆక్సిడెంట్ పుష్కలంగా ఉంటుంది. ఇది బరువు తగ్గేందుకు దోహదపడుతుంది. రక్తపోటును తగ్గిస్తుంది. మనిషి శరీరం..కార్బొహైడ్రేట్లను త్వరగా జీర్ణం చేయకుండా..నియంత్రిస్తాయి. ఫలితంగా ఇన్సులిన్ రెసిస్టెన్స్ త‌గ్గుతుంది. బరువు ఎప్పుడైతే తగ్గుతుందో..ఇన్సులిన్ రెసిస్టెన్స్ ( Insulin resistance ) త‌గ్గుతుంది. శరీరంలో ఉన్న ఇన్సులిన్ స‌రిగ్గా వినియోగం అవుతుంది. దీంతో ర‌క్తంలో షుగర్ లెవెల్స్ త‌గ్గుతాయి. ఈ విధంగా టైప్ 2 డయాబెటిస్ అదుపులో ఉంటుందని వైద్యులు చెబుతున్నారు. టైప్ 2 డయాబెటిస్ ఉన్నవారు రోజూ 2-3 కప్పుల గ్రీన్ తాగితే మంచిది.
అలాగని అందరూ తీసుకోవడం కూడా మంచిది కాదు. వైద్యుల సూచన మేరకే గ్రీన్ టీ తీసుకోవాలి. ఎందుకంటే గ్యాస్ ( Gastric problem ), ఎసిడిటీ ( Acidity ), కెఫీన్ అలర్జీ ఉన్నవారికి గ్రీన్ టీ అంత మంచిది కాదు. మితంగా తీసుకోవాలి. గ్రీన్ తాగినప్పుడు ఏదైనా సమస్యగా అన్పిస్తే మానేసి..వైద్యుడిని సంప్రదిస్తే మంచిది.
డయాబెటిస్ సమస్య ఉన్నవారికి మాత్రం గ్రీన్ టీ ఓ దివ్యౌషధమే అనడంలో సందేహం లేదని వైద్యులు సూచిస్తున్నారు. మార్కెట్లో ప్రస్తుతం గ్రీన్ టీ వివిధ రకాల రుచుల్లో లభిస్తోంది. గ్రీన్ టీ లెమన్, గ్రీన్ టీ హనీ, గ్రీన్ టీ జింజర్, గ్రీన్ టీ తులసి ఇలా చాలా రకాలున్నాయి. మన అవసరానికి తగ్గట్టుగా ఎంచుకోవాలి. రోజుకు ఒకసారి చాలు. పరిమితంగానే తీసుకోవడం మంచిది. లేదా అనర్ధాలు తలెత్తే అవకాశాలున్నాయి.
Also read: Hair loss, Dandruff: జుట్టు రాలడం, చుండ్రు సమస్యల నివారణకు simple health tips
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
