Cinnamon Water Benefits: మనిషి ఆరోగ్యానికి కావల్సిన, అవసరమైన పోషకాలు వివిధ రకాల మొక్కలు, పండ్లు, మసాలా దినుసుల్లో సమృద్ఘిగా ఉంటాయి. ఎందులో ఏవి లభిస్తోయో తెలుసుకుని వాడటం చాలా మంచిది. అందులో కీలకమైంది దాల్చిన చెక్క. ఇదొక ఆయుర్వేద ఔషధం. చాలా రకాల అనారోగ్య సమస్యలకు చెక్ పెడుతుంది.
దాల్చిన చెక్కను మన దేశంలో వివిధ రకాల వంటల్లో తప్పకుండా ఉపయోగిస్తారు. కారణం వంటల రుచిని పెంచుతుంది. అయితే ఆరోగ్యపరంగా లెక్కకు మించిన ప్రయోజనాలు ఇందులో ఇమిడి ఉన్నాయి. ఇందులో కార్బొహైడ్రేట్లు, కాల్షియం, ఐరన్, మెగ్నీషియం, ఫాస్పరస్, యాంటీ ఆక్సిడెంట్లు చాలా ఎక్కువగా ఉంటాయి. కేన్సర్ కారక ఫ్రీ రాడికల్స్‌ను అరికట్టే పోషకాలు ఉన్నాయి. రోజూ క్రమం తప్పకుండా దాల్చినచెక్క నీళ్లు తాగితే అద్భుతమైన ఆరోగ్య ప్రయోజనాలు లభిస్తాయి.
దాల్చిన చెక్క నీరు రోజూ తాగడం వల్ల స్వెల్లింగ్ సమస్య తగ్గుతుంది. చర్మం ఆరోగ్యంగా మారి నిగనిగలాడుతుంటుంది. పింపుల్స్‌తో పాటు చర్మ సంబంధిత సమస్యల్ని దూరం చేస్తుంది. దాల్చినచెక్కలో సహజసిద్ధమైన జీర్ణ సంబంధిత గుణాలు పుష్కలంగా ఉంటాయి. ఇవి జీర్ణక్రియను మెరుగుపరుస్తాయి. రోజూ క్రమం తప్పకుండా దాల్చిన చెక్క నీళ్లు తాగడం వల్ల కడుపు స్వెల్లింగ్, గ్యాస్, మలబద్ధకం వంటి సమస్యలు దూరమౌతాయి
దాల్చినచెక్కలో యాంటీ మైక్రోబియల్, యాంటీ వైరల్ గుణాలు పుష్కలంగా ఉంటాయి. ఫలితంగా శరీరం ఇమ్యూనిటీ పెరుగుతుంది. రోగ నిరోధక శక్తి పెరగడం వల్ల జలుబు, దగ్గు, జ్వరం వంటి వైరల్ వ్యాధుల ముప్పు చాలా వరకూ తగ్గుతుంది. రోజూ దాల్చిన చెక్క నీళ్లు తాగడం వల్ల బ్రెయిన్ ఫంక్షన్ మెరుగుపడుతుంది. మెదడు ఆరోగ్యంగా ఉండటంతో ఏకాగ్రత పెరిగి జ్ఞాపకశక్తి పెరుగుతుంది. భవిష్యత్తులో అల్జీమర్స్ వ్యాధి ముప్పు తగ్గుతుంది..
రోజూ నిర్ణీత పద్దతిలో క్రమం తప్పకుండా దాల్చినచెక్క నీళ్లు తాగడం వల్ల చెడు కొలెస్ట్రాల్ లెవెల్స్ తగ్గుతాయి. బ్లడ్ ప్రెషర్ నియంత్రణలో ఉంచుతుంది. గుండె ఆరోగ్యంగా ఉంటుంది. హార్ట్ ఎటాక్ వంటి వ్యాధుల ముప్పు తగ్గుతుంది.
Also read: Apple Benefits: రోజూ పరగడుపున ఆపిల్ తింటే ఎన్ని అద్భుత ప్రయోజనాలో తెలుసా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
