హైదరాబాద్ : విజయ్ దేవరకొండ హీరోగా క్రాంతిమాధవ్ దర్శకత్వంలో రూపుదిద్దుకొంటున్న వరల్డ్ ఫేమస్ లవర్ చిత్రంలో విజయ్ సరసన నలుగురు హీరోయిన్లు నటించబోతున్నారు. విజయ్ దేవరకొండ మరోసారి లవర్ బాయ్ పాత్రలో నటిస్తున్న ఈ చిత్రం అర్జున్ రెడ్డి చిత్రాన్ని తలపిస్తున్న టీజర్ కేవలం కొన్ని గంటల్లోనే లక్షల మంది చూశారు. ఇప్పటికే ఈ టీజర్ భారీ హైప్ సంపాదించుకుంది. క్రియేటివ్ కమర్షియల్స్ బ్యానర్ పై తెరకెక్కుతున్న ఈ చిత్రంలో విజయ్ దేవరకొండ సరసన రాశీ ఖన్నా, క్యాథరిన్ ట్రెసా, ఇజబెల్లా, ఐశ్వర్యా రాజేశ్ హీరోయిన్లుగా నటిస్తున్నారు.
తాజాగా ఈ సినిమా టీజర్ రిలీజైంది. ప్రేమంటే త్యాగం కాదు, ప్రేమలో ఓ దైవత్వం ఉంటుందంటూ హీరోయిన్ చెప్పే డైలాగుతో మొదలైన టీజర్, చివర్లో ఐ లవ్యూ యామిని అంటూ విజయ్ దేవరకొండ తీవ్ర భావోద్వేగాలతో చెప్పడంతో ముగుస్తుంది. ఇందులో విజయ్ దేవరకొండ లుక్ చూస్తే అర్జున్ రెడ్డి పోకడలు కనిపించకమానవని తెలుస్తుంది.
