Kushi second Single: టాలీవుడ్ స్టార్ హీరో విజయ్ దేవరకొండ, టాప్ హీరోయిన్ సమంత జంటగా నటిస్తున్న చిత్రం ‘ఖుషి’. శివ నిర్వాణ దర్శకత్వం వహిస్తున్న ఈ సినిమా లవ్ రొమాంటిక్ ఎంటర్‌టైనర్‌గా తెరకెక్కుతోంది. పాన్ ఇండియా స్థాయిలో రిలీజ్ కాబోతున్న ఈ మూవీకి హృదయం ఫేమ్ హేషమ్ అబ్దుల్ వహాబ్ సంగీతం అందించాడు. మైత్రీ మూవీ మేకర్స్ పతాకంపై నవీన్ ఎర్నేని, యలమంచిలి రవిశంకర్.. ఖుషి సినిమాను నిర్మిస్తున్నారు. ఇప్పటికే ఈ చిత్రం నుంచి రిలీజైన నా రోజా నువ్వే’ అనే పాట ఎంత పెద్ద హిట్ అయ్యిందో మనందరికీ తెలిసిందే.
తాజాగా(జూలై 12) రెండో సింగిల్ ను కూడా రిలీజ్ చేసింది చిత్రబృందం. ఆరాధ్య అంటూ సాగే ఈ మెలోడీ కూడా ప్రేక్షకులను మెస్మరెజ్ చేస్తోంది. మరోసారి తమ గాత్రంతో సిధ్ శ్రీరామ్, చిన్మయి శ్రీపాద మాయ చేశారు. ఈ సాంగ్ లో విజయ్, సామ్ కెమిస్ట్రీ కూడా అదిరింది. అయితే ఈ పాటకు చిత్ర దర్శకుడు శివ నిర్వాణనే తెలుగు లిరిక్స్ అందించడం విశేషం. ఈ ఆరాధ్య పాటను తెలుగుతోపాటు హిందీ, తమిళం, కన్నడ, మలయాళ భాషల్లో రిలీజ్ చేశారు మేకర్స్.
ఖుషి సినిమాలో జయరామ్, సచిన్ ఖేడేకర్, మురళీ శర్మ, లక్ష్మి తదితరులు కీలకపాత్రల్లో నటిస్తున్నారు. ప్రస్తుతం ఈ సినిమా షూటింగ్ చివరిదశకు వచ్చేసింది. ఈ చిత్రం సెప్టెంబర్ 1వ తేదీన తెలుగుతో పాటు హిందీ, తమిళం, కన్నడ, మలయాళ భాషల్లో రిలీజ్ కానుంది. ఈ మూవీకి మురళి జి.. సినిమాటోగ్రాఫర్‌గా పనిచేస్తుండగా.. ప్రవీణ్ పూడి ఎడిటింగ్ బాధ్యతలు నిర్వహిస్తున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
