Sai Dharam Tej SDT 16 launch : సాయి ధరమ్ తేజ్ ప్రస్తుతం మెల్లిగా సినిమాలను తీస్తున్నాడు. గత ఏడాది బైక్ యాక్సిడెంట్‌లో సాయి ధరమ్ తేజ్ ఎంతలా గాయపడ్డాడో అందరికీ తెలిసిందే. సాయి ధరమ్ తేజ్ ఆ షాక్‌లో కోమాలోకి వెళ్లినట్టు వైద్యులు కూడా ప్రకటించారు. దాదాపు నెల రోజుల విశ్రాంతి తరువాత సాయి ధరమ్ తేజ్ కోలుకున్నాడు. సాయి ధరమ్ తేజ్ కోలుకోవాలని ప్రతీ ఒక్కరూ పూజలు, ప్రార్థనలు చేశారు. సాయి ధరమ్ తేజ్ కోసం ప్రతీ వర్గం, ప్రతీ మతానికి చెందిన వారు దైవాన్ని వేడుకున్నారు.
అంతలా ప్రేమను పంచి, ప్రార్థించారు కాబట్టే సాయి ధరమ్ తేజ్ ప్రాణాపాయం నుంచి తప్పించుకున్నాడు. ఆస్పత్రి నుంచి డిశ్చార్జ్ అయినా కూడా కొన్ని నెలలు మాత్రం సాయి ధరమ్ తేజ్ మొహాన్ని మాత్రం బయటకు రానివ్వలేదు. ఒక్క ఫోటో కూడా బయటకు రాలేదు. గత ఏడాది దసరా, దీపావళి సమయంలోనే సాయి ధరమ్ తేజ్ ఫోటోలు బయటకు వచ్చాయి. అయితే ఇలా సాయి ధరమ్ తేజ్ ప్రస్తుతం కాస్త మెల్లిగానే సినిమాలను పట్టాలెక్కిస్తున్నాడు.
తన రిపబ్లిక్ సినిమా రిలీజ్ సమయంలోనే బైక్ యాక్సిడెంట్‌కు గురయ్యాడు. సినిమా ప్రమోషన్స్‌లోనూ సాయి ధరమ్ తేజ్ పాల్గొనలేకపోయాడు. తాజాగా సాయి ధరమ్ తేజ్ తన కొత్త సినిమాకు సంబంధించిన అప్డేట్ ఇచ్చాడు. ఈ పదహారో సినిమాను బీవీఎస్ఎన్ ప్రసాద్‌ నిర్మిస్తున్నాడట. ఈ చిత్రానికి జయంత్ దర్శకుడిగా వ్యవహరిస్తున్నాడు.
Okappudu na peru kuda telidhu meeku…his name is “Jayanth” please remember his name 😊 https://t.co/MHsfvGKI2u
— Sai Dharam Tej (@IamSaiDharamTej) December 2, 2022
అయితే ఈ మూవీ మీద ఓ మెగా అభిమాని ఇలా స్పందించాడు. కొంచెం పేరు తెలిసిన డైరెక్టర్‌తో సినిమా తీయ్ అన్నా అని అడిగాడు. దీనికి సాయి ధరమ్ తేజ్ ఎంతో కూల్‌గా రిప్లై ఇచ్చాడు. ఒకప్పుడు నా పేరు కూడా మీకు తెలీదు.. ఆయన పేరు జయంత్.. మీరు ఆ పేరుని గుర్తు పెట్టుకోండి అని రిప్లై ఇచ్చాడు. దీంతో సాయి ధరమ్ తేజ్ తన మూలాల్ని మరిచిపోలేదని,ఎక్కడి నుంచి వచ్చాడు.. ఎలా కెరీర్‌ను మొదలుపెట్టాడో గుర్తు పెట్టుకున్నాడు.. ఒదిగి ఉండటం అంటే ఇదే అని నెటిజన్లు ప్రశంసిస్తున్నారు. మెగా ఫ్యామిలీలో బ్లెడ్డులోనే ఇలా ఒదిగి ఉండటం అనేది ఉందేమో అని కామెంట్లు వినిపిస్తున్నాయి.
Also Read : Sitara Ghattamaneni Followers : మహేష్‌ కూతురా..మజాకా.. సితార రేర్ ఫీట్
Also Read : Vijay Varisu Remuneration : విజయ్ రెమ్యూనరేషన్..నెట్టింట్లో చర్చలు.. అన్ని కోట్లా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
