Pushpa 2 OTT: అల్లు అర్జున్ సుకుమార్ కాంబినేషన్ పుష్ప సీక్వెల్ పుష్ప 2 ఎంత విజయం సాధించిందో అందరికీ తెలిసిందే. బాక్సాఫీసులో దేశంలోనే అత్యధికంగా వసూళ్లు సాధించింది. దంగల్ తరువాత అత్యధిక వసూళ్లు రాబట్టిన చిత్రంగా నిలిచింది. ఎప్పుడెప్పుడు ఓటీటీ రిలీజ్ అవుతుందా అని ఎదురుచూసినవారికి ఇక పండగే.
గత ఏడాది డిసెంబర్ 5న ప్రపంచవ్యాప్తంగా విడుదలై బ్లాక్ బస్టర్ హిట్ సాధించిన పుష్ప 2 ఇప్పటికీ కలెక్షన్లు రాబడుతూనే ఉంది. ఇటీవలే సంక్రాంతి సమయంలో అదనంగా కొన్ని సీన్లు చేర్చి పుష్ప 2 రీలోడెడ్ వెర్షన్ వచ్చింది. అప్పట్నించి కలెక్షన్లు మరింతగా పెరిగాయి. అందరూ అంచనా వేసినట్టే జనవరి 30 ఇవాళ్టి నుంచి అంటే నిన్న అర్ధరాత్రి నుంచి ఓటీటీ స్ట్రీమింగ్ ప్రారంభమైపోయింది. తెలుగుతో పాటు హిందీ, తమిళం, కన్నడ, మలయాళం భాషల్లో స్ట్రీమింగ్ మొదలైంది.
ఈ సినిమా డిజిటల్ హక్కుల్ని ప్రముఖ ఓటీటీ దిగ్గజం నెట్‌ఫ్లిక్స్ 200 కోట్లకు సొంతం చేసుకుంది. గతంలో ఇదే సంస్థ ఆర్ఆర్ఆర్ సినిమాను కూడా అదే ధరకు తీసుకుంది. నెట్‌ఫ్లిక్స్ విడుదలతో ఈ సినిమాకు ప్రపంచవ్యాప్తంగా మరింత గుర్తింపు పెరిగే అవకాశాలున్నాయి. ఎందుకంటే గతంలో ఆర్ఆర్ఆర్ సినిమా విషయంలో ఇదే జరిగింది. అల్లు అర్జున్, రష్మిక మందన్నా, ఫహద్ ఫాజిల్, రావు రమేశ్, జగపతి బాబు, సునీల్, అనసూయ నటించిన ఈ సినిమాకు దేవీ శ్రీ ప్రసాద్ సంగీతం అందించారు.
ఇప్పుడీ సినిమా 23 నిమిషాల అదనపు సమయంతో రీలోడెడ్ వెర్షన్ నెట్‌ఫ్లిక్స్‌‌లో స్ట్రీమ్ అవుతోంది. థియేటర్ వెర్షన్‌లో మొదట్లో లేని సీన్లు రీలోడెడ్ వెర్షన్‌లో ఉన్నాయి. అందుకే అభిమానులకు పండుగగా మారింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
